Кыргызстандын президенти Садыр Жапаров

Президент Садыр Жапаров кыргызстандыктарга кайрылуу жасады

522
(жаңыланган 22:11 30.04.2021)
Жапаров Кыргызстан менен Тажикстан элдеринин ортосундагы ынтымак-ырашкерликти сактап калуу үчүн эки күндөн бери бардык аракеттер жасалып жатканын белгиледи.

БИШКЕК, 30-апр. — Sputnik. Мамлекет башчы Садыр Жапаров бүгүн, 30-апрелде, кыргызстандыктарга Баткен облусундагы мамлекеттик чек аранын кыргыз-тажик тилкесиндеги окуяларга байланыштуу кайрылуу жасады.

Төмөндө президенттин кайрылуусунун толук тексти:

"Урматтуу мекендештер!

Чек арада тынчтыкты көздөп, стабилдүүлүктү сактап калууга күч үрөгөнүбүзгө карабастан, айрым чагымчыл күчтөрдүн кесепетинен улам кыргыз-тажик чек арасында калабалуу окуялар башталып кетти.

Биз бул окуяларды ырбатпай, Кыргызстан менен Тажикстан элдеринин ортосундагы ынтымак-ырашкерликти сактап калуу үчүн эки күндөн бери бардык аракеттерди жасап жатабыз.

Чек ара тилкесин аныктоо — карапайым элден да, жетекчиликтен да өтө аярлыкты жана тыкан ишти талап кылган маселе.

Дүйнө элдеринин тарыхы буга күбө.

Мындай олуттуу маселелер тынчтык сүйлөшүүлөрү аркылуу гана чечилип келген.

Тажик Республикасынын жетекчилери, байыркы тажик элинин акылгөй адамдары дагы ушундай эле көз карашта экенине ишенемин.

Биздин элдерге тынчтыкты сүйүүчүлүк, бирин бири урматтоо мүнөздүү.

Буга биздин көп кылымдык тарыхыбыз далил.

Эки элдин достугу "Манас" эпосунда Манас атабыздын Каныкей апабызга сүйүүсү, арзуусу аркылуу чагылдырылгандыгы тегин жерден эмес!

21-кылымда кыргыз менен тажик элдери ынтымакта жашоонун өрнөгүн көрсөтүүгө тийиш.

Буга биздин коңшу болгонубуздан сырткары, табигый ресурстарга ээлик кылганыбыз да милдеттендирет.

Мен асыресе суу маселеси жөнүндө айтып жатам.

Себеби Кыргызстан менен Тажикстан таза суунун запастарына ээлик кылуу жагынан алдыңкы орунда турган өлкөлөрбүз.

Тилекке каршы, куралдуу кагылышуунун аягы карапайым адамдардын тынч жашоосун бузуп, адам өмүрүнө жана экономикалык чыгымга алып келди.

Эки тараптан тең чоң жоготуулар болду.

Учурдан пайдаланып, жакындарынан айрылгандарга терең кайгыруу менен көңүл айтам.

Мекен чегин коргоодо жан аябай салгылашып курман болгон жоокерлердин эрдигине таазим кылам.

"Согушту башташ оңой, токтотуш оор" деп айтылат.

Тынчтык жана бейпилдик баарынан кымбат.

Бир нече жылга созулган жарандык согушту баштан кечирген тажик эли дагы муну жакшы түшүнөт деген ойдомун.

Улуу Орозо айында мусулман калктарынын кырды бычак болуп кырылышып турганы жакшы жосун эмес. Ошондуктан бардык тараптарды тынчтыкка чакырамын.

Азыр эле Тажикстандын Президенти Эмомали Шарипович менен эки тараптуу сүйлөшүүлөрдү жүргүздүк.

Чек аралар жана башка бардык маселелерди тынчтык жолу жана сүйлөшүүлөр менен чечип алалы деп келиштик.

Эс тутумум жаңылтпаса, мындан 16 жыл мурда бүгүнкү күндөгү көйгөйдү эскерттим эле.

Тагдырдын буйругу менен дал ушул көйгөйдү чечүү менин өз мойнума туш келген экен.

Кудай буюрса, жакынкы араларда чечишип алабыз.

Учурдан пайдаланып, "Баткенге барабыз, элибизге жардам беребиз" деп демилге көтөрүп жаткан жаштарыбызга, мекенчил жарандарыбызга ыраазычылык билдиремин жана эмоцияга алдырбооңуздарды суранам.

Баарын тынчтык жолу менен чечип алалы!".

522
Белгилер:
Садыр Жапаров, чек ара, Тажикстан, Кыргызстан
Тема:
Баткендеги кыргыз-тажик жаңжалы (238)
Тема боюнча
1-майда Баткенде чек араны делимитациялоо жана демаркациялоо сүйлөшүлөт
Садыр Жапаров менен Эмомали Рахмон телефон аркылуу сүйлөштү
Суваналиев: тажик аскерлери Баткендин жаңжал болгон аймагынан чыгып кетти
Ооруп аткан киши. Архивдик сүрөт

Канда холестерин көп экенин кантип билсе болот? Белгилери

19
Муундардын оорушу, дем алуунун кыйындашы, чарчоо да канда холестериндин көп болуп кеткенинен кабар берет.

БИШКЕК, 10-май — Sputnik. Британиялык British Heart Foundation уюмунун адистери канда жаман холестериндердин ашыкча көбөйүп кетиши инсультка кептээрин эскертишкен. Бул тууралуу РИА Новости Express басылмасына таянып кабарлады.

Окумуштуулардын материалында жазылгандай, канда холестерин көбөйгөндө мээнин кан айлануусу жайлап, ал тургай токтоп калат. Мындан улам адам инсульт болот. "Кан тамыр түтүк сыяктуу, холестерин көп болгон учурда ал түтүктү жаап салып, жыйынтыгында кычкылтек, азыктандыруучу заттар жүрөккө жетпей калат. Мунун кесепетинен аталган орган приступ болот", — деп айтылат маалыматта.

Медиктердин айтымында, канда холестерин көбөйүп кеткенде көкүрөк тушу, буту-колдун учтары ооруй баштайт. Мындан сырткары, адамдын аң-сезими ар нерсени чаташтыра баштайт. Мунун себеби мээге кан жетпей калгандыгында. Муундардын оорушу, дем алуунун кыйындашы, чарчоо да канда холестерин ашыкча экенинен кабар берет.

Буга чейин адис, дарыгерлер канда холестеринди кумшекер, майлуу, куурулган, камыр тамактар көбөйтө турганын айтышкан.

19
Белгилер:
жүрөк, оору, инсульт, холестерин, медик
Тема боюнча
Кыска убакытта арыктоо эмнеси менен кооптуу. Диетолог Дүйшөнкулованын маеги
Мектеп мугалими. Архивдик сүрөт

Мугалимдердин эмгек акысын эсептөө автоматташтырылды. Артыкчылыгы

38
Жаңы система эмгек акыны кол менен эсептөөнү токтотуп, процессти жеңилдетет. Ошондой эле маянага каралган каражаттын максаттуу жумшалышын камсыздайт.

БИШКЕК, 10-май — Sputnik. "Педагогдордун эмгек акысын автоматтык түрдө эсептөө" системасы ишке кирди. Бул тууралуу Билим берүү жана илим министрлигинин маалымат кызматы кабарлады.

Билдирмеге ылайык, жаңы система эмгек акыны кол менен эсептөөнү токтотуп, процессти жеңилдетет. Маянага каралган каражаттын максаттуу жумшалышын камсыздап, финансылык тартип бузуунун төмөндөшүнө шарт түзөт. Ошондой эле негизсиз маяна алган учурларды ачыкка чыгарууга жана бухгалтердик эсепти так жүргүзүүгө жол ачат. Мындан тышкары, текшерүү органдары айткан кемчиликтер жоюлуп, ар бир мугалим эмгегине жараша айлык акы ала турганы айтылды.

Бул система 2019-жылдын ноябрь айынан баштап Ысык-Ата, Түп райондорунун жана Жалал-Абад шаарынын билим берүү башкармалыктарында пилоттук негизде апробациядан өткөнү кошумчаланды.

38
Белгилер:
акы, эсептөө, система, эмгек, мугалим
Тема боюнча
Бишкекте канча окуучу жана мугалимден коронавирус аныкталганы айтылды
Новиков мугалимдерге: көйгөйдү ачык айткыла, кодулагандар иштен алынат