Лейлек районунун айылы

УКМК: тажик тарап айдап кеткен эки автоунааны Кыргызстанга өткөрүп берди

114
(жаңыланган 15:00 05.05.2021)
УКМК жетекчиси Камчыбек Ташиев, Чек ара кызматынын башчысы Уларбек Шаршеевдер кагылыш учурунда жабыркаган чек арадагы объектилерди карап чыгышкан.

БИШКЕК, 5-май — Sputnik. УКМКнын Чек ара кызматы кыргыз-тажик чек арасында кырдаал туруктуу экенин айтып, акыркы маалыматтар менен бөлүштү.

Билдирмеге караганда, кечээ, 4-майда, Тажикстандын жарандары айдай качкан Hyundai жана "Жигули" үлгүсүндөгү эки автоунааны тажик тарап Кыргызстанга өткөрүп берген. Тажиктер автоунааларды "Кулунду" өткөрмө пункту аркылуу айдап өтүшкөн.

"Бүгүн УКМК жетекчиси Камчыбек Ташиев, Чек ара кызматынын башчысы Уларбек Шаршеев жана аталган кызматтын Баткен облусу боюнча башкармалыгынын начальниги Кыялбек Төлөнбаев болуп кагылыш учурунда жабыркаган чек арадагы объектилерди карап чыгышты", — деп жазылат маалыматта.

Бардык органдын кызматкерлери чек арадагы абалга көз салып жатканы кошумчаланды.

114
Белгилер:
абал, кайтаруу, автоунаа, чек ара, УКМК
Тема:
Баткендеги кыргыз-тажик жаңжалы (260)
Тема боюнча
Марипов: чек ара чырынан талкаланган объектилерди оңдоого 700 млн. сом бөлүндү
Фотофакт: жаңжал тутанган "Головной" суу бөлүштүрүүчү жайдын асмандан көрүнүшү
Баткен, Лейлек, Кадамжай райондорунун акимдери алмашты
Унаа жолу. Архив

Кыргызстан менен Өзбекстан транспорттук байланышын күчөтөт

6
(жаңыланган 10:52 18.05.2021)
Эки өлкөнүн делегациялары транспорттук байланышын бекемдөө үчүн Ош — Сары-Таш — Эркечтам коридорун бойлой изилдөө иштерин жүргүзүп жатат.

БИШКЕК, 18-май — Sputnik. Кыргызстан менен Өзбекстан Кашгар — Эркечтам — Ош — Анжиян — Ташкент аркылуу өткөн мультимодалдык транспорт коридорун рационалдуу пайдалануу жолун издей баштады. Бул үчүн коңшу өлкөнүн транспорт министри Ильхом Махкамов менен анын кыргызстандык кесиптеши Гүлмира Абдралиева жолугуп сүйлөшкөнүн Sputnik Өзбекстан агенттиги жазды.

Учурда эки өлкөнүн делегациялары Кыргызстан менен Өзбекстандын транспорттук байланышын бекемдөө үчүн Ош — Сары-Таш — Эркечтам коридорун бойлой изилдөө иштерин жүргүзүп жатат. Мунун алкагында адистер "Эркечтам" өткөрүү пунктунун ишмердүүлүгүн көрүп чыкты. Мындан тышкары, алар Чыйырчык, Талдык, Тоң-Мурун ашууларына барышты.

Белгилей кетсек, бир нече жылдан бери пландалып, бирок ишке ашпай жаткан Кытай — Кыргызстан — Өзбекстан темир жолу дагы дал ушул Кашкар — Эркечтам — Ош — Анжиян — Ташкент багыты боюнча өтөт.

6
Белгилер:
жол, транспорт, Өзбекстан, Кыргызстан
Тема боюнча
23 жыл мурдагы демилге. Өзбекстан быйыл Дүйнөлүк соода уюмуна кирүүгө аракет кылат
Баткен облусундагы Ак-Сай айылы. Архив

Чек арадагы Аксай менен Ворух айылдарына милициянын посттору коюлду

19
(жаңыланган 10:27 18.05.2021)
Эртең мененки жетиден тартып автоунаалар Ходжаи-Аъло — Ворух жана Ак-Сай — Тамдык багыты боюнча жүрүп жатканы айтылды.

БИШКЕК, 18-май — Sputnik. Баткендин Аксай жана Тажикстандын Ворух айылдарынын чек араларына эки тараптан тең милициянын посттору коюлду. Бул тууралуу УКМКга караган Чек ара кызматы кабарлады.

Бүгүн эки мамлекеттин чек ара өкүлдөрү жолугуп, буга чейинки макулдашуулардын аткарылышын талкуулашты.

Маалыматка ылайык, саат 07:30дан баштап автоунаалар Ходжаи-Аъло — Ворух жана Ак-Сай — Тамдык багыты боюнча жүрүп атат. Мындан сырткары, тараптар саат 08:00дөн баштап кыргыз-тажик чек арасында биргелешкен күзөттөрдү уюштурууда.

Кечээ, 17-майда, укук коргоо органдары Тажикстан менен чектешкен Ак-Сай айылында транзиттик жолдон өтүүнүн эрежелерин бузгандыгы үчүн үч тажикстандыкты кармаган. Териштирүүдө алардын бири Тажикстандын УКМКсынын кызматкери, экинчиси Чек ара күчтөрүнүн аскер кызматкери экендиги аныкталган. Ошол эле учурда Баткендин Ворух анклавы аркылуу Ак-Сай айылына бара жаткан кыргызстандык үч кишини коңшу өлкөнүн 30-40 адамдан турган тобу кармап, сабап салган. Эки тараптын тиешелүү жактарынын сүйлөшүүсү менен кармалгандар бошотулуп, абал турукташкан.

19
Белгилер:
пост, милиция, чек ара, Баткен, Кыргызстан, Тажикстан
Тема:
Баткендеги кыргыз-тажик жаңжалы (260)
Тема боюнча
Кыргыз-тажик чек арасында эки тарап тең кишилерди барымтага алып, кайра бошотту
Кыргыз-тажик чек арасында чырды ким баштаганын космостон тартылган сүрөт көрсөтөт