Лейлек районунун Интернационал айылында каза болгон Мадинанын атасы Наимжан Абдуллов

Октон каза болгон 13 жаштагы Мадинанын атасы: аялым акылынан айнып кала жаздады

22566
(жаңыланган 19:21 06.05.2021)
Чоңойсом дарыгер болом деген 13 жаштагы Мадинанын тилеги эми эч качан ишке ашпайт. Он гүлүнүн бири ачыла элек секелек Баткенде тажик аскерлеринин огунан көз жумду.

Каргашалуу окуя 29-апрель күнү Лейлек районунун Интернационал айылында болду.

Сөөгү жерге берилген Мадинанын 3-май күнү тажиясы өткөрүлүп, атасы Наимжан Абдулловдун, 87 жаштагы чоң атасы Рахматжан жана башка жакындарынын сай-сөөгү сыздап турган кези.

13-летняя Мадина, погибшая в ходе приграничного конфликта между Кыргызстаном и Таджикистаном
© Фото / Наимжан Абдуллов
Мадина келечекте дарыгер болууну кыялданчу, аттиң...

Тажик аскерлери Интернационал айылына ок жаадырып жаткан маалда Мадина апасы Наргүл, сиңдиси Нурдиана менен эле. Алар коопсуз жай издеп, көчөдө качып бараткан.

Жүк ташуучу унаа айдап иштеген Наимжан Абдуллов окуя болгон учурда жумушунда болгондугун айтып берди.

"29-апрель күнү кечке маал аялым телефон чалып, айылга ок жаап жаткандыгын айтты. Бир кезде телефондон үнү угулбай калды. Ал учурда мен Бешкент тарапта жүргөм. Дароо айылды көздөй жөнөдүм. Бирок Бешкент менен биз жашаган Интернационал айылынын ортосуна блокпост коюлган экен. Ал жерден аскерлер куралдуу кагылышуу башталганын айтып, өткөрбөй коюшту", — деди Абдуллов.

Анын айтымында, жубайы Наргүл сыртка чыкса асманды капкара түтүн каптай баштагандыктан коркуп, кошуналарын чакырса эч ким келген эмес. Катуу корккондуктан кулагы да укпай калыптыр. Эки кызын кийинтип, үйдөн чыга качып жөнөгөндө миномет жарылып, улуу кызы Мадина жерге кулаган.

Ок эне-бала турган тарапты көздөй атылгандыктан ал кичүү кызын көтөрүп, бирок Мадина жаткан тарапка өтө алган эмес.

Октон жаракат алган эне менен эки кызды окуя болор замат Исфана шаарындагы ооруканага алып баратканда Мадина жолдо каза болгон. Маркум кыздын телефонунан белгисиз жаран атасына чалып, кызы Исфана шаарындагы ооруканада экендигин, телефону аны жеткирген унаада түшүп калгандыгын билдирген.

Житель села Интернационал Лейлекского района Наимжан Абдуллов, дочь которого Мадина погибла в ходе приграничного конфликта между Кыргызстаном и Таджикистаном
© Sputnik / Зульфия Тургунова
Башына каран түн түшүп турган үй-бүлө Лейлек районунун Интернационал айылында жашайт. Бул айыл чек арага жакын жайгашкан. Эки тарапты канал гана бөлүп турат.
"Блокпосттон өтө албай, түнү менен тоону, сайды аралап, ууру жолдор аркылуу араң өтүп ооруканага бардым. Кызымдын сөөгү эчак эле моргдо, аялым менен кичүү кызым реанимацияда экен. Эртеси дарыгерлер операция менен аялымдын денесинен октун эки чачырандысын алып, калганын ала албайбыз дешти", — деди ызага муунган ата.

Каргашалуу окуянын эртеси, 30-апрель күнү, ооруканадагы эне менен кызды дарыгерлер учак менен Бишкектеги Травматология жана ортопедия борборуна жөнөткөн.

Наимжан Абдуллов маркум кызынын сөөгүн моргдон алып келип, Лейлек районунун Бешкент айыл өкмөтүндөгү Эски-Оочу айылында жерге берген.

Анын айтымында, Интернационал айылы Тажикстандын Гафуров районунун Оочу-Калача айылы менен чектешкен. Бул айыл менен Тажикстанды болгону бир гана канал бөлүп турат. Айылдаштары кооптонуп, үй-жайын таштап чыгып кеткендиктен Мадинанын сөөгүн атасынын үйүнөн узатууга туура келген. Себеби айылда киши жок. “Сөөктү кантип жалгыз жерге берем. Сырттан да тууган-туушкандарым ал айылга келе албайт болчу" деди Абдуллов көзүнө жаш ала.

Ал ок аялынын денесинин арка жагына тийгенин, октон эти кызыл жаян болуп, шылынып жатканына күбө болгонун айтат. Бутунун эки жеринде да жарааты бар, жакшы баса албай жатыптыр. Себеби ок бутунун булчуң эттеринин арасында калып калган.

Житель села Интернационал Лейлекского района Наимжан Абдуллов, дочь которого Мадина погибла в ходе приграничного конфликта между Кыргызстаном и Таджикистаном
© Sputnik / Зульфия Тургунова
Наимжан Абдуллов: Мадинанын сөөгүн Бешкент айыл өкмөтүнүн Эски-Оочу айылындагы атамдын үйүнөн узатууга туура келди. Себеби айылда киши жок. Сөөктү кантип жалгыз жерге берем. Сырттан да тууган-туушкандарым ал айылга келе албайт болчу.

Кызынан айрылып, кайгыга чөмүлүп турган ата Мадинанын өлүмүн жубайына эки күнгө чейин айта албай койгон.

"Дарыгерлер уруксат бербей, айта албай жүрдүм. Кайгыны жалгыз көтөрө албасымды билип, аялыма наркоз тарай баштаганда айтсам, алгач дарыгерлерге кыйкырды. Анан эс-акылын жоготкон кишидей "ыйлайынбы?" деп мага суроолуу карады. Анын абалын көрүп мен өзүмдү жоготуп кое жаздадым", — деди ал.

Мадина атасынын үч уулдан кийинки улуу кызы эле.

Атасынын айтымында, 13 жаштагы Мадина мыкты окучу. Болочокто дарыгер болом деген тилегине жетпей калды.

Чырактай кызынан ажыраган эне 51 жаштагы Наргүл Хамдамованын куймулчагында калып калган октун чачырандысын алуу үчүн бүгүн, 4-май күнү, операция жасалары күтүлүүдө.

22566
Белгилер:
оорукана, ок атуу, Жаңжал, чыр, чек ара, Баткен облусу
Тема:
Баткендеги кыргыз-тажик жаңжалы (250)
Тема боюнча
Тажикстандыкы — аскердик агрессия. Баш прокуратура кеңири билдирүү таратты
Катуудан казаны, жумшактан күлү... Кан төгүлгөн чек ара жаңжалынан 18 ирмем
Жүк ташуучу унаалар. Архив

Милиция: Баткенде кармалган Тажикстандын 3 фурасы кыргыздардыкына алмаштырылат

427
(жаңыланган 23:12 11.05.2021)
Үч фура 7-майдан бери чек ара тилкелериндеги окуяга байланыштуу коопсуздук үчүн милиция кызматкерлеринин карамагында болгон.

БИШКЕК, 11-май — Sputnik. Баткен облусунун кире бериш аймагынан токтотулган Тажикстандын жүк ташып бара жаткан унаалары милиция тарабынан кармалып турган. Бул тууралуу Баткен облустук милициянын маалымат кызматы кабарлады.

Билдирмеге караганда, үч фура 7-майдан бери чек ара тилкелериндеги окуяга байланыштуу коопсуздугун камсыздоо максатында милиция кызматкерлеринин карамагында болгон.

“Бүгүн, 11-майда, кармалган фураларды Баткен ОИИБдин унаа токтотуучу жайына Жол кыймылынын коопсуздугун камсыздоо кызматынын коштоосунда Баткен шаарына алып келе жаткан. Кыргыз жарандарынын жети фурасы Тажикстанда кармалып турат. Эки өлкөнүн ИИМ жетекчилеринин сүйлөшүүсүнүн натыйжасында жүк ташуучу унаалар алмаштырылат”, — деп айтылат маалыматта.

Буга чейин социалдык тармактарда Тажикстандын жүк ташуучу унааларын Кыргызстандын укук коргоо органдары коштоп чек арадан өткөрүүгө аракет кылган деген видео тараган.

427
Белгилер:
милиция, Тажикстан, алмашуу, фура, Баткен
Тема боюнча
УКМК Тажикстанга Баткен аркылуу бензин ташылууда деген маалыматты четке какты
Лейлекте чек ара чырында уурдалган 16 унаанын үчөө Тажикстандан кайтарылды
Кызгалдак гүлдөгөн талаа. Архив

Шаршембиге карата аба ырайы

47
12-майга караган түнү нөшөрлүү жаан-чачынга байланыштуу Ош, Жалал-Абад жана Баткен облустарынын дарыяларында суунун деңгээли көтөрүлүп, тоолуу райондордо сел жүрүшү мүмкүн.

БИШКЕК, 11-май — Sputnik. Шаршембиде күндүз туруксуз аба ырайы күтүлүп, көпчүлүк аймактарда мезгил-мезгили менен жаан жаап, күн күркүрөшү, бийик тоолуу райондордо кар жаашы мүмкүн. Бул тууралуу Кыргызгидромет билдирди.

Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетет.

Абанын температурасы төмөндөйт. Чүй, Талас облустарында +18…+23, Ош, Жалал-Абад, Баткен аймактарында +22…+27, Ысык-Көл, Нарын өрөөндөрүндө +17…+22 градусту көрсөтөт.

Күндүн табы Бишкекте +21…+23, Ош шаарында +25…+27 градус болот.

47
Белгилер:
Кыргызстан, аба ырайы
Тема боюнча
Жаан жаап, күн күркүрөйт. Бир аптага карата аба ырайы