Сапер машыгуу учурунда. Архив

Катуу үндөн чочубагыла! Баткенде саперлор снаряддарды зыянсыздандырууда

200
(жаңыланган 09:45 04.05.2021)
Буга чейин Орто-Боз айылынын тургунунун үйүнөн авиациялык ракета табылган. Тажик тарап аны Ми-24 тик учагы менен атканы белгилүү болгон.

БИШКЕК, 4-май. — Sputnik. Коргоо министрлигинин саперлор тобу Баткен районунун Ак-Татыр айыл өкмөтүнүн Орто-Боз айылында жарылбай калган снаряддарды зыянсыздандыруу иштерин жүргүзүп жатат. Бул тууралуу УКМКнын Чек ара кызматы билдирди.

Бүгүн саат 9:00гө карата кыргыз-тажик чек арасында кырдаал туруктуу деп бааланды. Өткөн түнү ок атышуулар жана башка окуялар катталган эмес.

"Жарылбай калган снаряддарды зыянсыздандыруу иштерине байланыштуу кыргыз-тажик чек арасына жакын жашаган кыргызстандыктарды жарылуунун үнүнөн дүрбөлөңгө түшпөөгө чакырабыз", — деп айтылат маалыматта.

Облусту чек арачылар тыкыр кайтарып, күчөтүлгөн режимде кызмат өтөп жатат.

Буга чейин Орто-Боз айылынын тургунунун үйүнөн авиациялык ракета табылган. Чек ара кызматы 29-апрелде тажик аскерлери Ми-24 тик учагы менен Баткен районунун Төрт-Көчө жана Чыр-Дөбө аймактарына абадан чабуул жасаганын билдирген.

200
Белгилер:
сапер, снаряд, Мамлекеттик чек ара кызматы, УКМК, Баткен
Тема:
Баткендеги кыргыз-тажик жаңжалы (261)
Тема боюнча
Тажикстандыкы — аскердик агрессия. Баш прокуратура кеңири билдирүү таратты
Тажикстандыктар Лейлектеги жолду оңдоону токтотту. Соңку маалымат
Барымтага алынган айыл башчы: бетондо отурдук, көзүбүздү бир сутка бою таңып коюшту
Автоунаа кум борошосун учурунда. Архив

Жүрөк үшүн алат! Чаңдуу бороон Казакстандын райондорун каптаган видео

17
(жаңыланган 22:18 18.05.2021)
Метеорологдор мындай жаратылыш кубулушу региондо көп убакыт жаан жаабай кургак болуп, температура кескин өзгөрүп кеткенде башталарын айткан.

БИШКЕК, 18-май — Sputnik. Түндүк Казакстан облусунун бир катар райондорунда бүгүн чаңдуу бороон болду. Бул тууралуу Sputnik Казакстан жазды.

Социалдык тармактын колдонуучулары муну "Күн тутулуп жаткандай" деп сүрөттөп, айланада эч нерсе көрүнбөй калганын жазышкан.

Агенттикке Казгидрометтин облустук филиалы чаңдуу бороон аймакта көп убакыт жаан жаабай кургак болуп, температура кескин өзгөрүп кеткенде башталарын айткан.

Посмотреть эту публикацию в Instagram

Публикация от Петропавловск Казахстан СКО (@sko_kz)

Ошондой эле метеорологдор Тайынша районунда шамалдын ылдамдыгы секундасына 33 метрге чейин жеткенин айтышкан. Жакынкы метеорологиялык станциялар дагы шамалдын ылдамдыгы секундасына 20 метрден ашканын каттаган.

17
Белгилер:
видео, аба ырайы, чаң, бороон, Казакстан
Тема боюнча
Индонезиядагы катуу торнадо шаарды жабыркатты. Алай-дүлөйдүн видеосу
Жамгыр. Архив

Шаршембиге карата аба ырайы

18
19-майга караган түнү Кыргызстандын аймагында жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

БИШКЕК, 18-май. — Sputnik. Шаршембиде күндүз өлкөдө күн ачык болот. Бул тууралуу Кыргызгидромет билдирди.

Абанын температурасы Чүй облусунда +27…+32, Таласта +26…+31, Ош, Жалал-Абад, Баткен аймактарында +29…+34, Ысык-Көл жергесинде +18…+23, Нарын өрөөнүндө +19…+24 градуска көтөрүлөт.

Бишкек жана Ош шаарларында түнкүсүн жаан-чачын жаабайт, кечке маал күн күркүрөшү ыктымал. Күндүн табы борбордо +29…+31, Ош шаарында +32…+34 градус болот.

18
Белгилер:
Кыргызстан, аба ырайы
Тема боюнча
Күн 37 градуска чейин ысыйт. Июнга карата аба ырайы