Газ плита. Архив

Бишкектин айрым жерлеринде газ өчөт. График

60
Компаниядан билдиришкендей, бул күндөрү оңдоо жана калыбына келтирүү иштери аткарылат. Ишкана түзүлгөн ыңгайсыздыкка түшүнүү менен мамиле жасоого чакырат.

БИШКЕК, 1-май. — Sputnik. Бишкектин айрым жерлеринде 3-7-май аралыгында көгүлтүр от болбойт. Бул тууралуу "Газпром Кыргызстан" ишканасынан билдиришти.

Бул күндөрү оңдоо жана калыбына келтирүү иштери аткарылат.

Газ берүү үзгүлтүккө учурай турган аймактар:

  • 3-4-май — Элебаев, Карасаев көчөлөрүнүн бир бөлүгүндө, Садовой жана Гранит туюк көчөлөрүндө;
  • 3-7-май — Красный строитель конушунда.
60
Белгилер:
өчүрүү, газ, Бишкек
Тема боюнча
Бишкекте үйлөргө коюлган газ жабдууларын текшерүү иштери башталды
Спутник Лайт вакцинасы. Архив

Россия коронавируска каршы дагы бир вакцинаны каттоодон өткөрдү

8
(жаңыланган 21:34 06.05.2021)
Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетери айтылды.

БИШКЕК, 6-май — Sputnik. Россиянын Саламаттык сактоо министрлиги коронавируска каршы "Спутник Лайт" вакцинасын каттоодон өткөрдү. Бул тууралуу РИА Новости жазды.

"Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетет. Бул учурда текшерилгендердин 96.6 пайызында IgG антителосу, 91,67 пайызында вирусту алсыздандыра турган антитело пайда болорун аныкталды. 80 пайыз учурда анын таасири эки компоненттүү вакциналардан дагы күчтүү экенин белгилүү болду”, — деп айтылат билдирүүдө.

Учурда анын клиникалык сыноосунун үчүнчү фазасы өтүп, ага Россия, БАЭ, Гана сыяктуу мамлекеттерден 7 миң кши катышып жатат. Жыйынтыгы ушул айда белгилүү болот.

"Спутник Лайт" Гамалея борбору менен Россиянын Түз инвестициялар фонду (РФПИ) биргеликте иштеп чыккан "Спутник" вакцина топтомуна кирет.

Буга чейин Гамалея атындагы борбордун директору Александр Гинцбург "Спутник Лайт" аталган мамлекеттерде оорунун мизин кайтарып, жергиликтүү саламаттык сактоо тармагына сезилерлик колдоо болорун белгилеген.

8
Белгилер:
вакцина, коронавирус, Россия
Тема:
Дүйнөгө жайылган коронавирус
Тема боюнча
Майдын ортосунда "Спутник V" вакцинасынын дагы бир партиясы келери күтүлүүдө
Жаан учурунда киши кол чатыр менен бара жатат. Архив

Жума күнүнө карата аба ырайы

27
7-майга караган түнү температуранын жогорулашына жана күтүлүп жаткан нөшөрлүү жаан-чачынга байланыштуу суунун деңгээли кескин көтөрүлүп, тоолуу райондордо сел жүрүшү ыктымал.

БИШКЕК, 6-май. — Sputnik. Жума күнү күндүз өлкөнүн көпчүлүк аймактарында жаан жаап, бийик тоолуу райондордо кар жаашы күтүлөт. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрге жетет.

Абанын температурасы Чүй, Талас облустарында +21…+26, Ош, Жалал-Абад, Баткен аймактарында +24…+29, Ысык-Көлдө +19…+24, Нарын өрөөнүндө +20…+25 градусту көрсөтөт.

Бишкек жана Ош шаарларында мезгил-мезгили менен жамгыр жаашы мүмкүн. Күндүн табы борбордо +24…+26, Ош шаарында +25…+27 градус болору боолголонду.

27
Белгилер:
Кыргызстан, май, аба ырайы
Тема боюнча
Жаан жаайбы? Дем алыш күндөргө карата аба ырайы