Жогорку соттун төрайымы Нургүл Бакирова жыйын учурунда

Жогорку соттун жаңы төрайымы кызматкерлерге талап койду

172
Төрайым учурда сот тармагында чечүүнү талап кылган маселелер бар экенин айтып, бирок бул нерсе иштин сапатына таасир этпеши керектигин эскертти.

БИШКЕК, 30-апр. — Sputnik. Жогорку соттун төрайымы Нургүл Бакирова Сот департаментинин кызматкерлерине жана сот аткаруучуларга жыйын өткөрүп, алардан сот системасынын беделине көлөкө түшүрө турган иштерден оолак болууну талап кылды. Бул тууралуу Жогорку соттун маалымат кызматы кабарлады.

"Сот органынын ар бир кызматкери эмгек дисциплинасын, мамлекеттик кызматкердин этикасын сактап, сот системасынын беделине көлөкө түшүрө турган иштерди кылбашы керек. Сот аткаруу жаатында чече турган көйгөйлөр бар экенин билем. Бирок бул нерсе силердин кесиптик милдетиңерди аткарышыңарга тоскоол болбошу керек", — деди Бакирова.

Эске салсак, Бакирова Жогорку соттун төрайымы болуп дайындалган.

172
Белгилер:
жыйын, талап, Нургүл Бакирова, Жогорку сот
Тема боюнча
Садыр Жапаров жергиликтүү сотторго 30 судьяны дайындады. Тизме
Кишилер сууну алып жатышат. Архив

Ош шаарында таза суу кайрадан берилбей калды

10
Кырдаалга байланыштуу "Ош шаар суу канал" ишканасы жашоочуларга сууну водовоз менен ташып келип бере турганын билдирди.

БИШКЕК, 11-май. — Sputnik. Ош шаарында ичүүчү сууну берүү кайрадан токтотулду. Бул тууралуу "Ош шаар суу канал" ишканасы билдирди.

Ага ылайык, таза суу нөшөрлөп жааган жамгырдан улам Ак-Буура дарыясындагы суунун ылайланышы нормадан жогору болгондугуна байланыштуу өчүрүлүп жатат. Ушундай эле себеп менен Ош шаарында мындан үч күн мурун дагы суу берилбей калган.

Учурда Ош шаарынын Түштүк-Чыгыш, ХБК, Туран кичи райондорунда, Достук, Калинин массивдеринде жана башка аймактарда суу жок.

Мындан улам "Ош шаар суу канал" ишканасы жашоочуларга водовоз менен суу ташып келип бере турганын билдирди.

Таза сууну шаардыктар төмөнкү телефондор аркылуу чалып ала алышат:

  • 0 556 039599; 0 556 460585; 0 559 566671; 0 558 140888;
  • 8-11-15; 8-11-51; 5-04-16;
  • 105.
10
Белгилер:
жаан, суу, шаар, дарыя, Ак-Буура, Ош
Тема боюнча
Ош шаарында эки күндөн бери суу жок. Мэрия унаа менен ташымай болду
Арменияда парламент. Архивдик сүрөт

Арменияда парламент таратылып, кезексиз шайлоонун мөөнөтү аныкталды

11
(жаңыланган 10:28 11.05.2021)
Парламенттин таратылышына анын эки ирет чогулуп, бирок өкмөт башчыга эч кимди тандай албай коюшу себеп болду.

БИШКЕК, 11-май — Sputnik. Армениянын президенти Армен Саркисян мөөнөтүнөн мурда парламенттик шайлоону 20-июнга белгилөө боюнча жарлыкка кол койду. Бул тууралуу Sputnik Армения агенттиги жазды.

"Шайлоо 20-июнга белгиленип, жарлык расмий түрдө жарыяланган күндүн эртеси күчүнө кирсин", — деп жазылат документте.

Парламенттин таратылышына анын эки ирет чогулуп, бирок өкмөт башчыга эч кимди тандай албай коюшу себеп болду. Армениянын Баш мыйзамынын 92 жана 93-беренелерине ылайык, мындай учурда парламент өзү ишин токтотууга милдеттүү.

Эске салсак, өлкөнүн премьер-министри Никол Пашинян апрель айында отставкага кеткен. Бирок ал кезексиз парламенттик шайлоо өткөнгө чейин министрлер кабинетинин төрагасынын милдетин аткара берери айтылган.

Арменияда ички саясий кризис Карабах окуясынан кийин күч алган. Оппозициялык күчтөр Пашиняндын бийликтен кетишин талап кылган. Жыйынтыгында ал мөөнөтүнөн мурда парламенттик шайлоо өткөрүүгө макул болгон.

11
Белгилер:
парламенттик шайлоо, Никол Пашинян, Армения
Тема боюнча
ЕАЭБ жарандары Россияга Армения жана Беларусь аркылуу кире алат
Армения-Азербайжан чек арасын эмне үчүн РФ чек арачылары күзөтүүдө?