Баткендеги Төрт көчө аймагы. Архивдик сүрөт

Өкмөт Баткенге өзгөчө макам ыйгаруу маселесин карап жатат

491
(жаңыланган 17:27 02.05.2021)
Премьер Баткенде жабыркагандарга тийиштүү көмөк көрсөтүп, жолдор, мектептер, жарандардын талкаланган үйлөрү калыбына келтириле турганын айтты.

БИШКЕК, 2-май. — Sputnik. Өкмөт Баткенге өзгөчө макам ыйгаруу маселесин кароодо. Бул тууралуу премьер-министр Улукбек Марипов Бишкектеги Травматология жана ортопедия борборунда дарыланууда жаткан Баткен окуяларынын жүрүшүндө жабыркагандардан кабар алганы барганда айтты.

Өкмөттүн маалымат кызматынан билдиришкендей, премьер-министр жабыркаган жарандар менен маектешип, бийлик тарабынан чек ара маселесин чечүү үчүн жасалып жаткан чаралар тууралуу айтып берди.

"Өлкө жетекчилиги жабыркагандарга бардык тийиштүү көмөк көрсөтүп, жолдорду, мектептерди, жарандардын талкаланган үйлөрүн калыбына келтирет. Өкмөт Баткенге өзгөчө статус ыйгаруу маселесин кароодо. Учурда эң негизгиси — чыр-чатакты ырбатпастан, көйгөйдү чечип алышыбыз керек, — деди Марипов.

Эске салсак, 28-апрель күнү "Головной" суу бөлүштүрүү жайынын жанынан тажик жарандары шагыл жүктөп, мамыларга видеокөзөмөл орнотууга киришкен. Ошол маалда эки тараптан 100-150дөй адам чогулуп, бири-бирин ташка алып баштаган. Андан соң эки тарап бири-бирин көздөй ок аткан. Ошентип жаңжал бир нече күнгө созулуп кетти. Кыргызстанда каза болгондордун саны 34кө жетип, 178 киши жабыркаган.

ӨКМден кабарлашкандай, кыргыз-өзбек жаңжалы учурунда Баткен жана Лейлек райондорунда 78 турак үй, эки мектеп, бир ФАП, бир бала бакча, бир ИИМ имараты, үч чек ара заставасы, 10 май куюучу станция жана сегиз дүкөн жабыр тарткан.

491
Белгилер:
макам, Баткен, Улукбек Марипов
Тема:
Баткендеги кыргыз-тажик жаңжалы (253)
Тема боюнча
ӨКМ Баткендеги жаңжалда талкаланган объектилердин тизмесин берди
Баткенде эвакуацияланган үч келин көз жарып, бири эгиз уул-кыздуу болду. Сүрөттөр
Бирөөнүн абалы өтө оор. Чек ара чырынан жабыркагандардын абалы айтылды
Жүргүнчүлөр жамгыр учурунда. Архив

Ишембиге карата аба ырайы

11
15-майга караган түнү температуранын жогорулашына жана күтүлүп жаткан нөшөрлүү жаан-чачынга байланыштуу суунун деңгээли кескин көтөрүлүп, тоолуу жана тоо этектериндеги райондордо сел жүрүү коркунучу бар.

БИШКЕК, 14-май — Sputnik. Ишембиде күндүз республика аймагында жамгыр жаап, күн күркүрөшү мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +19…+24, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +13…+18 градус болот.

Бишкек жана Ош шаарларында жамгыр жаап, күн күркүрөшү күтүлөт. Күндүн табы борбордо +22…+24, Ош шаарында +25…+27 градусту көрсөтөт.

11
Белгилер:
Кыргызстан, май, аба ырайы
Тема боюнча
Жакында "Супер Ай" толугу менен тутулат. Кубулушту кимдер көрө алат
Медициналык кызматкер лабораторияда

Германия коронавирустун Кыргызстандагы штаммдарын аныктаган реагенттерди берди

23
(жаңыланган 19:40 14.05.2021)
Коронавирустун штаммдарынан сырткары, Кыргызстандын лабораторияларына 50 миң ПЦР-тест тапшырылганы белгиленди.

БИШКЕК, 14-май — Sputnik. Германия коронавирустун Кыргызстандагы штаммдарын аныктоо үчүн реагенттерди алып берди. Бул тууралуу Саламаттык сактоо министрлигинен билдиришти.

Маалыматка караганда, бүгүн, 14-майда, саламаттык сактоо жана социалдык өнүктүрүү министри Алымкадыр Бейшеналиев Германиянын Кыргызстандагы элчиси Моника Иверсен, Германия менен Россиянын эл аралык адистери менен жолуккан.

"Үстүбүздөгү жылдын 10-майында Кыргызстанга германиялык бир нече окуу жайлардын медицина өкүлдөрү келишкен. Адистер Кыргызстандын лабораторияларынын кызматкерлерин штаммдарды аныктоого окутуп жатышат. Эми жардам катары берилген реагенттер Кыргызстандын аймагында коронавирустун штаммдарын аныктоого жардам берет", — деп айтылат маалыматта.

Жабдыктан сырткары, лабораторияга 50 миң ПЦР-тест тапшырылган. Министр Алымкадыр Бейшеналиев Германиянын элчиси менен эл аралык адистерге Кыргызстандын саламаттык сактоо системасына көрсөткөн колдоосуна ыраазычылык билдирди.

23
Тема:
Коронавируска байланыштуу Кыргызстандагы кырдаал
Тема боюнча
Өткөн суткада 200 кишиден коронавирус табылып, 6 бейтап көз жумду
ТИМ Түркияга бара турчуларга сактык полисин алууну эскертти. Артыкчылыгы
Мурдагы каржы министри Адылбек Касымалиев. Архив

Мурдагы каржы министри президенттин администрация жетекчисинин орун басары болду

0
(жаңыланган 21:46 14.05.2021)
Адылбек Касымалиев 2015-жылы каржы министри болуп дайындалып, ден соолугуна байланыштуу 2018-жылы иштен кеткен.

БИШКЕК, 14-май — Sputnik. Адылбек Касымалиев мамлекет башчынын администрация жетекчисинин орун басары болуп дайындалды. Бул тууралуу президенттин маалымат кызматы кабарлады.

Аталган жарлыкка өлкө башчы Садыр Жапаров кол койгон.

Белгилей кетсек, Касымалиев 2015-жылы каржы министри болуп дайындалып, иштен 2018-жылы кеткен.

0
Белгилер:
жарлык, кызмат, министр, Адылбек Касымалиев
Тема боюнча
БШК Рысалиевди мандатынан ажыратты. Анын ордуна ким келди?
Жапаровдун жаңы администрациясы түзүлдү. Ким жетектеди?