Куурдак. Архив

Диетолог эттен баш тартып, ордуна эмне жесе болорун айтты

184
Адис эттен баш тарткан соң организмдеги темирдин, В9 жана В12 витаминдеринин жетишсиздигин толуктоо керектигин белгилеген.

БИШКЕК, 4-май. — Sputnik. Диетолог Зухра Павлованын вегетариандарга рацион түзүү боюнча берген кеңешин РИА Новости жарыялады.

Дарыгердин айтымында, эттен баш тарткан соң организмдеги темирдин, В9 (фолий кислотасы) жана В12 витаминдеринин жетишсиздигин толуктоо керек.

Мындан улам Павлова этсиз тамактануу тандап алган адам өсүмдүк жана жаныбар белогуна бай азык-түлүктөрдү — быштакты жана башка сүт азыктарын, жумуртка, балыкты көп жеши керектигин айткан. Булар безеткини алдын алуучу азыктар экендиги белгиленди.

Диетолог безетки пайда болору менен эндокринологго кайрылуу зарылдыгын, алар организмде темирдин жетишсиздиги жана стероид гормондорунун бузулушунан кабар берерин эскертти.

184
Белгилер:
белок, эт, диетолог
Тема боюнча
Организмдин чаалыкканын кантип билсе болот? Белгилер
40тан ашкан аялдар кандай тамактанышы шарт? Керектүү азыктардын тизмеси

Исландияда жанар тоо жайгашкан жерди сатыкка коюшту. Видео

10
Фаградальсфьядль вулканы жайгашкан жерге жергиликтүү үй-бүлө ээлик кылат. Алар аймакты бөлүп же толугу менен сатканга макул.

Исландияда Фаградальсфьядль вулканы ойгонуп жаткан жер сатыла тургандыгын Bloomberg агенттиги жазды.

Аймак Храун дыйкан чарбасына тиешелүү. Анна Тордис Гудмундсдоттир бул жер алардын ата-бабасынан калганын айтып, "кимдир бирөөлөр эл келип, кызыгып карай турган жай курса" деген ниетин билдирген.

Тилкенин бөлүгү же баары толугу менен сатылмакчы. Анна эки кардар чыгып, жакшы баа сунуштаганын да айтып берген.

"Бул аймак өзүнө ылайык баага сатылат, бизге кеминде эки кишиден сунуш түштү", — деген ал.

Адистер жанар тоонун атылышы бир нече жылдарга созулушу мүмкүн экендигин айтып, бул жерге болгон кызыгуу барган сайын артарын кошумчалашкан.

Исландиянын бийлиги ал тилкени сатып алуугу ашыккан жок. Бирок автоунаалар токтоочу жай, тик учак конуучу аянтча жана туристтерди тейлей турган борбор курууга жарым миллион доллар бөлүп берүүгө даяр экендигин айткан.

Маалымат үчүн айтсак, Фаградальсфьядли 2021-жылдын март айынан тарта ойгоно баштаган. Жанар тоо Рейкьявиктиен түштүк-батышты карай 30 чакырым аралыкта жайгашкан.

10
Белгилер:
аукцион, сатык, жанар тоо, Исландия
Тема боюнча
Жалын шыркырап агып. Исландияда тынч жаткан жанар тоонун ойгонгон видеосу
Муздаткыч. Архив

Кайсы азыктарды муздаткычка салбаш керек? Адистин кеңеши

31
Нымдуу, муздак жерде сактабай турчу азык, жашылчалардын арасында сарымсак, пияз, зайтун майы дагы бар.

БИШКЕК, 18-май — Sputnik. Айрым азыктарды муздаткычта сактоого таптакыр болбойт. Себеби төмөнкү температура жана нымдуулуктан алар тез көгөрүп, пайдалуулугун жана даамын жоготуп коет. Бул тууралуу My Health Reads басылмасынын туура тамактануу жаатындагы адистери айтканын РИА Новости жазды.

Адистер картошканы жуубай, кургак, күн тийбеген жерге сакташ керектигин эскертишкен. Эгер бул жашылчаны тоңдуруп койсо даамы өзгөрүп, крахмалы таттуу болуп, өсүмдүктүн түсүн жоготуп коет.

"Муздаткычка эч качан пияз менен сарымсакты сактабагыла. Нымдуу жерден алар бат чирийт. Тазаланган сарымсак бир аз турушу ыктымал, бирок жыты тез эле жоголуп кетет", — деп айтылат маалыматта.

Муздаткычта көпкө сакталбаган азыктар:

  • Бал. Катуу болуп, тоголоктошуп калат;
  • Зайтун майы. Муздаткычта туруп калса даамын жана жытын жоготуп, тунук болбой калат;
  • Жаңгак, кургатылган жемиштер. Даамын жоготуп, катуу болуп калат;
  • Нан. Анын курамындагы крахмал катуу болуп, жыйынтыгында нан көгөрүп, бат бузулуп кетет.
31
Белгилер:
кеңеш, азык, жашылча, муздаткыч
Тема боюнча
Диетолог жумуртканы эртең мененки тамакка колдонбой эле коюуга чакырды
Дүйшөнкулова: адам күн сайын 400 граммдай жашылча-жемиш жеши керек
ТИМ башчысы Руслан Казакбаев. Архив

Душанбеде өтө турчу ЖККУ жыйынына ТИМ башчысы Руслан Казакбаев катышат

0
(жаңыланган 09:41 18.05.2021)
Тышкы саясий ведомстволордун башчылары актуалдуу эл аралык маселелер, регионалдык кырдаалдын абалын жана өнүктүрүүнүн келечегин талкууламакчы.

БИШКЕК, 18-май — Sputnik. ТИМ башчысы Руслан Казакбаев Тажикстанда өтө турчу ЖККУга мүчө мамлекеттердин тышкы иштер министрлеринин кеңешинин кезектеги жыйынына катышат. Бул тууралуу мекеменин маалымат кызматы кабарлады.

Жыйын эртең, 19-майда, Тажикстандын борбор калаасы Душанбе шаарында өтөт.

Иш-чаранын жүрүшүндө тышкы саясий ведомстволордун башчылары актуалдуу эл аралык маселелер, регионалдык кырдаалдын абалын жана өнүктүрүүнүн келечегин талкуулайт.

Ошондой эле ЖККУнун алкагында тышкы саясатты координациялоону күчөтүү маселелери боюнча пикир алышуу, ушул жылдын экинчи жарымында Душанбе шаарында өткөрүүнү пландаштырып жаткан Жамааттык коопсуздук кеңешинин сессиясына даярдыктын жүрүшүн талкуулоо пландалып жатат.

0
Белгилер:
Руслан Казакбаев, ТИМ, Душанбе, Тажикстан
Тема боюнча
Путин Кыргызстан менен Тажикстанга ортомчу болууга даяр