Манас аэропортунда  Спутник V вакцинасын тозуп алуу

Майдын ортосунда "Спутник V" вакцинасынын дагы бир партиясы келери күтүлүүдө

74
(жаңыланган 11:29 06.05.2021)
Саламаттык сактоо жана социалдык өнүктүрүү министрлигинин маалыматына караганда, буга чейин келген 20 миң доза вакцина буюртма кылынган 100 миң дозага кирбейт.

БИШКЕК, 6-май — Sputnik. Майдын ортосунда коронавируска каршы россиялык "Спутник V" вакцинасынын дагы бир партиясы келери күтүлүүдө. Бул туурасында Sputnik Кыргызстанга саламаттык сактоо жана социалдык өнүктүрүү министри Алымкадыр Бейшеналиев билдирди.

Анын маалыматына караганда, Кыргызстан 50 000 адамга дагы 100 миң доза препарат алууга буюртма берген. Бирок баары россиялык заводдорго байланыштуу болот, себеби азыр вакцинага суроо-талап абдан көп.

"Биз 600 миллион сом бөлүп жатабыз, 100 миң доза алууга макулдашканбыз. Бирок мунун кайсы бир бөлүгү транш түрүндө майдын ортосунда келиши күтүлүүдө. Азырынча эч нерсе айта албайм, бул биздин колубуздагы нерсе эмес. Бир компонент 10 доллардан айланууда. Россиядан келе турган гуманитардык жардам (500 миң доза "Спутник V" — ред.) май-июнь-июлда келмекчи", — деди ал.

Министр буга чейин келген 20 миң доза вакцина буюртма кылынган 100 миң дозанын ичине кирбей тургандыгын кошумчалады.

74
Белгилер:
Алымкадыр Бейшеналиев, Спутник V, вакцина, Россия, Кыргызстан
Тема:
"Спутник V" вакцинасы (122)
Тема боюнча
Вакцинаны алдын ала онлайн жазылып алса болот. Шарттары
Министрлик: вакцина алгандарда антителонун деңгээли жогору экени аныкталды
Көчөдө бараткан маскачан адамдар. Архив

Министрлик: Кыргызстанда коронавирустун үчүнчү толкуну байкала баштады

9
(жаңыланган 12:49 15.06.2021)
Саламаттык сактоо министрлиги жарандарды жөнөкөй санитардык нормалар менен эрежелерди сактоого чакырды.

БИШКЕК, 15-июн. — Sputnik. Кыргызстанда коронавирустун үчүнчү толкуну башталганы байкалып жатат. Бул тууралуу саламаттык сактоо министринин орун басары Жалалидин Рахматуллаев брифинг учурунда билдирди.

Анын айтымында, биринчи толкун 2020-жылдын июнь-июль айына туш келип, бир суткада 1600 адам илдет жуктурган учур болгон. Экинчи толкун октябрь-ноябрда болуп, бир сутка ичинде жуктургандардын саны 600гө жеткен.

"Учурда үчүнчү толкун байкалып жатат. Жети күндүн ичинде коронавирус жуктургандардын саны миңден ашты (1,3). Өткөн жылы Кыргызстанда "британиялык" штамм жок болчу. Үстүбүздөгү жылдын март айында Новосибирскидеги лабораторияга үлгүлөрдү жибергенбиз. Натыйжада анын 44 пайызынан "британиялык", 39 пайызынан "россиялык" жана "түштүк африкалык" (бир), "индиялык" (бир) штаммдар табылган", — деди Рахматуллаев.

Анын айтымына караганда, Бишкекте коронавирустун жайылышы республикалык көрсөткүчтөн 3,6 эсеге, Ошто 2,6 эсеге көп болуп жатат. Министрдин орун басары санитардык нормалар жакшы сакталбаса, статистика өсө турганын кошумчалады.

Рахматуллаев жарандарды эл көп топтолгон жерлерге көп барбоого чакыра кетти.

9
Белгилер:
коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Министр Бейшеналиев түнкү клубдар менен соода борборлорду жабууну сунуштады
Жалал-Абаддагы COVID: облустук оорукана толуп, күндүзгү стационарлар ачылмай болду
514 кишиден вирус табылып, алты бейтап каза болду. COVID статистикасы
Дары ичип жаткан кыз. Архив

Ичкенден кийин автоунаа айдоого болбой турган дарылардын тизмеси

31
(жаңыланган 12:26 15.06.2021)
Эксперт курамында фенобарбитал, кодеин жана алкоголу бар дарыларды рулда жүргөн киши абайлап ичиши керектигин айтты.

БИШКЕК, 15-июн. — Sputnik. Автоунаа айдаганда кайсы дарыларды ичпеш керектигин Россиядагы автоунаа ээлеринин укугун коргоо боюнча комитеттин жетекчилеринин бири Александр Холодов Sputnik радиосуна айтып берди.

Ал жолдо жүргөн айдоочулар дары ичерде ар бир нускаманы кылдаттык менен окуу зарылдыгын айтты. Кагазда автоунаа айдагандар туурасында жазылбаса да препараттын курамын дыкаттык менен карап чыгуу маанилүү.

"Көп дарылардын нускамасында эгерде адам автоунаа менен жүрсө ичкенге болбойт деп айтылат. Бул кишини "уктата" турган жөндөмгө ээ экендиги, тагыраагы, бир нерсеге көңүл коюуну начарлатары туурасындагы эскертүү. Курамына кодеин заты кошулган препараттарды ичип баңгизатына бар-жогун аныктаган тесттен өткөндө канда героин бар деп көрсөтүп коёт. Азыр формуласын өзгөртүп, көп дарылардан аны алып салып жатышат. Бирок мурдатан бери сактап келе жаткандар жакшылап карап туруп анан ичиш керектигин эскертээр элем", — деп түшүндүргөн Холодов.

Эксперт курамында алкоголь жана фенобарбитал бар дарыларды рулда жүргөн киши абайлап ичиши керектигин айтты. Маселен, фенобарбитал тест тапшырганда канда баңгизат бар деген жыйынтык берерин кошумчалады.

"Эң кооптуусу — корвалол. Көп учурда спирттин негизинде жасалат, эгерде жаңы эле аталган дарыны ичип алсаңыз, тест сизди мас жана баңгизат колдонгон деп чыгарып берет. Себеби курамындагы заттар анализден баңгизат сыяктуу жыйынтыкты көрсөтөт. Эгерде айдоочу корвалол ичсе, кайра рулга орто эсеп менен бир жумадан кийин отурушу керек. А негизи бул жүрөгү ооругандардын дарысы болгондуктан, автоунаа айдаш керекпи деген суроонун айланасында ойлонуш керек", — деди эксперт.

Ал кадимки квас менен кефир да ичпеген эле кишинин канынан мас деген жыйынтыкты чыгарып бериши мүмкүндүгүн, бирок бул айдоочулар үчүн тыюу салынган азыктардын деңгээлине жете электигин айтты.

31
Белгилер:
тизме, дары, анализ, мас, эксперт, айдоочу
Тема боюнча
Дарыгер диетасыз, залга барбай эле арыктоонун жолун айтты
Эрте келчү өлүмдөн кантип сактануу керек. Кардиологдун кеңеши