Баткендеги кыргыз-тажик кагылышуусу болгон айылдардан Кадамжайга эвакуацияланган үч келин көз жарды.

Баткенде эвакуацияланган үч келин көз жарып, бири эгиз уул-кыздуу болду. Сүрөттөр

442
(жаңыланган 15:53 02.05.2021)
Кыргыз-тажик кагылышуусунан улам Баткен жана Лейлек райондорунан 33 миңден ашуун киши эвакуацияланган. Алардын ичинен төрт келин төрөт үйүнө түшкөн.

БИШКЕК, 2-май. — Sputnik. Баткендеги кыргыз-тажик кагылышуусу болгон айылдардан Кадамжайга эвакуацияланган үч келин көз жарды. Алардын бири эгиз уул-кыздуу болгонун Кадамжай жардам штабынан кабарлашты. Маалыматты Кадамжай районунун жалпы дарыгерлик практика борборунун директору Залкарбек Баймуратов тастыктады.

  • Эвакуированные из сел, пострадавших в результате кыргызско-таджикского конфликта в Баткене три женщины родили в Кадамжае
    Баткендеги кыргыз-тажик кагылышуусу болгон айылдардан Кадамжайга эвакуацияланган үч келин көз жарды.
    © Фото / Венера Узбекова
  • Эвакуированные из сел, пострадавших в результате кыргызско-таджикского конфликта в Баткене три женщины родили в Кадамжае
    Алардын бири эгиз уул-кыздуу болгонун Кадамжай жардам штабынан кабарлашты.
    © Фото / Венера Узбекова
1 / 2
© Фото / Венера Узбекова
Баткендеги кыргыз-тажик кагылышуусу болгон айылдардан Кадамжайга эвакуацияланган үч келин көз жарды.
"Эвакуация болгондордун арасынан төрт келин биздин төрөт үйүнө түшкөн. Алардын ичинен үчөө көз жарды. Бир келин эгиз төрөдү. Учурда энелердин дагы, балдардын дагы ден соолугу жакшы. Ымыркайлардын салмагы нормада", — деди Баймуратов.

Кадамжай жардам штабынан билдиришкендей, уул-кыздуу болгон 32 жаштагы Айчүрөк Жолдошева Кызыл-Жол айылынын тургуну. Бужум айылынын тургуну, 28 жаштагы Дилфузахон Таштемирова менен Кара-Бак айылынын тургуну Кайрынса Ганыбек кызы кыздуу болушту.

Эске салсак, 28-апрель күнү "Головной" суу бөлүштүрүү жайынын жанынан тажик жарандары шагыл жүктөп, мамыларга видеокөзөмөл орнотууга киришкен. Ошол маалда эки тараптан 100-150дөй адам чогулуп, бири-бирин ташка алып баштаган. Андан соң эки тарап бири-бирин көздөй ок аткан. Ошентип жаңжал бир нече күнгө созулуп кетти. Кыргызстанда каза болгондордун саны 34кө жетип, 178 киши жабыркаган.

Мындан тышкары, Баткен районунун Ак-Сай, Ак-Татыр, Кара-Бак жана Лейлек районунун Жаңы-Жер, Бешкент, Кулунду айыл өкмөттөрүнөн жалпы 33 388 адам эвакуацияланды. Алардын ичинен 19 142си балдар.

442
Белгилер:
Баткен, келин, бала, төрөт, эгиз
Тема:
Баткендеги кыргыз-тажик жаңжалы (218)
Тема боюнча
Ташиев баштаган делегация Тажикстан менен протоколго кол койду. Видео
Кыргыз-тажик чек арасындагы басылбаган чырлар. Абал кантип жөнгө салынып келген
Головной суу бөлүштүрүүсү

Жапаров “Головной” суу бөлүштүрүү жайын модернизациялоо тапшырмасын берди

158
(жаңыланган 22:59 06.05.2021)
Садыр Жапаров Баткен облусуна барып, чек арадагы жаңжалда жабыркаган эл менен жолукту. Ошондой эле зыянга учураган объектилерди көрдү.

БИШКЕК, 6-май — Sputnik. Президент Садыр Жапаров "Головной" суу бөлүштүрүү жайын модернизациялоону тапшырды. Бул тууралуу өлкө башчынын маалымат кызматынан билдиришти.

  • Президент КР Садыр Жапаров во время выступления на военном полигоне Бужум в Баткенской области. 06 мая 2021 года
    Президент Садыр Жапаров "Головной" суу бөлүштүрүү жайын модернизациялоону тапшырды
    © Пресс-служба президента КР / Султан Досалиев
  • Военный полигон Бужум в Баткенской области во время визита президента КР. 06 мая 2021 года
    Баткен облусуна болгон сапарында президент Садыр Жапаров бүгүн, 6-майда, “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президент Садыр Жапаров "Головной" суу бөлүштүрүү жайын модернизациялоону тапшырды

Баткен облусуна болгон сапарында президент Садыр Жапаров “Бужум” аскердик полигону менен Баткен облусунун кыргыз-тажик чек арасына жакын жердеги Ак-Суу дарыясында жайгашкан “Головной” суу бөлүштүрүүчү жайга барды.

“Мамлекет башчы суу бөлүштүрүүчү жайды жана объектти кайтарган аскердик бөлүк турган аймакты көрүп чыгып, тийиштүү мамлекеттик органдарга суу бөлүштүрүүчү жайды модернизациялоону тапшырды”, — деп айтылат билдирүүдө.

Ошондой эле Жапаров “Бужум” полигонундагы аскер кызматкерлеринин алдында сүйлөп жатып, мамлекет Куралдуу Күчтөрдүн алдындагы социалдык милдеттенмелеринин бардыгын аткара турганын жана күч түзүмдөрүнүн көйгөйлөрүн чечүүгө өлкө жетекчилиги тарабынан өзгөчө көңүл буруларын белгиледи.

158
Белгилер:
модернизациялоо, Садыр Жапаров, "Головной" суу бөлүштүрүүчү, Баткен
Тема:
Баткендеги кыргыз-тажик жаңжалы (218)
Тема боюнча
Чек арадагы жаңжалдын кесепети. Баткендин жүрөктү тилген сүрөттөрү
Бир айыл 5 уулун жоготту. Турдубайдын чек арада окко учканын 4 баласы биле элек
Спутник Лайт вакцинасы. Архив

Россия коронавируска каршы дагы бир вакцинаны каттоодон өткөрдү

51
(жаңыланган 23:00 06.05.2021)
Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетери айтылды.

БИШКЕК, 6-май — Sputnik. Россиянын Саламаттык сактоо министрлиги коронавируска каршы "Спутник Лайт" вакцинасын каттоодон өткөрдү. Бул тууралуу РИА Новости жазды.

"Бир компоненттүү "Спутник Лайт" вакцинасынын эффективдүүлүгү эмдөөнүн 28 күнүнөн тарта 79,4 пайызга жетет. Бул учурда текшерилгендердин 96.6 пайызында IgG антителосу, 91,67 пайызында вирусту алсыздандыра турган антитело пайда болорун аныкталды. 80 пайыз учурда анын таасири эки компоненттүү вакциналардан дагы күчтүү экени белгилүү болду”, — деп айтылат билдирүүдө.

Учурда анын клиникалык сыноосунун үчүнчү фазасы өтүп, ага Россия, БАЭ, Гана сыяктуу мамлекеттерден 7 миң киши катышып жатат. Жыйынтыгы ушул айда белгилүү болот.

"Спутник Лайт" Гамалея борбору менен Россиянын Түз инвестициялар фонду (РФПИ) биргеликте иштеп чыккан "Спутник" вакцина топтомуна кирет.

Буга чейин Гамалея атындагы борбордун директору Александр Гинцбург "Спутник Лайт" аталган мамлекеттерде оорунун мизин кайтарып, жергиликтүү саламаттык сактоо тармагына сезилерлик колдоо болорун белгилеген.

51
Белгилер:
вакцина, коронавирус, Россия
Тема:
Дүйнөгө жайылган коронавирус
Тема боюнча
Майдын ортосунда "Спутник V" вакцинасынын дагы бир партиясы келери күтүлүүдө
Рио-де-Жанейро шаарында метродо атышуу

Бразилияда метродо атышуу болуп, 25 киши көз жумду. Видео

0
(жаңыланган 00:31 07.05.2021)
Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

БИШКЕК, 7-май — Sputnik. Бразилиянын Рио-де-Жанейро шаарында метродо полиция менен баңгизат сатуучулардын арасында атышуу болуп, 25 киши каза болду. Бул тууралуу РИА Новости агенттиги жазды.

Окуянын алгачкы мүнөттөрүндөгү видео тарап, анда жай тургундар октон сактануу үчүн жерде отурганын көрүүгө болот.

Маалыматка караганда, шаар полициясы баңгизат сатуучуларды кармоо үчүн атайын операция жүргүзгөн. Жыйынтыгында 24 шектүү жана полициянын бир офицери каза болгону айтылат. Алардан тышкары төрт адам жаракат алган. Экөө жай тургун экени кошумчаланды.

0
Белгилер:
өлүм, видео, атышуу, полиция, Бразилия
Тема боюнча
Баткендеги үйдөн Ми-24 тик учагынан атылган авиаракета табылды. Видео