Ички иштер министри Улан Ниязбеков орун басары Октябрь Урмамбетов болуп кыргыз-тажик чек арасындагы жаңжалдан жабыркап ооруканага түшкөн жоокерлерден кабыл алды.

ИИМ башчысы ооруканага түшкөн жоокерлерден кабар алды. Сүрөттөр

78
(жаңыланган 15:22 02.05.2021)
Учурда ок жеп жаракат алган аскер кызматкерлери Травматология жана ортопедия илим-изилдөө борборунда, Улуттук госпиталда жана Улуттук хирургия борборунда дарыланып жатышат.

БИШКЕК, 2-май. — Sputnik. Ички иштер министри Улан Ниязбеков орун басары Октябрь Урмамбетов болуп кыргыз-тажик чек арасындагы жаңжалдан жабыркап ооруканага түшкөн жоокерлерден кабыл алды. Бул тууралуу ИИМ кабарлады.

Медиктер бейтаптардын абалы тууралуу маалымат беришкен. Ниязбеков жабыркагандар менен сүйлөшүп, тезирээк сакайып кетүүлөрүн каалады.

"Ниязбеков министрлик дарылоого керектүү каражат менен камсыздоого көмөк көрсөтөрүн билдирди. Андан соң жоокерлердин жакындары менен жолугуп, жарадар болгондорго ар тараптуу колдоо боло турганын белгиледи", — деп айтылат маалыматта.

Учурда ок жеп жаракат алган аскер кызматкерлери Травматология жана ортопедия илим-изилдөө борборунда, Улуттук госпиталда жана Улуттук хирургия борборунда дарыланып жатышат.

78
Белгилер:
оорукана, Улан Ниязбеков, Жаңжал, чек ара, Баткен, Аскер, жоокер
Тема:
Баткендеги кыргыз-тажик жаңжалы (260)
Тема боюнча
Марипов чек ара чырында көз жумгандардын жакындарына көңүл айтты
Жогорку Кеңештин депутаттары Баткенге келишти. Сүрөт
Баткендеги үйдөн Ми-24 тик учагынан атылган авиаракета табылды. Видео
Унаа жолу. Архив

Кыргызстан менен Өзбекстан транспорттук байланышын күчөтөт

24
(жаңыланган 10:52 18.05.2021)
Эки өлкөнүн делегациялары транспорттук байланышын бекемдөө үчүн Ош — Сары-Таш — Эркечтам коридорун бойлой изилдөө иштерин жүргүзүп жатат.

БИШКЕК, 18-май — Sputnik. Кыргызстан менен Өзбекстан Кашгар — Эркечтам — Ош — Анжиян — Ташкент аркылуу өткөн мультимодалдык транспорт коридорун рационалдуу пайдалануу жолун издей баштады. Бул үчүн коңшу өлкөнүн транспорт министри Ильхом Махкамов менен анын кыргызстандык кесиптеши Гүлмира Абдралиева жолугуп сүйлөшкөнүн Sputnik Өзбекстан агенттиги жазды.

Учурда эки өлкөнүн делегациялары Кыргызстан менен Өзбекстандын транспорттук байланышын бекемдөө үчүн Ош — Сары-Таш — Эркечтам коридорун бойлой изилдөө иштерин жүргүзүп жатат. Мунун алкагында адистер "Эркечтам" өткөрүү пунктунун ишмердүүлүгүн көрүп чыкты. Мындан тышкары, алар Чыйырчык, Талдык, Тоң-Мурун ашууларына барышты.

Белгилей кетсек, бир нече жылдан бери пландалып, бирок ишке ашпай жаткан Кытай — Кыргызстан — Өзбекстан темир жолу дагы дал ушул Кашкар — Эркечтам — Ош — Анжиян — Ташкент багыты боюнча өтөт.

24
Белгилер:
жол, транспорт, Өзбекстан, Кыргызстан
Тема боюнча
23 жыл мурдагы демилге. Өзбекстан быйыл Дүйнөлүк соода уюмуна кирүүгө аракет кылат
Баткен облусундагы Ак-Сай айылы. Архив

Чек арадагы Аксай менен Ворух айылдарына милициянын посттору коюлду

29
(жаңыланган 10:27 18.05.2021)
Эртең мененки жетиден тартып автоунаалар Ходжаи-Аъло — Ворух жана Ак-Сай — Тамдык багыты боюнча жүрүп жатканы айтылды.

БИШКЕК, 18-май — Sputnik. Баткендин Аксай жана Тажикстандын Ворух айылдарынын чек араларына эки тараптан тең милициянын посттору коюлду. Бул тууралуу УКМКга караган Чек ара кызматы кабарлады.

Бүгүн эки мамлекеттин чек ара өкүлдөрү жолугуп, буга чейинки макулдашуулардын аткарылышын талкуулашты.

Маалыматка ылайык, саат 07:30дан баштап автоунаалар Ходжаи-Аъло — Ворух жана Ак-Сай — Тамдык багыты боюнча жүрүп атат. Мындан сырткары, тараптар саат 08:00дөн баштап кыргыз-тажик чек арасында биргелешкен күзөттөрдү уюштурууда.

Кечээ, 17-майда, укук коргоо органдары Тажикстан менен чектешкен Ак-Сай айылында транзиттик жолдон өтүүнүн эрежелерин бузгандыгы үчүн үч тажикстандыкты кармаган. Териштирүүдө алардын бири Тажикстандын УКМКсынын кызматкери, экинчиси Чек ара күчтөрүнүн аскер кызматкери экендиги аныкталган. Ошол эле учурда Баткендин Ворух анклавы аркылуу Ак-Сай айылына бара жаткан кыргызстандык үч кишини коңшу өлкөнүн 30-40 адамдан турган тобу кармап, сабап салган. Эки тараптын тиешелүү жактарынын сүйлөшүүсү менен кармалгандар бошотулуп, абал турукташкан.

29
Белгилер:
пост, милиция, чек ара, Баткен, Кыргызстан, Тажикстан
Тема:
Баткендеги кыргыз-тажик жаңжалы (260)
Тема боюнча
Кыргыз-тажик чек арасында эки тарап тең кишилерди барымтага алып, кайра бошотту
Кыргыз-тажик чек арасында чырды ким баштаганын космостон тартылган сүрөт көрсөтөт
Күйүүчү май куйуучу жай. Архив

Доллар арзандап, алтындын баасы көтөрүлдү. Күйүүчү май канчадан сатылууда

0
(жаңыланган 11:24 18.05.2021)
Sputnik Кыргызстан редакциясы Бишкекте алтын, күйүүчү май жана чет элдик валюталардын баасы кандай өзгөргөнүнө баам салып турат.

БИШКЕК, 18-май — Sputnik. Чет элдик валюталар бир аз баасын өзгөртүп, алтын кымбаттады. Ал эми күйүүчү май ошол эле баа менен сатылууда.

Дүйшөмбү күнү эртең менен коюлган бааларга салыштырмалуу акча алмаштыруу жайларында АКШ акчасы арзандап, сатып алуу 12 тыйынга (83,8 — 83,9 сом), сатуу 13 тыйынга (84,1 — 84,3 сом) төмөндөдү. Евро сатып алуу 3 тыйынга төмөндөп, бирок сатуу 4 тыйынга өстү. Рубль менен тенгенин баасында билинер-билинбес гана өзгөрүү болду.

Күйүүчү майдын баасы ошол боюнча.

"Роснефть":

  • АИ-92 — 49 сом;
  • АИ-95 — 51 сом;
  • Дизель майы — 45,2 сом.

"Газпром нефть Азия":

  • АИ-92 — 49,2 сом;
  • АИ-95 — 51,2 сом;
  • Дизель майы — 45,2 сом.

Ал эми алтындын баасы бир топ жогорулап, бир граммы 23,5 сомго кымбатыраак сатыла баштады. Эске салсак, 2015-жылдан тарта Улуттук банк алтын куймаларын сатыкка чыгарган. Бул кыргызстандыктардын топтогон акчасын алтынга салууга көмөктөшүү максатында жасалган болчу. Алар ар башка граммдагы алты түрдүү уютмадан турат, салмагы бирден 100 граммга чейин.

0
Белгилер:
баалар, евро, доллар, бензин, алтын, Бишкек
Тема боюнча
Россияда кумшекер кымбаттай турганы айтылууда