Эстеликтеги гүлдөр. Архив

Футболдук союз чек арада көз жумган футзалчы Султанбектин жакындарына көңүл айтты

136
(жаңыланган 20:05 30.04.2021)
19 жаштагы Султанбек чек арадагы куралдуу кагылышууда тажик тараптын аткан огунан каза тапкан адамдардын катарында болгон.

БИШКЕК, 30-апр. — Sputnik. Кыргызстандын футболдук союзу Баткендеги чек арадагы атышууда каза болгон футзалчы Султанбек Абдибахап уулунун жакындарына көңүл айтты. Бул тууралуу билдирүү футболдук уюмдун социалдык баракчасына чыкты.

19 жаштагы спортчу өлкөнүн футзал боюнча Суперлигасында Баткен облусунун "Нур-Баткен" клубунда ойногон. Ошол эле учурда "D" категориясындагы машыктыруучулук лицензиясын алган. Мындан сырткары, жаштар арасындагы чемпионатта калыстык кылып келген.

"Кыргыз футболдук союзу Султанбек Абдибахап уулунун туугандарына жана жакындарына терең кайгыруу менен көңүл айтып, ызасын тең бөлүшөт", — деп айтылат маалыматта.

Акыркы маалымат боюнча, чек ара чырынан каза тапкан кыргызстандыктардын саны 31ге жетти.

136
Белгилер:
чек ара, көңүл айтуу, футзал, өлүм
Тема:
Баткендеги кыргыз-тажик жаңжалы (252)
Тема боюнча
Садыр Жапаров менен Эмомали Рахмон телефон аркылуу сүйлөштү
Чек арада курман болгон дагы бир спецназдын сөөгү эртең Аксыда жерге берилет
1-майда Баткенде чек араны делимитациялоо жана демаркациялоо сүйлөшүлөт
Айыл жергеси. Архив

Жума күнгө карата аба ырайы

48
14-майга караган түнү республиканын тоолуу жана тоо этектериндеги райондорунда аба ырайынын бузулушунан улам сел жүрүшү, дарыяларда суунун деңгээли көтөрүлүшү мүмкүн.

БИШКЕК, 13-май — Sputnik. Жума күнү Кыргызстандын бир катар аймактарында күндүн ысыгы 29 градуска жетсе, кээ бир жерлеринде жамгыр жаашы мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +22…+27, Ош, Жалал-Абад, Баткен аймактарында +24…+29, Ысык-Көл, Нарын өрөөндөрүндө +15…+20 градус болот.

Күндүн табы Бишкекте +23…+25, Ош шаарында +27…+29 градусту көрсөтөт.

48
Белгилер:
Кыргызстан, аба ырайы
Тема боюнча
Чаткалда алтын казган компания экологиялык зыяны үчүн 103 млн. сомдук доого жыгылды
Автотыгын. Архив

Автоунаалардын аягы көрүнбөйт. Бишкекке тоо тараптан келе жаткандардын видеосу

136
(жаңыланган 21:17 13.05.2021)
Окуянын күбөлөрү бүгүн шаар четине эс алганы чыккандар көп экенин, кайтканда бир нече чакырымга созулган жол тыгын болгонун айтышты.

БИШКЕК, 13-май — Sputnik. Бишкекке тоо тараптан эс алып келе жаткандар узун автотыгынды жаратты. Бул тууралуу Sputnik Кыргызстан агенттигине окуянын күбөсү билдирип, видеосун жиберди.

Кадрдан автоунаалар бир топ чакырымга тизилип, айрымдары эки-үч катар болуп токтоп калганын көрүүгө болот. Кишилердин сыртка чыгып алганы да байкалат.

Жол тыгын Ала-Арча жана Аламүдүн капчыгайларындагы жолдо болгон. Кырдаалды Кайгуул милициясынын кызматкерлери жөнгө салган. Жол кырсыгы байкалган эмес.

Видеону тарткан адам бүгүн шаар четине эс алганы чыккандар абдан көп болгонун айтты.

136
Белгилер:
видео, унаа, тыгын, жол, Чоң-Арык айылы, Байтик айылы
Тема боюнча
Бишкектеги автотыгынды азайтуу үчүн асма көпүрөлөр курулат
 Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты

Сокулуктагы дүкөндүн өрттөнгөн видеосу

90
(жаңыланган 22:51 13.05.2021)
Тилсиз жоо менен күрөшүүгө ӨКМден эки бөлүм жана өрт өчүрүүчү-куткаруучулардын бир штабы тартылды. Ал саат 20:43тө чектөөгө алынды.

БИШКЕК, 13-май — Sputnik. Чүйдүн Сокулук районундагы чарба жана курулушка керектүү материалдарды саткан дүкөндөн өрт чыкты. Бул тууралуу ӨКМдин маалымат кызматы кабарлады.

Дүкөн Новопавловка айылынын Киров көчөсүндө жайгашкан. Тилсиз жоо менен күрөшүүгө саат 19:54тө эки бөлүм, ал эми саат 20:14тө өрт өчүрүүчү-куткаруучулардын штабы тартылган.

Өрт саат 20:43тө чектөөгө алынган. Учурда толук өчүрүү иш-чаралары жүргүзүлүгөн.

Ал эми саат 21:56да толугу менен өчүрүлдү.

90
Белгилер:
видео, дүкөн, өрт, Новопавловка
Тема боюнча
Алайда үй өрттөнүп, 56 жаштагы киши каза болду. Сүрөттөр