Аэпорттору күзөт кызматкери. Архив

УКМК тажик жарандары аэропорттон кармалууда деген маалыматты төгүндөдү

208
(жаңыланган 10:32 06.05.2021)
Укук коргоочу YouTube каналы аркылуу Кыргызстандын чек арачылары транзиттик негизде өтүп бара жаткан тажик жарандарын себепсиз кармап жатат деген билдирүү тараткан.

БИШКЕК, 6-май — Sputnik. УКМКнын Чек ара кызматы укук коргоочу Валентина Чупиктин "Бишкек жана Ош аэропортторунда Тажикстандын жарандары кармалып, аларга туура эмес мамиле жасалып жатат" деген видео кайрылуусунда айтылгандар чындыкка туура келбесин билдирди.

Укук коргоочу буга чейин YouTube каналы аркылуу Кыргызстандын чек арачылары транзиттик негизде өтүп бара жаткан тажик жарандарын себепсиз кармап жатат деген билдирүү тараткан.

"Укук коргоочунун айткандары жалган жана улуттар аралык кастыкты козутуу катары бааланат. Чек ара кызматынын өкүлдөрү эл аралык укуктук келишимдердин жана Конституциянын негизинде иш алып барышат. Мамлекеттик чек арадан өткөрүүдө адамдын жарандыгы, улуту, расасы маанилүү эмес", — деп айтылат УКМКнын билдирүүсүндө.

Ошондой эле кыргыз-тажик чек арасындагы жаңжалдан кийин жарандардын коопсуздугу үчүн өткөрүү пунктунан адамдарды, автоунааларды жана жүк өткөрүү убактылуу токтотулган.

Кыргызстандын президенти  Садыр Жапаров. Архив
© Пресс-служба президента КР / Султан Досалиев
"Мындан улам аэропорттун кызматын пайдаланган тажик жарандарынын коопсуздугун камсыздоо үчүн кыргыз тарап аларды эки жол менен өлкө аймагынан чыгарып коюуда. Биринчи Өзбекстан аркылуу кетүүнү каалагандар коңшу өлкөнүн чек арасындагы өткөрүү пунктуларына кетирилип жатат. Ал эми дароо өз өлкөсүнө өтүүнү каалагандар "Бордобо" жана "Карамык" өткөрүү пунктуларына жеткирилип, тажик чек арачыларына өткөрүп берилүүдө", — деп айтылат түшүндүрмөдө.

УКМК берген маалыматка караганда, Тажикстандын жарандары бул аракеттерди азыркы абалда туура деп эсептеп, Кыргызстандын аэропортторун пайдаланууну улантууда.

"Укук коргоочу Валентина Чупикке абалды кайрадан курчутууга кызыкдар тараптар туура эмес маалыматты жеткириши мүмкүн", — дешти атайын кызматтан.

Кыргыз-тажик чек арасындагы жол
© Sputnik / Акылбек Батырбеков
Адам өлүмүнө алып келген Баткендеги кандуу кагылышуу 28-апрель күнү кечинде башталып, ок атылып, калаба 2-3 күнгө созулуп кеткен. Анын кесепетинен 36 кыргызстандык жаран көз жумду. Алардын үчөө аскерлер, экөө — 13 жаштагы өспүрүм кыз менен төрт жаштагы эркек бала, ал эми калган 31 адам жергиликтүү калк жана башка аймактардан элге жардам беребиз деп келген кыргызстандыктар болду. 150гө чукул киши октон, таштан жаракат алып ооруканага түшкөн.

208
Белгилер:
мамиле, жаран, аэропорт, УКМК, укук коргоочу, Тажикстан, Кыргызстан
Тема:
Баткендеги кыргыз-тажик жаңжалы (299)
Тема боюнча
Баткенге башчы болгон Абдикарим Алимбаев алгач "Головнойго" барды. Сүрөт
Чек ара жаңжалынан жабыркаган айылдарда аткарыла турган иштердин тизмеси
COVID-19 сыноо лабораториясынын кызматкери

Өткөн суткада 931 кишиден коронавирус табылып, 8 бейтап көз жумду

21
(жаңыланган 11:40 22.06.2021)
Кечээтен бери Бишкектен эле 435 адамдан COVID аныкталган. Азыркы тапта ооруканаларда дарыланып жаткандардын ичинен 93 бейтаптын абалы өтө оор деп бааланды.

БИШКЕК, 22-июн. — Sputnik. Бир сутка ичинде Кыргызстанда 931 кишиден коронавирус аныкталып, 522 бейтап айыкты. Бул тууралуу Саламаттык сактоо жана социалдык өнүктүрүү министрлигинин маалымат кызматы кабарлады.

Билдирмеге караганда, оору жуктургандардын басымдуу бөлүгү ордо калаада.

Жуктургандар:

  • Бишкек – 435;
  • Ош – 147;
  • Чүй облусу – 129;
  • Ош облусу – 93;
  • Талас облусу – 4;
  • Нарын облусу – 5;
  • Ысык-Көл облусу – 27;
  • Жалал-Абад облусу – 50;
  • Баткен облусу – 41.

Ушуну менен өлкөдө илдет илештиргендердин жалпы саны 116 546га жетип, анын ичинен 105 932 адам дартты жеңди.

Айыккандар:

  • Бишкек – 232;
  • Ош – 119;
  • Чүй облусу – 34;
  • Ош облусу – 74;
  • Талас облусу – 3;
  • Нарын облусу – 7;
  • Ысык-Көл облусу – 12;
  • Жалал-Абад облусу – 22;
  • Баткен облусу – 19.

Тилекке каршы, өткөн суткада коронавирус сегиз адамдын өмүрүн алган. Анын ичинен бешөө Бишкекте катталса, Чүйдө экөө, Ош облусунда бир адам каза тапкан. Жалпысынан коронавирустан 1 945 бейтап көз жумду.

Азыркы тапта 2 436 киши ооруканаларда дарыланып жатат. Анын ичинен 708и оор абалда болсо, 93 бейтаптын абалы өтө оор деп бааланды.

21
Белгилер:
бейтап, статистика, оору, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
COVID жуктургандарды оорукана кандай шарт менен кабыл алат? Расмий жооп
Өспүрүмдөр COVID-19га каршы эмделиши керек. Себебин адис түшүндүрдү
COVID-19 эмдөө пунктунда адамдар

Өспүрүмдөр COVID-19га каршы эмделиши керек. Себебин адис түшүндүрдү

49
(жаңыланган 10:48 22.06.2021)
Июль айынан тарта Россияда "Спутник V" вакцинасы 12-17 жаштагыларга кандай таасир этери изилдене баштайт. Ал эми Pfizer вакцинасы 2021-жылдын март айында 12 жаштан жогорку балдарга жарайт деген бүтүм чыккан.

БИШКЕК, 22-июн. — Sputnik. Өспүрүмдөр адатта COVID менен жеңил формада оорушат. Бирок алар дайыма чоңдор менен байланышта болгондуктан, аларга жугузуп салбоо үчүн вакцина алышы керек. Бул тууралуу "Известия" басылмасына BestDoctor аталышындагы медицинаны өнүктүрүү департаментинин жетекчиси Юлия Ткаченко билдирди.

Ошол эле учурда дарыгер балдар коронавирустун жаңы штаммдарын, анын ичинде "индия" штаммын кандай кабыл алары тууралуу маалыматтар жок экенин айтат.

"Өспүрүмдөргө эмдөө эмне үчүн зарыл? Алар инфекция жуктуруу жагынан негизги звено болуп эсептелет. Өздөрү ооруну жеңил көтөргөнү менен ар дайым ата-энеси, чоң ата, чоң апасы же башка жашы өтүп калган туугандарына жуктуруп коюшу мүмкүн", — деди Ткаченко.

Июль айынан тарта Россияда "Спутник V" вакцинасы 12-17 жаштагыларга кандай таасир этери изилдене баштайт. Дарыгердин айтымында, бул нерсе жаңылык эмес. 2021-жылдын март айында Pfizer вакцинасы 12 жаштан жогорку балдарга жарайт деген бүтүм чыккан. Ал эми AstraZeneca вакцинасы кыйыр таасиринен улам изилдөөгө алынбай токтоп турат.

49
Белгилер:
эмдөө, коронавирус, өспүрүм, вакцина, Россия
Тема:
Дүйнөгө жайылган коронавирус
Тема боюнча
Окумуштуу "индия" штаммынын "куулугун" айтып берди
COVID жуктургандар кайда кайрылат. Бишкектин ооруканаларындагы бош орундар
Ок атуу спорту боюнча Кыргызстандын курама командасынын мүчөсү Каныкей Кубанычбекова

Ок атуу спорту боюнча Каныкей Кубанычбекова Олимпиадага жолдомо алды

0
(жаңыланган 11:41 22.06.2021)
Кубанычбекова 2020 жана 2021-жылдагы Кыргызстан кубокторунун лидери. Ал ок атуу боюнча Олимпиадага катышуу үчүн лицензия алган биринчи спортчу болду.

БИШКЕК, 21-июн. — Sputnik. Ок атуу спорту боюнча Кыргызстандын курама командасынын мүчөсү Каныкей Кубанычбекова Токиодо өтө турган XXXII жайкы Олимпиада оюндарына лицензия алды. Бул туурасында Жаштар иши, дене тарбия жана спорт боюнча агенттиктен кабарлашты.

  • Член национальной сборной команды КР по пулевой стрельбе Каныкей Кубанычбекова получила лицензию на XXXII летние Олимпийские игры в Токио.
    Ок атуу спорту боюнча Кыргызстандын курама командасынын мүчөсү Каныкей Кубанычбекова Токиодо өтө турган XXXII жайкы Олимпиада оюндарына лицензия алды
    © Фото / Государственное агентство по делам молодежи, физической культуры и спорта при ПКР
  • Член национальной сборной команды КР по пулевой стрельбе Каныкей Кубанычбекова получила лицензию на XXXII летние Олимпийские игры в Токио.
    Бул аялдар арасында ок атуу боюнча оффлайн жана онлайн түрүндө өткөн көнүгүүлөрдүн эл аралык таймашынын жыйынтыгында белгилүү болгон
    © Фото / Государственное агентство по делам молодежи, физической культуры и спорта при ПКР
1 / 2
© Фото / Государственное агентство по делам молодежи, физической культуры и спорта при ПКР
Ок атуу спорту боюнча Кыргызстандын курама командасынын мүчөсү Каныкей Кубанычбекова Токиодо өтө турган XXXII жайкы Олимпиада оюндарына лицензия алды

Бул аялдар арасында ок атуу боюнча оффлайн жана онлайн түрүндө өткөн көнүгүүлөрдүн эл аралык таймашынын жыйынтыгында белгилүү болгон.

"Лицензия алууга квалификациялык чакан стандарттарды (MQS) Казакстан, Индия, Кувейт, Азербайжанда өткөн эл аралык турнирлерге катышып аткарганы да жардамын тийгизди. Рейтингде ортодон жогору орунга жетишкен жыйынтыктары үчүн Кубанычбекова Токиодо өтө турган Олимпиада оюндарына жолдомо алды", — деп айтылат маалыматта.

Кыргызстандык оор атлетчи Бакдөөлөт Расулбеков машыктыруучулар менен
© Фото / предоставлено директором СДЮСШОР Уланбеком Молдодосовым
Кубанычбекова 2020 жана 2021-жылдагы Кыргызстан кубокторунун лидери.

2017-жылы эл аралык Intershot (Амстердам, Нидерланд) турниринде коло медаль алган. Өспүрүмдөрдүн ок атуу боюнча курама командасынын улук машыктыруучусу.

Каныкей Кубанычбекова ок атуу спорту боюнча Олимпиадага катышуу үчүн лицензияны алган биринчи спортчу.

0
Белгилер:
Каныкей Кубанычбекова, лицензия, Олимпиадалык оюндар, Токио, Кыргызстан
Тема:
2021-жылы Токиодо өтө турган Олимпиада оюндары
Тема боюнча
Спортчу Арстанбек Базаркулов Паралимпиадага жолдомо алды