Лейлек районунун Интернационал айылынын башчысы Мырзабек Жумабаев

Барымтага алынган айыл башчы: бетондо отурдук, көзүбүздү бир сутка бою таңып коюшту

13555
(жаңыланган 09:34 04.05.2021)
,
Көзүбүздү таңып, буту-колубузду байлап алып кетишкен, милиция бөлүмүндөгү бетондун үстүндө отурдук. Кайтканга чейин көзүбүздөгү таңууну алышкан жок. Баткенде тажик аскерлерине туткун болгон кыргызстандыктар дал ушинтип баяндап беришти.

Жаңжал учурунда Лейлек районунун Интернационал айылынын башчысы Мырзабек Жумабаев жана тогуз жай тургун барымтага алынып, бир суткадан ашык кармалган. Алар 24 сааттан ашык убакыттан кийин гана Баткен жана Согди облустарынын башчыларынын сүйлөшүүсүнүн натыйжасында бошотулган.

Учурда алардын бешөө Лейлек райондук ооруканада жатат. Sputnik Кыргызстан агенттигинин кабарчылары барымтадан чыккандар менен баарлашты.

Айыл башчы Мырзабек Жумабаев айылында эки жигит окко учту дегенин угуп, чын-төгүнүн билүү үчүн барып туткундалганын айтат.

Глава села Интернационал Мырзабек Жумабаев, который более суток пробыл в заложниках на территории РТ
© Sputnik / Табылды Кадырбеков
Лейлек районунун Интернационал айылынын башчысы Мырзабек Жумабаев
"29-апрелде кечиндеги атышууда айылыбыздагы эки жигит каза болду дешти. Эртеси эртең менен 9:30дар чамасында кабар алайын деп баргам. Түнү эле атып токтоп калган эле, өздөрү жакта болуп жатса керек деп ойлогом. Барсам, кыргыздардын үйүнүн ичинен Тажикстандын чек арачыларынын формасын кийген куралчан аскерлер чыкты. Көрсө, алар айылга чейин келип кирип алышкан экен. Анан ошол жерден мени кармап кетишти", — деди Жумабаев.

Ошондой эле андан мурдараак Интернационалда өрттөнгөн үйүн өчүрүүгө барган беш адамды туткунга алганын жана баарын Гафуров районуна жеткиришкендигин айтты. 

"Колу-бутубузду байлап, көзүбүздү таңып койгон. Ачык жерде эле бетондун үстүндө отурдук. Себепсиз эле уруп жатышты, мурдагы кайсы бир окуяларды айтышты. Ошентип бир суткадан ашык отурдук. Көзүбүздү таңган боюнча такыр ачышкан жок. Чыгып жатканда гана таңууну алганда "Ички иштер министрлигинин тергөө бөлүмү" деген жазууну окуп калдым. Анан бошотуп жатканда "силерди урганыбыз жок, мына чай берип жатабыз" дешти. Барымтага алынган он кыргызстандык, баарыбыз тең ачык жерде күндө отурдук. Кээде бир сындырым нан, кичине колбаса берип жатышты. Ал эми сууну кыйнап туруп беришти", — деп баяндады барымтадагы мезгилин айыл башчы.

Руки главы села Интернационал Мырзабек Жумабаев, который более суток пробыл в заложниках на территории РТ
© Sputnik / Табылды Кадырбеков
Мырзабек Жумабаев: Колу-бутубузду байлап, көзүбүздү таңып койгон. Ачык жерде эле бетондун үстүндө отурдук. Себепсиз эле уруп жатышты, мурдагы кайсы бир окуяларды айтышты.

Жумабаев ооруканага келгенде эч жери сынбаганы аныкталган. Бирок башынан жаракат алган, көкүрөгүн көтөрө албай отуруп-турганда кыйналып жатканын айтып берди. Дал ушул айылда 12 жаштагы Мадина Рахматжанова дагы көз жумган. Ал эми эки жигит болсо автоунаа менен барып кайра артка кайта албай калышыптыр...

"Төрт бала бир машина менен Интернационалга барып, артка келе жатканда алдыраак отургандарды аткан. Артындагы экөө жата калып, акырын эшикти ачып түшүп, сайга качып кутулган экен. Аларга дагы ок тийиптир, бүгүн операция жасашты окшойт", — деп кошумчалады ал.

Жумабаев 2013-жылдан бери айыл башчы, сакайып чыкса кайрадан өз ишин улантууга камынып турат. Жаңжал болгон күнү бир баласы үй-бүлөсү менен коопсуз жайга качкан. Ал эми жубайы менен чоң уулу жүрөгүнө операция жасатуу үчүн Бишкекке кеткенин айтат.

Айыл башчы чек ара жаңжалы, ушундай окуя Интернационалда биринчи ирет, ал эми Максат айылында мурдатан эле болуп келгенин айтып берди.

Биз барымтага түшкөн дагы бир кыргызстандык менен маектештик. Рамисжан Ибрагимовду тажик аскерлери Кыргызстандын Максат айылынан кармап кетиптир. 

Рамисжан Ибрагимов, который более суток пробыл в заложниках на территории РТ
© Sputnik / Табылды Кадырбеков
Рамисжан Ибрагимов

"Арка айылындагы туугандарымды алып келүүгө бара жаткам. Максатка келгенде солдаттар БТР менен туруптур, өзүбүздүкүлөр деп ойлоп токтосом эле тажиктер экен. "Каякка баратасың?" деп орусча сүйлөдү, мен орусча түшүнбөйм дедим эле, анан арттан бирөө келип автоматтын аркасы менен кулак түпкө урду да машинага салып кетти. Телефонумду алып коюшту. Гафуров районундагы милиция бөлүмүнө алып барды, ал жерде чоң автоунаанын үстүндө биздикилер (кыргызстандыктар — ред.) дагы бар экен. Көзүбүздү таңып, колубузду артка кайрып, зым менен байлап койду", — деди Ибрагимов.

Ошондой эле ал автоматтын кундагынан кулагы жарылганын, денесинин бир нече жерин көгала болгончо токмоктогонун баяндап берди.

13555
Белгилер:
барымта, кол салуу, кыргыз-тажик чек арасы, Тажикстан, Кыргызстан
Тема:
Баткендеги кыргыз-тажик жаңжалы (253)
Тема боюнча
Баткендеги өрттөлгөн үйлөргө "ОМП" деп ким жазып кеткен? Баткен ИИБинин жообу
Тажикстандыктар Лейлектеги жолду оңдоону токтотту. Соңку маалымат
Тажикстандыкы — аскердик агрессия. Баш прокуратура кеңири билдирүү таратты
Жүргүнчүлөр жамгыр учурунда. Архив

Ишембиге карата аба ырайы

9
15-майга караган түнү температуранын жогорулашына жана күтүлүп жаткан нөшөрлүү жаан-чачынга байланыштуу суунун деңгээли кескин көтөрүлүп, тоолуу жана тоо этектериндеги райондордо сел жүрүү коркунучу бар.

БИШКЕК, 14-май — Sputnik. Ишембиде күндүз республика аймагында жамгыр жаап, күн күркүрөшү мүмкүн. Бул тууралуу Кыргызгидромет билдирди.

Абанын температурасы Чүй, Талас облустарында +19…+24, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +13…+18 градус болот.

Бишкек жана Ош шаарларында жамгыр жаап, күн күркүрөшү күтүлөт. Күндүн табы борбордо +22…+24, Ош шаарында +25…+27 градусту көрсөтөт.

9
Белгилер:
Кыргызстан, май, аба ырайы
Тема боюнча
Жакында "Супер Ай" толугу менен тутулат. Кубулушту кимдер көрө алат
Медициналык кызматкер лабораторияда

Германия коронавирустун Кыргызстандагы штаммдарын аныктаган реагенттерди берди

23
(жаңыланган 19:40 14.05.2021)
Коронавирустун штаммдарынан сырткары, Кыргызстандын лабораторияларына 50 миң ПЦР-тест тапшырылганы белгиленди.

БИШКЕК, 14-май — Sputnik. Германия коронавирустун Кыргызстандагы штаммдарын аныктоо үчүн реагенттерди алып берди. Бул тууралуу Саламаттык сактоо министрлигинен билдиришти.

Маалыматка караганда, бүгүн, 14-майда, саламаттык сактоо жана социалдык өнүктүрүү министри Алымкадыр Бейшеналиев Германиянын Кыргызстандагы элчиси Моника Иверсен, Германия менен Россиянын эл аралык адистери менен жолуккан.

"Үстүбүздөгү жылдын 10-майында Кыргызстанга германиялык бир нече окуу жайлардын медицина өкүлдөрү келишкен. Адистер Кыргызстандын лабораторияларынын кызматкерлерин штаммдарды аныктоого окутуп жатышат. Эми жардам катары берилген реагенттер Кыргызстандын аймагында коронавирустун штаммдарын аныктоого жардам берет", — деп айтылат маалыматта.

Жабдыктан сырткары, лабораторияга 50 миң ПЦР-тест тапшырылган. Министр Алымкадыр Бейшеналиев Германиянын элчиси менен эл аралык адистерге Кыргызстандын саламаттык сактоо системасына көрсөткөн колдоосуна ыраазычылык билдирди.

23
Тема:
Коронавируска байланыштуу Кыргызстандагы кырдаал
Тема боюнча
Өткөн суткада 200 кишиден коронавирус табылып, 6 бейтап көз жумду
ТИМ Түркияга бара турчуларга сактык полисин алууну эскертти. Артыкчылыгы
Бир миң сомдук купюрасы. Иллюстративдик сүрөт

Сот "Кумтөр Голд Компани" ишканасынан дагы 2 млрд. сом өндүрүү чечимин кабыл алды

0
(жаңыланган 21:15 14.05.2021)
Тараптар 30 күндүн ичинде бул чечимге карата апелляциялык тартипте даттанса болот. Буга чейин сот аталган компанияны 262 млрд. сом төлөөгө милдеттендирген. 

БИШКЕК, 14-май — Sputnik. Бишкек шаарынын Октябрь райондук соту "Кумтөр Голд Компани" ишканасынан 2,1 миллиард сомдон ашык каражат өндүрүү чечимин кабыл алды. Бул тууралуу Жогорку соттун маалымат кызматы кабарлады.

"Соттун 14-майдагы чечими менен Мамлекеттик салык кызматына караштуу Бишкек шаары жана Чүй облусу боюнча ири салык төлөөчүлөрдү көзөмөлдөө департаментинин "Кумтөр Голд Компани" ЖАКка карата камсыздандыруу төгүмдөрү боюнча карыздарды өндүрүү жөнүндөгү доо арызы канааттандырылды. Компаниядан камсыздандыруу төгүмдөрү боюнча 2 миллиард 105  миллион 631 миң сом жана мамлекеттин эсебине 10 миллион 583 сом мамлекеттик алым өндүрүү чечими кабыл алынды", — деп айтылат маалыматта.

Тараптар 30 күндүн ичинде бул чечимге карата апелляциялык тартипте даттанса болору кошумчаланды.

"Кумтөрдүн" ишмердүүлүгүн текшерүүдөн чыккан чуу

7-май күнү Бишкек шаарынын Октябрь райондук соту "Кумтөр Голд Компани" компаниясын экологияга тийгизген залакасы үчүн деп мамлекетке 261 миллиард 719 миллион 674 сом (3 миллиард доллардан көбүрөөк) төлөөгө милдеттендирген.

Ага чейин Жогорку Кеңеш министрлер кабинетине ишкананы сырттан башкарууга мүмкүндүк бере турган мыйзам долбоорун жактырган. Мындан улам канадалык Centerra Gold Inc. компаниясы Кумтөр кенине байланышкан окуяга комментарий берген. Анда алар 2009-жылкы келишимдин бузулуп жатканын айтып чыгышкан.

11-май күнү компаниянын президенти Деон Баденхорст, финансы боюнча директору Саймон Тан жана Жеткирүү системасы боюнча башкармалыктын директору Арипин Буман кенде болгон эки кырсык боюнча күбө катары суракка чакырылганы белгилүү болгон. Анткен менен УКМКнын маалыматы боюнча, "Кумтөр голд компани" ишканасынын жетекчилери Кыргызстандан чыгып кеткен.

Centerra Gold Inc. — канадалык алтын иштетүүчү компания. Кыргызстандагы Кумтөр кенинде иштейт. Кыргызстан ишкананын болжол менен төрттөн бир бөлүгүнө ээлик кылат.

0
Белгилер:
өндүрүү, экология, каражат, сот, Кумтөр
Тема:
"Кумтөргө" 3 миллиард доллар айып салынышы
Тема боюнча
Жапаров: "Кумтөргө" тышкы башкаруу үч жылга киргизилиши мүмкүн
Садыр Жапаров тышкы башкаруу боюнча мыйзамга кол койду