Лейлек районундагы Кыргызстан менен Тажикстандын чек арасына жакын Максат айылы

ИИМ: Баткенде абал тынч, милиция күнү-түнү күзөттө

117
(жаңыланган 09:57 04.05.2021)
Баткен облусунда кыргыз-тажик чек арасында жапа чеккендердин чыгымын аныктоо боюнча ыкчам-тергөө топтору иштеп жатат.

БИШКЕК, 4-май. — Sputnik. 4-майга карата Баткен облусунун Тажикстан менен чектешкен айылдарынын баарында абал туруктуу. Бул тууралуу ИИМдин маалымат кызматы билдирди.

Чек арадагы айылдар толук көзөмөлдө экени айтылды.

Аймакта 47 тергөө тобу кылдат жана калыс иликтөө иштерин жүргүзүп жатат. Чек арадагы жаңжалда талкаланган социалдык объектилер, турак үйлөр жана башка имараттар эсепке алынууда.

Учурда Лейлек районунун Кулунду, Максат, Интернационал, Арка-1, Арка-2, Жаштык, ошондой эле башка айылдарда жапа чеккендердин чыгымынын суммасы такталууда.

ИИМдин министринин биринчи орун басары Сүйүн Өмүрзаков тергөө тобунун денесине залал келтирүү, турак үйлөрдү талкалоо, тоноо боюнча иликтөөлөрүн жеке көзөмөлүнө алууда.

"Милиция кызматкерлеринен сырткары, тергөө тобуна жергиликтүү бийликтин, Энергетика жана Өзгөчө кырдаалдар министрликтеринин өкүлдөрү кирген", — деди Өмүрзаков.

Жергиликтүү элдин коопсуздугун камсыздоо үчүн кайгуул милициясы чек ара тилкесинде түнү-күнү күзөт ишин улантып жатат.

117
Белгилер:
коопсуздук, милиция, чек ара, Баткен облусу
Тема:
Баткендеги кыргыз-тажик жаңжалы (260)
Тема боюнча
Катуу үндөн чочубагыла! Баткенде саперлор снаряддарды зыянсыздандырууда
Барымтага алынган айыл башчы: бетондо отурдук, көзүбүздү бир сутка бою таңып коюшту
Унаа жолу. Архив

Кыргызстан менен Өзбекстан транспорттук байланышын күчөтөт

6
(жаңыланган 10:52 18.05.2021)
Эки өлкөнүн делегациялары транспорттук байланышын бекемдөө үчүн Ош — Сары-Таш — Эркечтам коридорун бойлой изилдөө иштерин жүргүзүп жатат.

БИШКЕК, 18-май — Sputnik. Кыргызстан менен Өзбекстан Кашгар — Эркечтам — Ош — Анжиян — Ташкент аркылуу өткөн мультимодалдык транспорт коридорун рационалдуу пайдалануу жолун издей баштады. Бул үчүн коңшу өлкөнүн транспорт министри Ильхом Махкамов менен анын кыргызстандык кесиптеши Гүлмира Абдралиева жолугуп сүйлөшкөнүн Sputnik Өзбекстан агенттиги жазды.

Учурда эки өлкөнүн делегациялары Кыргызстан менен Өзбекстандын транспорттук байланышын бекемдөө үчүн Ош — Сары-Таш — Эркечтам коридорун бойлой изилдөө иштерин жүргүзүп жатат. Мунун алкагында адистер "Эркечтам" өткөрүү пунктунун ишмердүүлүгүн көрүп чыкты. Мындан тышкары, алар Чыйырчык, Талдык, Тоң-Мурун ашууларына барышты.

Белгилей кетсек, бир нече жылдан бери пландалып, бирок ишке ашпай жаткан Кытай — Кыргызстан — Өзбекстан темир жолу дагы дал ушул Кашкар — Эркечтам — Ош — Анжиян — Ташкент багыты боюнча өтөт.

6
Белгилер:
жол, транспорт, Өзбекстан, Кыргызстан
Тема боюнча
23 жыл мурдагы демилге. Өзбекстан быйыл Дүйнөлүк соода уюмуна кирүүгө аракет кылат
Баткен облусундагы Ак-Сай айылы. Архив

Чек арадагы Аксай менен Ворух айылдарына милициянын посттору коюлду

20
(жаңыланган 10:27 18.05.2021)
Эртең мененки жетиден тартып автоунаалар Ходжаи-Аъло — Ворух жана Ак-Сай — Тамдык багыты боюнча жүрүп жатканы айтылды.

БИШКЕК, 18-май — Sputnik. Баткендин Аксай жана Тажикстандын Ворух айылдарынын чек араларына эки тараптан тең милициянын посттору коюлду. Бул тууралуу УКМКга караган Чек ара кызматы кабарлады.

Бүгүн эки мамлекеттин чек ара өкүлдөрү жолугуп, буга чейинки макулдашуулардын аткарылышын талкуулашты.

Маалыматка ылайык, саат 07:30дан баштап автоунаалар Ходжаи-Аъло — Ворух жана Ак-Сай — Тамдык багыты боюнча жүрүп атат. Мындан сырткары, тараптар саат 08:00дөн баштап кыргыз-тажик чек арасында биргелешкен күзөттөрдү уюштурууда.

Кечээ, 17-майда, укук коргоо органдары Тажикстан менен чектешкен Ак-Сай айылында транзиттик жолдон өтүүнүн эрежелерин бузгандыгы үчүн үч тажикстандыкты кармаган. Териштирүүдө алардын бири Тажикстандын УКМКсынын кызматкери, экинчиси Чек ара күчтөрүнүн аскер кызматкери экендиги аныкталган. Ошол эле учурда Баткендин Ворух анклавы аркылуу Ак-Сай айылына бара жаткан кыргызстандык үч кишини коңшу өлкөнүн 30-40 адамдан турган тобу кармап, сабап салган. Эки тараптын тиешелүү жактарынын сүйлөшүүсү менен кармалгандар бошотулуп, абал турукташкан.

20
Белгилер:
пост, милиция, чек ара, Баткен, Кыргызстан, Тажикстан
Тема:
Баткендеги кыргыз-тажик жаңжалы (260)
Тема боюнча
Кыргыз-тажик чек арасында эки тарап тең кишилерди барымтага алып, кайра бошотту
Кыргыз-тажик чек арасында чырды ким баштаганын космостон тартылган сүрөт көрсөтөт