Коронавируска каршы эмдөө. Архив

Министрлик: вакцина алгандарда антителонун деңгээли жогору экени аныкталды

179
(жаңыланган 13:00 03.05.2021)
Учурда кыргызстандыктарга Кытайдын Sinopharm жана россиялык "Спутник V" вакциналарын акысыз алып жатышат.

БИШКЕК, 3-май. — Sputnik. Кыргызстанда коронавируска каршы эмдөөдөн өткөндөрдүн көпчүлүгүндө жогорку көрсөткүчтөгү антитело калыптанууда. Бул тууралуу брифингде саламаттык сактоо жана социалдык өнүктүрүү министринин орун басары Ализа Солтонбекова билдирди.

"Вакцинанын экинчи дозасын алган 1 362 киши антителого анализ тапшырышты. Көпчүлүгүнүн антителосу 195-200 көрсөткүчүндө экени аныкталды. Бул абдан жакшы жыйынтык. Тагыраагы, адамга бир-эки жыл коронавирус дээрлик жуктайт деп түшүнсөк болот. Андыктан жарандарды коронавирустан сактануу үчүн вакцина алууга чакырам. Учурда вакцина акысыз, каалаган эмдөө пунктуна барып алса болот", — деди Солтонбекова.

Эске салсак, Кыргызстан коронавируска каршы эмдөө 29-март күнү башталып, алгачкы этапта Кытайдын Sinopharm препараты колдонулуп жатат. 250 миң кишиге жете турган 500 миң дозаны Кытай гуманитардык жардам иретинде берген.

Ал эми 22-апрель күнү Кыргызстанга россиялык "Спутник V" вакцинасынын 20 миң дозасы жеткирилди. Анын 15 миң дозасын Кыргызстан сатып алды. Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет. Ал 65 жаштан жогоркуларга жана өнөкөт оорусу бар жарандарга сайылат.

179
Белгилер:
антитело, вакцина, Кыргызстан
Тема:
Коронавируска каршы эмдөө (74)
Тема боюнча
Орозо кармагандар COVID-19га каршы вакцина алса болобу? Министрликтин жообу
Өлкөдө 277 адам коронавирус жуктуруп, 3 бейтап каза болду. COVID статистикасы
Аткаминер. Архив

Эсен Шерботоев "Кыргыз почтасынын" башкы директору болуп дайындалды

7
(жаңыланган 22:54 18.05.2021)
Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

БИШКЕК, 18-май — Sputnik. Эсен Шерботоев "Кыргыз почтасы" ишканасынын башкы директору болуп дайындалганын аталган мекемеден билдиришти.

Тиешелүү буйрукка өкмөт башчы Улукбек Марипов кол койгон.

Бүгүн, 18-майда, министрлер кабинетинин төрагасынын орун басары жана санариптик өнүгүү министри Азамат Дыйканбаев Шерботоевди ишкананын жамаатына тааныштырды.

Министр жаңы директорго ийгилик каалап, почтанын ишине олуттуу колдоо көрсөтөрүнө ишене турганын айтты. Ал эми Шерботоев артылган ишеним үчүн ыраазычылык билдирди.

"Учурда байланыш жана коммуникация тармагынын санариптик трансформациялоо багытында динамикалык өзгөрүүлөр болуп жатат. Биргелешкен аракеттер менен почта ишин өркүндөтөбүз", — деди ал.

Шерботоев буга чейин өкмөттүн аппаратынын транспорт, курулуш жана байланыш бөлүмүндө эксперт болчу.

7
Белгилер:
Эсен Шерботоев, жетекчи, "Кыргыз почтасы" мамлекеттик ишканасы
Тема боюнча
"Кумтөрдүн" убактылуу тышкы башкаруучусу жамаатка тааныштырылды. Сүрөт
"Кыргыз почтасы" элди алдамчылардан сак болууга чакырды
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

61
(жаңыланган 22:18 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

61
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу