Баткен облусундагы мамлекеттик чек аранын кыргыз-тажик бөлүгүндөгү акыркы окуялар учурунда жаракат алып Бишкек травматология жана ортопедия илимий борборунда дарыланып жаткандарга президент Садыр Жапаров барды

Жапаров чек ара жаңжалынан жарадар болгондорго барды. Сүрөт

174
(жаңыланган 01:27 02.05.2021)
Жапаров жарадарларга тийиштүү медициналык жардам жана моралдык-психологиялык колдоо көрсөтүүнү улантуу зарылдыгын белгилеген.

БИШКЕК, 1-май. — Sputnik. Баткен облусундагы мамлекеттик чек аранын кыргыз-тажик бөлүгүндөгү акыркы окуялар учурунда жаракат алып Бишкек травматология жана ортопедия илимий борборунда дарыланып жаткандарга президент Садыр Жапаров барды. Бул тууралуу мамлекет башчынын маалымат кызматынан кабарлашты.

  • Президент Садыр Жапаров навестил пострадавших из Баткенской области, получающих лечение в БНИЦТО
    Баткен облусундагы мамлекеттик чек аранын кыргыз-тажик бөлүгүндөгү акыркы окуялар учурунда жаракат алып Бишкек травматология жана ортопедия илимий борборунда дарыланып жаткандарга президент Садыр Жапаров барды
    © Пресс-служба президента КР / Султан Досалиев
  • Президент Садыр Жапаров навестил пострадавших из Баткенской области, получающих лечение в БНИЦТО
    Жапаров жаракат алгандар менен баарлашып, ден соолуктарын сурап, мамлекет тарабынан тийиштүү жардамдар көрсөтүлөрүн айткан
    © Пресс-служба президента КР / Султан Досалиев
  • Президент Садыр Жапаров навестил пострадавших из Баткенской области, получающих лечение в БНИЦТО
    Мамлекет башчысы жабыркагандардын бардыгын жетиштүү көлөмдө дары-дармектер менен камсыз кылып, тийиштүү медициналык жардам көрсөтүү жана моралдык-психологиялык колдоо көрсөтүүнү улантуу зарылдыгын белгилеген.
    © Пресс-служба президента КР / Султан Досалиев
1 / 3
© Пресс-служба президента КР / Султан Досалиев
Баткен облусундагы мамлекеттик чек аранын кыргыз-тажик бөлүгүндөгү акыркы окуялар учурунда жаракат алып Бишкек травматология жана ортопедия илимий борборунда дарыланып жаткандарга президент Садыр Жапаров барды

Жапаров жаракат алгандар менен баарлашып, ден соолуктарын сурап, мамлекет тарабынан тийиштүү жардамдар көрсөтүлөрүн айткан.

Кыргызстандын президенти Садыр Жапаров
© Пресс-служба президента КР / Султан Досалиев
Мамлекет башчы жабыркагандардын бардыгын жетиштүү көлөмдө дары-дармектер менен камсыз кылып, тийиштүү медициналык жардам жана моралдык-психологиялык колдоо көрсөтүүнү улантуу зарылдыгын белгилеген.

Белгилей кетсек, 2021-жылдын 30-апрелинде Баткен облусунан 46 жабырлануучу аскердик учак менен Бишкектеги ооруканаларга жеткирилген.

Баткенде 28-апрель күнү кечинде чыккан чыр түнү менен күчөп отуруп, эртеси да уланган. Эки тарап бири-бирин көздөй ок аткан. Атышуудан Кыргызстанда каза болгондордун саны 33кө жетип, 156 киши жабыркаган.

Бул трагедиядан улам 1-2-май Кыргызстанда аза күтүү күнү деп жарыяланды.

174
Белгилер:
Жаңжал, кыргыз-тажик чек арасы, Садыр Жапаров, Бишкек, Кыргызстан
Тема:
Баткендеги кыргыз-тажик жаңжалы (239)
Тема боюнча
Министрдин орун басары: Лейлекке гумжардамды учак менен жеткиребиз
Бейкүнөө соолуган өмүрлөр. Чек ара чырында көз жумгандардын элесине арналган видео
Дарыгер. Архив

Дарыгер акча соргон, пайдасынан зыяны көп процедураларды атап берди

9
(жаңыланган 11:13 10.05.2021)
Адис вирустук-инфекциялык сезон маалында медиктер толгон-токой витамин, биологиялык активдүү кошулмаларды жана процедураларды жазып берерин айтып, керектүүсүн алууга кеңеш берди.

БИШКЕК, 10-май — Sputnik. Жөн эле акчаны кетирген жана ашыкча жасалган ден соолук процедуралары тууралуу "Прайм" телеканалына эксперттик медицина клиникасынын башкы дарыгери Олег Серебрянский айтып берди.

Маселен, отоларингологдор мурунду деңиз тузу менен жууганга кеңеш беришет. Андан даярдалган препарат дарыканада кымбат, сасык тумоо күч алганда табуу да кыйын.

"Деңиз тузунан жасалган дарынын деле пайдасы бар. Бирок мурунду кадимки туздуу суу жана физиологиялык аралашма менен жуугандын эч айырмасы жок, натыйжасы ошондой эле болот. Бирок мурун көңдөйүн кечке эле жууй бербегиле. Аралашмалар табигый микрофлораларды кетирип, былжыр челдерге зыянын тийгизет. Көп учурда бул аллергиялык ринитке алып келет", — деген дарыгер.

Ошондой эле физиотерапиялык процедуралар сакайтат деген илимий тастыктама жок. Аны негизги процедура менен чогуу же андан кийин сунуштап жүрүшөт. Физиопроцедура адистин көзөмөлүндө жасалса зыян эмес, бирок чоң пайда күтүп деле кереги жок.

Андан сырткары, курч кармаган респиратордук-вирустук инфекция маалында медиктер толгон-токой витамин менен биологиялык активдүү кошулмаларды жазып берет. Бирок туура тамактанып, пайдалуу азыктарды жеген кишиге алардын кереги деле жок.

Мындан тышкары, дарыгерлер суук тийген адамга антибиотик жазып туура эмес кыларын кошумчалаган. Ал билдиргендей, антибиотик — күчтүү препарат, аны ичкендердин организми дарыны тоготпой калат.

9
Белгилер:
сасык тумоо, мурун, процедура, дарыгер
Тема боюнча
Диетолог толуп кетпеш үчүн канча таттуу жегенге болорун айтты
Президент Кыргызстана Садыр Жапаров. Архив

Садыр Жапаров банкирлерди куттуктап, жаңы милдеттерди такты

14
(жаңыланган 11:10 10.05.2021)
10-май — Кыргызстандын банк кызматкерлеринин күнү. Бул майрам 2003-жылы өкмөттүн токтому менен негизделген.

БИШКЕК, 10-май — Sputnik. Кыргызстандын банк системасы глобалдык экономикалык тоскоолдуктарга карабай стабилдүү иштеди, буга кызматкерлердин өз ишине берилгендиги түрткү болду. Бул тууралуу президент Садыр Жапаровдун банк кызматкерлерин кесиптик майрамы менен куттуктоосунда айтылды.

Ошону менен бирге өлкө башчы банкирлердин алдында жаңы милдеттер турганын айтты.

"Дүйнөдө финансылык технологиялардын динамикалык өнүгүшүн эске алуу менен банктык кызмат көрсөтүүлөрдүн санарип инфраструктурасын өнүктүрүүнү, инновациялык банк операцияларын жана санариптик төлөм технологияларын киргизүүнү тездетүү керек. Экономикалык активдүүлүктү тез арада калыбына келтирүү максатында жеңилдетилген каржылоо ишке ашышы зарыл", — деди президент.

Сөзүнүн аягында Жапаров банк кызматкерлерине ден соолук, үй-бүлөлүк бакубатчылык жана ийгилик каалады.

Эске салсак, 10-май — Кыргызстандын банк кызматкерлеринин күнү. Бул майрам 2003-жылы өкмөттүн токтому менен негизделген.

14
Белгилер:
Садыр Жапаров, куттуктоо, майрам, банк, Кыргызстан
Тема боюнча
9-май — каармандыктын символу. Жапаров кыргызстандыктарды Жеңиш күн менен куттуктады