Жаан учурда киши кол чатыр менен. Архив

Жаан жаайбы? Дем алыш күндөргө карата аба ырайы

239
Ордо калаада ишембиде жаан жаайт деп божомолдонгону менен абанын температурасы 28 градуска чейин жетери айтылды. Эртеси күн ачылып, ысык болот.

БИШКЕК, 5-май — Sputnik. Кыргызгидромет дем алыш күндөргө карата аба ырайынын божомолун жарыялады.

Билдирмеге караганда, апта бүтүп бара жаткан 8-май күнү, ишембиде, өлкөнүн көпчүлүк аймактарында жаан жаашы ыктымал. Ал эми эртеси, жекшембиде, күн ачылат деп божомолдонду.

Чүй, Талас облустарында 8-майда жаан жаашы, бийик тоолуу аймактарда кар түшүүсү мүмкүн. 9-майда күн ачык болот.

Бишкекте фонтандар ишке киргизилди
© пресс-служба мэрии города Бишкек
Ош, Жалал-Абад, Баткен облустарында да аба ырайы ушундай эле болот. Бийик тоолуу райондордо жол тайгак болуп, батыштан соккон шамалдын ылдамдыгы секундасына 4-9 метрден кээ бир райондордо 15-20 метрге жетиши күтүлөт.

Нарын менен Ысык-Көл облустарында 8-май күндүз жана 9-май түнкүсүн жаан жаап, айрым тоолуу жерлерге кар жаашы ыктымал. Эртеси, 9-майда, күн ачылып, абанын температурасы 23 градуска чейин жетиши мүмкүн.

Бишкек шаарында 7-8-майда катары менен жаан жаап, 9-май, жекшемби күнү, күн ачылары айтылды.

Ордо калаада ишембиде жаан жааганы менен абанын температурасы 28 градус, жекшемби күнү 30 градуска чейин ысык болот.

239
Белгилер:
ысык, жаан, дем алыш, аба ырайы, Кыргызстан
Тема боюнча
Кыргызстандыктар эки күн жабыла учкан топ жылдызды көрө алат
Аллергия менен күрөшүүнүн натыйжалуу жолу бар. Адистин кеңеши
Ички иштер министри Улан Ниязбеков жана Баткен облусунда иш сапары менен

Кыргызстан Тажикстандын ИИМи менен кайгуул күзөттөрүн уюштурууну сүйлөштү

30
(жаңыланган 09:55 10.05.2021)
ИИМ башчысы кечээ Баткенге барган. Тажикстандык кесиптештери менен чек арага чектеш аймактарда абалды турукташтыруу жана коомдук тартипти жөнгө салууну сүйлөшүштү.

БИШКЕК, 10-май. — Sputnik. Ички иштер министри Улан Ниязбеков жана Баткен облустук милициясынын начальниги Мурат Боронов Тажикстандын Согди облусу боюнча башкармалыгынын жетекчиси Абдулло Навджувонов менен Исфара ШИИБдин башчысы Фердаус Шамадзаде менен жолукту. Бул тууралуу ИИМдин маалымат кызматы кабарлады.

  • Министр внутренних дел Улан Ниязбеков с рабочей поездкой посетил Баткенскую область. 09 мая 2021 года
    Ички иштер министри Улан Ниязбеков жана Баткен облустук милициясынын начальниги Мурат Боронов Тажикстандын Согди облусу боюнча башкармалыгынын жетекчиси Абдулло Навджувонов менен Исфара ШИИБдин башчысы Фердаус Шамадзаде менен жолукту
    © Фото / пресс-служба МВД КР
  • Министр внутренних дел Улан Ниязбеков с рабочей поездкой посетил Баткенскую область. 09 мая 2021 года
    Жолугушуу 9-майда Баткен облусунун аймагында өтүп, министр ошол жакка барган
    © Фото / пресс-служба МВД КР
1 / 2
© Фото / пресс-служба МВД КР
Ички иштер министри Улан Ниязбеков жана Баткен облустук милициясынын начальниги Мурат Боронов Тажикстандын Согди облусу боюнча башкармалыгынын жетекчиси Абдулло Навджувонов менен Исфара ШИИБдин башчысы Фердаус Шамадзаде менен жолукту

Жолугушуу 9-майда Баткен облусунун аймагында өтүп, министр ошол жакка барган.

"Анын жүрүшүндө жарандардын коопсуздугун сактоодо кыргыз жана тажик милициясынан турган кайгуул күзөттөрүн уюштуруу сүйлөшүлдү. Ошондой эле чек арага чектеш аймактарда абалды турукташтыруу, коомдук тартипти жөнгө салуу, аны биргелешип сактоо, тартип бузууларга жол бербөө сүйлөшүлдү", — деп айтылат маалыматта.

Учурда Баткенде абал туруктуу экени белгиленди. 52 ыкчам-тергөө тобу талкаланган жайларды карап чыгууну аяктап, келтирилген чыгымдардын эсебин тактоого киришкен.

Ошондой эле министр Улан Ниязбеков ИИМдин ички аскерлеринин 707-аскер бөлүгүнүн жаңы имаратынын курулушу менен таанышып, "Головной" суу бөлүштүрүүчү жайына барган. Чек ара чырынан жабыркаган айылдардагы жашоочулар жана милиционерлер менен да жолуккан.

30
Белгилер:
сүйлөшүүлөр, коопсуздук, Улан Ниязбеков, ИИМ, Тажикстан, Кыргызстан
Тема:
Баткендеги кыргыз-тажик жаңжалы
Тема боюнча
Чек ара чырынан каза болгондордун үй-бүлөсүнө 36 турак жай салына баштады
Окуучу кезде өзүм каччумун, азыр 8 балам менен качып жүрөм. "Чек арачы" эненин муңу
Ооруп аткан киши. Архивдик сүрөт

Канда холестерин көп экенин кантип билсе болот? Белгилери

51
Муундардын оорушу, дем алуунун кыйындашы, чарчоо да канда холестериндин көп болуп кеткенинен кабар берет.

БИШКЕК, 10-май — Sputnik. Британиялык British Heart Foundation уюмунун адистери канда жаман холестериндердин ашыкча көбөйүп кетиши инсультка кептээрин эскертишкен. Бул тууралуу РИА Новости Express басылмасына таянып кабарлады.

Окумуштуулардын материалында жазылгандай, канда холестерин көбөйгөндө мээнин кан айлануусу жайлап, ал тургай токтоп калат. Мындан улам адам инсульт болот. "Кан тамыр түтүк сыяктуу, холестерин көп болгон учурда ал түтүктү жаап салып, жыйынтыгында кычкылтек, азыктандыруучу заттар жүрөккө жетпей калат. Мунун кесепетинен аталган орган приступ болот", — деп айтылат маалыматта.

Медиктердин айтымында, канда холестерин көбөйүп кеткенде көкүрөк тушу, буту-колдун учтары ооруй баштайт. Мындан сырткары, адамдын аң-сезими ар нерсени чаташтыра баштайт. Мунун себеби мээге кан жетпей калгандыгында. Муундардын оорушу, дем алуунун кыйындашы, чарчоо да канда холестерин ашыкча экенинен кабар берет.

Буга чейин адис, дарыгерлер канда холестеринди кумшекер, майлуу, куурулган, камыр тамактар көбөйтө турганын айтышкан.

51
Белгилер:
жүрөк, оору, инсульт, холестерин, медик
Тема боюнча
Кыска убакытта арыктоо эмнеси менен кооптуу. Диетолог Дүйшөнкулованын маеги

Тамак талашып... Бактын башынан кулаган арстан менен кабыландын видеосу

0
(жаңыланган 10:03 10.05.2021)
Бактын башында олжо талашып урушкан кабылан менен арстанды көтөрө албай, бутак сынып кеткен. Окуя Түштүк Африкадагы Крюгер паркында болгон.

Видеонун авторунун айтымында, ургаачы арстан бактын башында жүргөн кабыландын олжосуна кызыгып, эринбей чыгып барган. Тапкан тамагын кызганган берки жырткыч айбат кылып, экөө ошол жерден чапчылашып, уруша кеткен.

Эки ири жырткычтын салмагын көтөрө албаган бутак жоон болгону менен сынып кетип, эки жаныбар жерге күү менен түшкөн. Бак-шак, сынган бутактын арасынан эптеп суурулуп чыккан кабылан артын карабай качкан. Видеодон анын катуу чочуп калганын байкоого болот.

Ал эми арстан эки жагын каранып, ошол жерде турганы менен видео аяктаган.

Маалыматта бир чети таңгалдырып, бир чети күлкүнү келтирген бул окуянын Лондолоза деп аталган аймакта болгону жазылган.

0
Белгилер:
олжо, кабылан, арстан, Түштүк Африка Республикасы
Тема боюнча
Тумшугуна эч нерсе илинбей. Олжосунан ажыраган арстандын видеосу