Баткен облустук администрация имаратынан алдына чогулган эл

Баткен: облустук администрация имаратынын алдына эл чогулууда. Сүрөт

515
(жаңыланган 00:05 30.04.2021)
Буга чейин эки тарап ок атууну токтотуу тууралуу чечим кабыл алганы айтылган болчу.

БИШКЕК, 30-апр. — Sputnik. Баткен облустук администрация имаратынын алдында эл чогулуп жатканын жергиликтүү кабарчы билдирди.

Чогулгандардын баары эркек кишилер экени, саны 500дөн ашары айтылды.

  • Люди у здания областной администрации в Баткене. 29 апреля 2021 года
    Баткен облустук администрация имаратынын алдында эл чогулуп жатканын жергиликтүү кабарчы билдирди
    © Фото / Зульфия Тургунова
  • Люди у здания областной администрации в Баткене. 29 апреля 2021 года
    Чогулгандардын баары эркек кишилер экени, саны 500дөн ашары айтылды
    © Фото / Зульфия Тургунова
  • Люди у здания областной администрации в Баткене. 29 апреля 2021 года
    Имарат алдына келгендер жетекчилерден чек ара көйгөйүн тезинен чечип, кырдаалды жөнгө салууну талап кылып жатышат
    © Фото / Зульфия Тургунова
1 / 3
© Фото / Зульфия Тургунова
Баткен облустук администрация имаратынын алдында эл чогулуп жатканын жергиликтүү кабарчы билдирди

Имарат алдына келгендер жетекчилерден чек ара көйгөйүн тезинен чечип, кырдаалды жөнгө салууну талап кылып жатышат.

Баткендеги жаңжал

8-апрелде күндүз Баткен районунда кыргыз-тажик чек арасында жаңжал чыккан. Чыр-чатак тажик тарап Ак-Сай айыл өкмөтүнүн аймагынан шагыл жүктөп, мамыларга видеокөзөмөл орнотууга киришкенден кийин башталган.

Ошондон кийин аталган аймакка эки тараптан 100-150дөй киши чогулуп, бири-бирин таш менен ургулаган. Кечке маал абал салыштырмалуу тынчыганы менен, бирок таңга жуук кайрадан курчуган.

Акыркы маалымат боюнча, окуя учурунда 40тан ашуун кыргызстандык жаракат алды. Мындан башка дагы бир киши көз жумду. Ошол эле учурда тажик тарап жети адамга таш тийип жабыркаганын айтууда.

Сөз болуп жаткан Ак-Сай, Ак-Татыр, Самаркандек айыл аймактарына өзгөчө кырдаал режими киргизилген.

Кечинде эки тарап ок атууну токтотуу тууралуу чечим кабыл алганы айтылган.

Чек арада ушу тапта абал кандай болуп жатканын Sputnik Кыргызстан агенттиги жүргүзүп жаткан тексттик трансляциядан билсеңиз болот.

515
Белгилер:
чек ара, нааразы, эл, Баткен
Тема:
Баткендеги кыргыз-тажик жаңжалы (253)
Тема боюнча
Кыргыз-тажик чек ара жаңжалында жаракат алгандар 46 кишиге жетти
Чек ара чыры: каза болгон адам тууралуу эмне белгилүү
Артём Новиков Баткенге келип, ишке киришти. Сүрөт
Жүргүнчүлөр жамгыр учурунда. Архив

Ишембиге карата аба ырайы

11
15-майга караган түнү температуранын жогорулашына жана күтүлүп жаткан нөшөрлүү жаан-чачынга байланыштуу суунун деңгээли кескин көтөрүлүп, тоолуу жана тоо этектериндеги райондордо сел жүрүү коркунучу бар.

БИШКЕК, 14-май — Sputnik. Ишембиде күндүз республика аймагында жамгыр жаап, күн күркүрөшү мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +19…+24, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +13…+18 градус болот.

Бишкек жана Ош шаарларында жамгыр жаап, күн күркүрөшү күтүлөт. Күндүн табы борбордо +22…+24, Ош шаарында +25…+27 градусту көрсөтөт.

11
Белгилер:
Кыргызстан, май, аба ырайы
Тема боюнча
Жакында "Супер Ай" толугу менен тутулат. Кубулушту кимдер көрө алат
Медициналык кызматкер лабораторияда

Германия коронавирустун Кыргызстандагы штаммдарын аныктаган реагенттерди берди

23
(жаңыланган 19:40 14.05.2021)
Коронавирустун штаммдарынан сырткары, Кыргызстандын лабораторияларына 50 миң ПЦР-тест тапшырылганы белгиленди.

БИШКЕК, 14-май — Sputnik. Германия коронавирустун Кыргызстандагы штаммдарын аныктоо үчүн реагенттерди алып берди. Бул тууралуу Саламаттык сактоо министрлигинен билдиришти.

Маалыматка караганда, бүгүн, 14-майда, саламаттык сактоо жана социалдык өнүктүрүү министри Алымкадыр Бейшеналиев Германиянын Кыргызстандагы элчиси Моника Иверсен, Германия менен Россиянын эл аралык адистери менен жолуккан.

"Үстүбүздөгү жылдын 10-майында Кыргызстанга германиялык бир нече окуу жайлардын медицина өкүлдөрү келишкен. Адистер Кыргызстандын лабораторияларынын кызматкерлерин штаммдарды аныктоого окутуп жатышат. Эми жардам катары берилген реагенттер Кыргызстандын аймагында коронавирустун штаммдарын аныктоого жардам берет", — деп айтылат маалыматта.

Жабдыктан сырткары, лабораторияга 50 миң ПЦР-тест тапшырылган. Министр Алымкадыр Бейшеналиев Германиянын элчиси менен эл аралык адистерге Кыргызстандын саламаттык сактоо системасына көрсөткөн колдоосуна ыраазычылык билдирди.

23
Тема:
Коронавируска байланыштуу Кыргызстандагы кырдаал
Тема боюнча
Өткөн суткада 200 кишиден коронавирус табылып, 6 бейтап көз жумду
ТИМ Түркияга бара турчуларга сактык полисин алууну эскертти. Артыкчылыгы
Депутат Зарылбек Рысалиев. Архив

БШК Рысалиевди мандатынан ажыратты. Анын ордуна ким келди?

0
(жаңыланган 21:38 14.05.2021)
Мурдагы ички иштер министри жана жаза аткаруу мамлекеттик кызматынын экс-төрагасы Зарылбек Рысалиев Жогорку Кеңешке 2017-жылы "Республика — Ата-Журт" фракциясынан депутат болуп келген.

БИШКЕК, 14-май — Sputnik. Борбордук шайлоо комиссиясы Жогорку Кеңештин депутаты Зарылбек Рысалиевди мандатынан ажыратты.

БШКга эл өкүлүнөн депутаттык мандатын тапшырары тууралуу арыз келип түшкөн. Маалым болгондой, 10-май күнү Бишкектин Свердлов райондук соту Борбордук шайлоо комиссиясына Зарылбек Рысалиевге карата өз чечимин жиберген. Буга чейин ал Азиз Батукаевди мыйзамсыз бошотуу иши боюнча 300 миң сом айып төлөөгө милдеттендирилген.

Мурдагы ички иштер министри жана Жаза аткаруу мамлекеттик кызматынын экс-төрагасы Зарылбек Рысалиев Жогорку Кеңешке 2017-жылы "Республика — Ата-Журт" фракциясынан депутат болуп келген.

Рысалиевдин ордуна Өскөнбай Жээнбаев эл өкүлү болуп келген. Жээнбаев Жогорку Кеӊештин депутаты болуп катталып, ага күбөлүк жана төш белги берилген. Юстиция министрлигинин маалыматына ылайык, жаңы эл өкүлү буга чейин курулуш компанияларын жетектеген.

0
Белгилер:
мандат, депутат, Жогорку Кеңеш, БШК, Зарылбек Рысалиев
Тема боюнча
Марат Иманкулов Коопсуздук кеңешинин катчысы болуп дайындалды