Медициналык кызматкер. Архив

331 кишиден COVID аныкталып, 6 бейтап көз жумду. Статистика

169
(жаңыланган 10:53 30.04.2021)
Өткөн суткада коронавирус жуктуруп алгандардын арасынан алты киши каза тапты. Бүгүнкү статистиканы кошкондо пандемия башталгандан бери 1 604 кыргызстандык көз жумду.

БИШКЕК, 30-апр. — Sputnik. Соңку бир күндүн ичинде өлкөдө 331 адамдан коронавирус аныкталып, ошол эле учурда 268 киши айыгып чыкты. Бул туурасында Республикалык штаб билдирди.

Ошол эле учурда алты киши вирустан каза тапты. Алардын экөө Бишкек шаарынан, экөө Чүй облусунан жана экөө Ысык-Көл облусунан экени белгилүү болду. Бүгүнкү статистиканы кошкондо пандемия башталгандан бери 1 604 кыргызстандык көз жумду.

Катталган жаңы учурлар:

  • Бишкек шаары – 211;
  • Ош шаары – 5;
  • Чүй облусу – 83;
  • Ош облусу – 3;
  • Нарын облусу – 2;
  • Ысык-Көл облусу – 25;
  • Баткен облусу – 2.

Сакайып чыккандар:

  • Бишкек шаары – 172;
  • Ош шаары – 4;
  • Чүй облусу – 71;
  • Ош облусу – 6;
  • Талас облусу – 3;
  • Нарын облусу – 3;
  • Ысык-Көл облусу – 6;
  • Жалал-Абад облусу –3.

Өлкө боюнча жалпысынан вирус жуктургандардын саны 95 275ке жетип, анын ичинен 89 191и сакайып кетти.

Акыркы сутка ичинде 5 099 ПЦР-изилдөө жүргүзүлдү.

Бүгүнкү күндө стационарда 1 477 кыргызстандык бар болсо, үйүнөн 2 012 бейтап дарыланууда.

169
Белгилер:
статистика, өлүм, коронавирус, Кыргызстан
Тема:
Кыргызстандагы коронавирус жуктуруп алгандар (1620)
Тема боюнча
COVID-19: эмдөөгө байланыштуу сурап-билүү телефондору ишке кирди
Айыл жергеси. Архив

Жума күнгө карата аба ырайы

48
14-майга караган түнү республиканын тоолуу жана тоо этектериндеги райондорунда аба ырайынын бузулушунан улам сел жүрүшү, дарыяларда суунун деңгээли көтөрүлүшү мүмкүн.

БИШКЕК, 13-май — Sputnik. Жума күнү Кыргызстандын бир катар аймактарында күндүн ысыгы 29 градуска жетсе, кээ бир жерлеринде жамгыр жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +22…+27, Ош, Жалал-Абад, Баткен аймактарында +24…+29, Ысык-Көл, Нарын өрөөндөрүндө +15…+20 градус болот.

Күндүн табы Бишкекте +23…+25, Ош шаарында +27…+29 градусту көрсөтөт.

48
Белгилер:
Кыргызстан, аба ырайы
Тема боюнча
Чаткалда алтын казган компания экологиялык зыяны үчүн 103 млн. сомдук доого жыгылды
Автотыгын. Архив

Автоунаалардын аягы көрүнбөйт. Бишкекке тоо тараптан келе жаткандардын видеосу

136
(жаңыланган 21:17 13.05.2021)
Окуянын күбөлөрү бүгүн шаар четине эс алганы чыккандар көп экенин, кайтканда бир нече чакырымга созулган жол тыгын болгонун айтышты.

БИШКЕК, 13-май — Sputnik. Бишкекке тоо тараптан эс алып келе жаткандар узун автотыгынды жаратты. Бул тууралуу Sputnik Кыргызстан агенттигине окуянын күбөсү билдирип, видеосун жиберди.

Кадрдан автоунаалар бир топ чакырымга тизилип, айрымдары эки-үч катар болуп токтоп калганын көрүүгө болот. Кишилердин сыртка чыгып алганы да байкалат.

Жол тыгын Ала-Арча жана Аламүдүн капчыгайларындагы жолдо болгон. Кырдаалды Кайгуул милициясынын кызматкерлери жөнгө салган. Жол кырсыгы байкалган эмес.

Видеону тарткан адам бүгүн шаар четине эс алганы чыккандар абдан көп болгонун айтты.

136
Белгилер:
видео, унаа, тыгын, жол, Чоң-Арык айылы, Байтик айылы
Тема боюнча
Бишкектеги автотыгынды азайтуу үчүн асма көпүрөлөр курулат
 Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты

Сокулуктагы дүкөндүн өрттөнгөн видеосу

91
(жаңыланган 22:51 13.05.2021)
Тилсиз жоо менен күрөшүүгө ӨКМден эки бөлүм жана өрт өчүрүүчү-куткаруучулардын бир штабы тартылды. Ал саат 20:43тө чектөөгө алынды.

БИШКЕК, 13-май — Sputnik. Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты. Бул тууралуу ӨКМдин маалымат кызматы кабарлады.

Дүкөн Новопавловка айылынын Киров көчөсүндө жайгашкан. Тилсиз жоо менен күрөшүүгө саат 19:54тө эки бөлүм, ал эми саат 20:14тө өрт өчүрүүчү-куткаруучулардын штабы тартылган.

Өрт саат 20:43тө чектөөгө алынган. Учурда толук өчүрүү иш-чаралары жүргүзүлүгөн.

Ал эми саат 21:56да толугу менен өчүрүлдү.

91
Белгилер:
видео, дүкөн, өрт, Новопавловка
Тема боюнча
Алайда үй өрттөнүп, 56 жаштагы киши каза болду. Сүрөттөр