Бетин жаап турган кыз. Архив

Лебединовкада ала качылды деген 25 жаштагы кыз аман-эсен табылды

188
(жаңыланган 18:31 07.05.2021)
И.К. аттуу кыз 7-май күнү болжол менен саат 16:30дар чамасында Беш-Күңгөй айылында жайгашкан үйлөрдүн биринен табылган.

БИШКЕК, 7-май — Sputnik. Аламүдүн районуна караштуу Лебединовка айылында ала качылды деген 25 жаштагы И. К. аттуу кыз аман-эсен табылды. Бул тууралуу Чүй ОИИБдин маалымат кызматы кабарлады.

Похищенная в селе Лебединовка 26-летняя Изят Курбанова
© Фото / пресс-служба ГУВД Чуйской области
Аламүдүн районуна караштуу Лебединовка айылында ала качылды деген 25 жаштагы И. К. аттуу кыз аман-эсен табылды

Билдирмеге караганда, кыз милициянын ыкчам-издөө иштеринин натыйжасында 7-май күнү болжол менен саат 16:30дар чамасында Беш-Күңгөй айылында жайгашкан үйлөрдүн биринен табылган.

"Күч түзүмдөрү кызды табуу үчүн видеокөзөмөлдүн баарын карап, анын жана шектүү баланын тааныштарын суракка алган. Ошондой эле Аламүдүн району менен Бишкектеги мейманканалардан, талаалардан, кароосуз калган үйлөрдөн да издеген", — деп айтылат маалыматта.

Учурда аны менен тергөөчүлөр иш алып барып жатканы айтылып, андан соң ата-энесине өткөрүлүп берилери кошумчаланды. Сотко чейинки өндүрүш уланууда.

Эске салсак, 6-май күнү Аламүдүн районунун Лебединовка айылында И. К. аттуу 25 жаштагы кыз уурдалганы кабарланган. Аны белгисиз адамдар автоунаага салып кеткен учур видеого да түшүп калган. Бул боюнча милицияга кыздын сиңдисинен арыз түшкөндүктөн, аталган факт бирдиктүү реестрге катталып, сотко чейинки териштирүү иштери башталган.

188
Белгилер:
Чүй облусу, Лебединовка, кыз ала качуу, милиция
Тема боюнча
Милиция Лебединовкада уурдалган кызды табууга элден жардам сурап жатат. Сүрөт
Сыркоологон кыз. Архив

Сасык тумоолоп жатканда көздү кантип сактоо керек. Офтальмологдун сунушу

2
Дарыгердин айтымында, организм ууланганда, вирус жугузуп алганда же суук тийгенде көздөр абдан кыйналат. Өзгөчө мурун бүтүп, тамак ооруп турганда көздөргө кадимкидей күч келет.

БИШКЕК, 24-сен. — Sputnik. Суук тийгизип алганда же сасык тумоолоп жатканда гаджеттерди көп колдонбой, көздү эс алдырган туура. Ошондой эле нымдоочу каражаттарды тамчылатып туруу керектигин Sputnik радиосунун эфиринде офтальмолог, медицина илимдеринин доценти Ирина Лещенко билдирди.

Дарыгердин айтымында, организм ууланганда, вирус жугузуп алганда же суук тийгенде көздөр абдан кыйналат. Өзгөчө мурун бүтүп, тамак ооруп турганда көздөргө кадимкидей күч келет.

"Кишинин ооруп жатканы сыртынан билинбесе дагы айрымдар карап туруп эле "көзүң жаман", "көзүң анча эмес" деп анын кыйналып турганын билип коюшат эмеспи. Андыктан ооруп жатканда көздү кыйнап, гаджеттерди, өтө жарык нерселерди карабай койгон туура. Ошондой эле көздү нымдап турчу каражаттарды тамчылатуу зарыл", — деди Лещенко.

Ал эми ооруганда көздөрү кызарып кеткен адамдарга кан тамырларын бекемдөө үчүн дарылануу сунушталат. Анткени көз кыйналган учурда алсыз кан тамырлар жарылып кетет.

Сөзүнүн аягында дарыгер көзгө С витамини өтө пайдалуу экенин кошумчалады.

 

2
Белгилер:
сасык тумоо, көз, оору, витамин, дарыгер
Тема боюнча
Көрбөй, укпай каласың! Министрлик тамекинин зыянын эскертти
D витаминди көп ичүүнүн кесепети кандай болорун эндокринолог айтып берди
Начар иммунитеттин алты белгиси. Буларды тоготпой коюуга болбойт
Кыргызстандын экс-президенти Аскар Акаев. Архив

Аскар Акаев Армениянын экс-президенти Левон Тер-Петросян менен жолукту

70
(жаңыланган 05:15 24.09.2021)
Өлкө башчылары 8 жылдай эки тараптуу деңгээлде жана КМШ алкагында активдүү кызматташкан. Ошондой эле экөөнү илимден саясатка келгени бириктирип турат.

БИШКЕК, 23-сен. — Sputnik. Ереванда Кыргызстандын экс-президенти Аскар Акаев менен Армениянын мурдагы өлкө башчысы Левон Тер-Петросян жолукту. Бул тууралуу Армениянын улуттук конгрессинин маалымат катчысы Арман Мусинян Facebook баракчасында билдирди.

Жолугушуу бейшемби күнү Тер-Петросяндын хан сарайында өткөн.

Акаев Ереванга Россия-Армения университетинин чакыруусу менен барган. Окуу жайдын жетекчилиги ага ардактуу доктор наамын ыйгарууну пландап жатканы айтылат. Ошондой эле өлкөнүн мурдагы башчысы бир катар лекцияларды окумакчы.

Мусинян белгилегендей, Тер-Петросян менен Акаев 8 жылдай эки тараптуу деңгээлде жана КМШ алкагында активдүү кызматташкан.

"Бөтөнчө экөө тең илимден саясатка келгени бири-бирине жакындатып турчу", — деген Мусинян.

Аскар Акаев эгемендүү Кыргызстандын алгачкы президенти. Ал 2005-жылы өлкөдөн качып, ошондон бери Москва шаарында жашап жүргөн. Анын үй-бүлө мүчөлөрүнө бир катар кылмыш иштери козголгон.

Быйыл августта 16 жылдан бери Кыргызстанга биринчи жолу келген Аскар Акаев УКМКга кирип сурак берген. Ал Кумтөр боюнча болгон чындыкты айтып берерин билдирген.

70
Белгилер:
Кыргызстан, Армения, Аскар Акаев, жолугушуу
Тема боюнча
Акаев Кумтөр боюнча сурактан кийин бүгүн Москвага учуп кетти