Бишкектеги мечитте жума намазы. Архив

Бишкек шаарындагы мечиттерде жума намазы менен дааватка чектөө коюлду

150
(жаңыланган 19:25 29.04.2021)
Дин башкармалыгы адам баласынын жанын, мал-мүлкүн, ишенимин, ден соолугун сактоо негизги максат экенин айтып, жарандарды түшүнүү менен кабыл алууга чакырды.

БИШКЕК, 29-апр. — Sputnik. Бишкек шаарындагы мечиттерде эпидемиологиялык абал турукташканга чейин жума намазы токтотулду. Бул тууралуу Кыргызстан мусулмандарынын дин башкармалыгы кабарлады.

Саламаттык сактоо, социалдык өнүктүрүү министрлигинин, Бишкек шаардык мэриясынын жана Санитардык-эпидемиологиялык көзөмөлдөө борборунун талаптарына ылайык, 30-апрелден тарта мечиттерде жума намазын окуу жана дааватка каттоого алууга убактылуу чектөө коюлду.

"Буга чейин Бишкек шаарындагы мечиттерде ооз ачтырууга киргизилген чектөө күчүндө калтырылмакчы. Жарандар мечиттерге келүүдө бет кап тагынып, 1,5 метрлик аралыкты сактап, дене табын текшертүүсү зарыл. Ал эми жаш балдар, кары-картаңдар, ооругандар, дене табы көтөрүлгөндөр мечитке келбей турушу керек", — деп айтылат билдирүүдө.

Мындан тышкары, Дин башкармалыгы баласынын жанын, мал-мүлкүн, ишенимин, ден соолугун сактоо негизги максат экенин айтып, жарандарды түшүнүү менен кабыл алууга чакырды.

150
Белгилер:
коронавирус, даават, намаз, Кыргызстан мусулмандар дин башкармалыгы, Кыргызстан, Бишкек
Тема:
Коронавируска байланыштуу Кыргызстандагы кырдаал (2699)
Тема боюнча
Түркиядагы COVID: бийлик бир нече күндөн соң локдаун киргизмей болду
Головной суу бөлүштүрүүсү

Жапаров “Головной” суу бөлүштүрүү жайын модернизациялоо тапшырмасын берди

38
(жаңыланган 22:07 06.05.2021)
Садыр Жапаров Баткен облусуна барып, чек арадагы жаңжалда жабыркаган эл менен жолукту. Ошондой эле зыянга учураган объектилерди көрдү.

БИШКЕК, 6-май — Sputnik. Президент Садыр Жапаров "Головной" суу бөлүштүрүү жайын модернизациялоону тапшырды. Бул тууралуу өлкө башчынын маалымат кызматынан билдиришти.

  • Президент КР Садыр Жапаров во время выступления на военном полигоне Бужум в Баткенской области. 06 мая 2021 года
    Президент Садыр Жапаров "Головной" суу бөлүштүрүү жайын модернизациялоону тапшырды
    © Пресс-служба президента КР / Султан Досалиев
  • Военный полигон Бужум в Баткенской области во время визита президента КР. 06 мая 2021 года
    Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров "Головной" суу бөлүштүрүү жайын модернизациялоону тапшырды

Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды.

“Мамлекет башчы суу бөлүштүрүүчү жайды жана объектти кайтарган аскердик бөлүк турган аймакты көрүп чыгып, тийиштүү мамлекеттик органдарга суу бөлүштүрүүчү жайды модернизациялоону тапшырды”, — деп айтылат билдирүүдө.

Ошондой эле Жапаров “Бужум” полигонундагы аскер кызматкерлеринин алдында сүйлөп жатып, мамлекет Куралдуу Күчтөрдүн алдындагы социалдык милдеттенмелеринин бардыгын аткара турганын жана күч түзүмдөрүнүн көйгөйлөрүн чечүүгө өлкө жетекчилиги тарабынан өзгөчө көңүл буруларын белгиледи.

38
Белгилер:
модернизациялоо, Садыр Жапаров, "Головной" суу бөлүштүрүүчү, Баткен
Тема:
Баткендеги кыргыз-тажик жаңжалы
Тема боюнча
Чек арадагы жаңжалдын кесепети. Баткендин жүрөктү тилген сүрөттөрү
Бир айыл 5 уулун жоготту. Турдубайдын чек арада окко учканын 4 баласы биле элек
Спутник Лайт вакцинасы. Архив

Россия коронавируска каршы дагы бир вакцинаны каттоодон өткөрдү

16
(жаңыланган 21:34 06.05.2021)
Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетери айтылды.

БИШКЕК, 6-май — Sputnik. Россиянын Саламаттык сактоо министрлиги коронавируска каршы "Спутник Лайт" вакцинасын каттоодон өткөрдү. Бул тууралуу РИА Новости жазды.

"Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетет. Бул учурда текшерилгендердин 96.6 пайызында IgG антителосу, 91,67 пайызында вирусту алсыздандыра турган антитело пайда болорун аныкталды. 80 пайыз учурда анын таасири эки компоненттүү вакциналардан дагы күчтүү экенин белгилүү болду”, — деп айтылат билдирүүдө.

Учурда анын клиникалык сыноосунун үчүнчү фазасы өтүп, ага Россия, БАЭ, Гана сыяктуу мамлекеттерден 7 миң кши катышып жатат. Жыйынтыгы ушул айда белгилүү болот.

"Спутник Лайт" Гамалея борбору менен Россиянын Түз инвестициялар фонду (РФПИ) биргеликте иштеп чыккан "Спутник" вакцина топтомуна кирет.

Буга чейин Гамалея атындагы борбордун директору Александр Гинцбург "Спутник Лайт" аталган мамлекеттерде оорунун мизин кайтарып, жергиликтүү саламаттык сактоо тармагына сезилерлик колдоо болорун белгилеген.

16
Белгилер:
вакцина, коронавирус, Россия
Тема:
Дүйнөгө жайылган коронавирус
Тема боюнча
Майдын ортосунда "Спутник V" вакцинасынын дагы бир партиясы келери күтүлүүдө