Жол куруу. Архив

Лейлектеги бир катар жолдорду оңдоо жана куруу иштери башталды

145
(жаңыланган 17:46 07.05.2021)
Лейлектин айылдарын байланыштырган жолдордун бир катарлары 2012-2017-жылдары салына баштап, бирок аягына толук чыкпай калганы айтылды.

БИШКЕК, 7-май — Sputnik. Баткен облусундагы Лейлек районунун аймагында Самаркандек — Мадиген — Даркум жолун куруу башталды. Бул тууралуу министрлер кабинетинин маалымат кызматынан кабарлашты.

"Маргун айылынан Даркум айылына кеткен жолду тегиздеп, оңдоо иши башталды, андан ары Самаркандек — Даркум жолу боюнча иш жүргүзүлөт", — деп айтылат маалыматта.

Самаркандек — Мадиген — Даркум автожолунун узундугу 44,1 чакырымды түзөт.

"2012-2017-жылдары бул жолду куруу иштери жүргүзүлүп, толугу менен жыйынтыкталбай калган. Андыктан азыр анын көпчүлүк тилкеси оңдолушу керек. Мындан тышкары, узундугу 10,1 чакырым Кулунду — Максат — Арка (айрым жерлеринде) жолун асфальт бетон менен жабуу үчүн инерттик материалдарды даярдоо, жол битумун жана күйүүчү-майлоочу материалдарды сатып алуу боюнча даярдык иштери башталды", — деп кабарлады маалымат кызматы.

Кыргыз-тажик чек арасындагы чырдан улам Тажикстандын кол салуусунун кесепетинен бүлүнгөн социалдык жана чарбалык объектилерди калыбына келтирүү үчүн 500 миллион сом бөлүнгөн.

145
Белгилер:
жол, Лейлек району, Баткен облусу, Кыргызстан
Тема:
Баткендеги кыргыз-тажик жаңжалы (298)
Тема боюнча
Тажикстандыктар Лейлектеги жолду оңдоону токтотту. Соңку маалымат
Ташиев: бир дагы метр жерибизди бербейбиз, Ворухка коридор ачылбайт
 Президент Садыр Жапаров бүгүн, 18-июнда, Нарын облусуна болгон иш сапарынын алкагында Нарын шаарынын тургундары менен жолугушту

Жапаров Нарын шаарынын тургундарына жолугуп, көйгөйлөрүн укту. Сүрөт

25
(жаңыланган 22:48 18.06.2021)
Президент менен кезиккен эл электр энергиясына болгон тарифтик саясат жана банктагы насыялардын жогорку пайыздагы коюмдары тууралуу оюн айткан.

БИШКЕК, 18-июн. — Sputnik. Президент Садыр Жапаров бүгүн, 18-июнда, Нарын облусуна болгон иш сапарынын алкагында Нарын шаарынын тургундары менен жолугушту. Бул тууралуу өлкө башчынын маалымат кызматы кабарлады.

  • Жители города Нарын на встрече с президентом КР Садыром Жапаровым, находящимся с рабочей поездкой в Нарынской области
    Президент Садыр Жапаров бүгүн, 18-июнда, Нарын облусуна болгон иш сапарынын алкагында Нарын шаарынын тургундары менен жолугушту
    © Пресс-служба президента КР / Султан Досалиев
  • Жители города Нарын на встрече с президентом КР Садыром Жапаровым, находящимся с рабочей поездкой в Нарынской области
    Жолугушууда жергиликтүү эл электр энергиясына болгон тарифтик саясат, социалдык жөлөкпулдар жана банктардагы насыялардын жогорку пайыздагы коюмдары тууралуу оюн айтышкан
    © Пресс-служба президента КР / Султан Досалиев
  • Президент Кыргызстана Садыр Жапаров во время встречи с жителями города Нарын в рамках рабочей поездки в Нарынскую область
    Ошондой эле миграция боюнча көйгөйлөрү жана жеке мүнөздөгү маселелери менен бөлүшүшкөн
    © Пресс-служба президента КР / Султан Досалиев
  • Жители города Нарын на встрече с президентом КР Садыром Жапаровым, находящимся с рабочей поездкой в Нарынской области
    Жапаров өлкөнүн стратегиялык максаттары менен милдеттерине дал келе турган экономикалык реформаларды жүргүзүү пландары менен бөлүшкөн.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Президент Садыр Жапаров бүгүн, 18-июнда, Нарын облусуна болгон иш сапарынын алкагында Нарын шаарынын тургундары менен жолугушту

Жолугушууда жергиликтүү эл электр энергиясына болгон тарифтик саясат, социалдык жөлөк пул жана банктагы насыялардын жогорку пайыздагы коюмдары тууралуу оюн айткан. Ошондой эле миграция боюнча көйгөйлөрү жана жеке мүнөздөгү маселелери менен бөлүшкөн.

Жапаров өлкөнүн стратегиялык максаттары менен милдеттерине дал келе турган экономикалык реформаларды жүргүзүү пландары менен бөлүшкөн.

Анын айтымында, жакында жыл сайын "Кумтөр Голд Компани" ЖАКнын эсебинен Нарын облусун өнүктүрүү фондун түзүү пландалууда. Жергиликтүү тургундардын макулдугу менен Ат-Башы районуна индустриалдык соода-логистикалык борбор курулушу мүмкүн. Анда 30 миң жаңы жумуш орундары түзүлмөкчү.

Ошондой эле президент мамлекеттик органдар менен жергиликтүү өз алдынча башкаруу органдарынын жетекчилери ишкерлерге жана инвесторлорго ар тараптуу жардам көрсөтүшү керектигин белгилеген.

Жолугушуунун жыйынтыгында Садыр Жапаров көтөрүлгөн маселелердин бардыгы көзөмөлгө алынат деп ишендирген. Аларды тез арада чечүү үчүн тиешелүү тармактык министрликтерге жана мекемелерге тапшырмалар берилген.

25
Белгилер:
көйгөй, эл, жолугушуу, Садыр Жапаров, Нарын
Тема боюнча
Жапаров "Торугарттан" жүк кантип өтүп жатканын көрдү. Сүрөттөр
Жамгыр учурунда кол чатыр менен кишилер. Архив

Ишембиге карата аба ырайы

23
(жаңыланган 21:04 18.06.2021)
19-июнга караган түнү өлкөнүн кээ бир райондорунда өткүн өтүп, бийик тоолуу райондордо кар жаайт.

БИШКЕК, 18-июн. — Sputnik. Ишембиде күндүз республиканын айрым жерлеринде өткүн өтүп, батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.

Абанын температурасы Чүйдө +30…+35, Талас облусунда +29…+34, Ош, Жалал-Абад, Баткен аймактарында +31…+36, Ысык-Көлдө +19…+24, Нарын чөлкөмүндө +16…+21 градусту түзөт.

Күндүн табы Бишкекте +33…+35, Ош шаарында +32…+34, Чолпон-Атада +19…+21 градус болуп ысыйт.

23
Белгилер:
Кыргызстан, июнь, аба ырайы
Тема боюнча
Кээ бир жерге кар жаайт. Дем алышка карата аба ырайы