Апрель телеканалынын кабарчысы Канат Каниметов. Архив

Журналист Канат Каниметовго иш козголду

727
(жаңыланган 10:19 09.05.2021)
Журналист мыйзамга каршы келген иштин фигуранты болуп жатканын өзү бүгүн билгендигин айтты.

БИШКЕК, 7-май — Sputnik. "Апрель" телеканалынын кабарчысы Канат Каниметовго кылмыш иши козголду. Бул тууралуу журналист өзүнүн социалдык тармактагы баракчасына жазды.

Кабарчы бул тууралуу ИИМдин Экстремизмге жана мыйзамсыз миграцияга каршы иш алып баруу боюнча кызматынын жетекчиси Жеңиш Жоробековдун скриншот кылып жиберген маалыматынан билгенин айткан. Анда журналистке Жоруктар  кодексинин 119-бересинин ("Майда бейбаштык") негизинде иш ачылганы маалымдалган.

Каниметов анын жакындары жашаган Балыкчы шаарына милиционерлер келип, издеп, туугандары менен маектешкендигин айтып берди. Ал эми "Журналисттерди коргоо комитетинин" кызматкерлери журналист менен сүйлөшүп, кабар алган соң ИИМге сурам жиберишкендигин билдирди. Анын жыйынтыгында Чүй облусунун Аламүдүн райондук милициясынан кылмыш ишин козгоп, сотко чейинки өндүрүштү баштагандыгы боюнча маалымат келген. Бирок кабарчынын кандай, эмне болгон кылмыш жасаганы туурасында айтылган эмес.

Каниметов бул кадамды журналисттик ишмердүүлүгү менен байланыштырып, майда бейбаштык кылбагандыгын айтты.

"Мен акыркы ирет 10-класста окуп жүргөндө мушташып, анда да жеңилип калгам. Чынын айтсам, таң калып жатам", — деген ал.

Ал эми Чүй облустук милициясынан Каниметовго карата кылмыш иши козголгондугун тастыкташты.

727
Белгилер:
Кыргызстан, Канат Каниметов, журналист, кылмыш иши, милиция
Тема боюнча
Саламаттык сактоо министрине кылмыш иши козголобу? Башкы прокурордун жообу
Вакцина алып жаткан адамдар. Архив

Кыргызстанда бир суткада 17 миңден ашык адам вакцина алды

4
(жаңыланган 13:41 01.08.2021)
Жалпысынан өлкөдө 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы маалым болду.

БИШКЕК, 1-авг. — Sputnik. Кыргызстанда бир суткада 17 194 адам эмделди. Бул тууралуу Республикалык штаб кабарлады.

Билдирмеге караганда, кечээтен бери 16 722 киши коронавируска каршы вакцинанын биринчи дозасын алса, 472си экинчи дозасы менен эмделген.

Жалпысынан Кыргызстанда 450 398 адам коронавируска каршы вакцинанын биринчи дозасын алса, 116 625и экинчи дозасын сайдырганы айтылды.

Белгилей кетсек, өлкөгө AstraZeneca компаниясынын коронавируска каршы вакцинасынын 226 миң дозасы жеткирилген.

Андан мурда, тагыраагы, 11-июлда, Кыргызстанга Кытайдан Sinopharm вакцинасынын 1 миллион 250 миң дозасы алып келинип, өлкөдө калкты массалык түрдө эмдөө башталган.

4
Белгилер:
Кыргызстан, вакцина, эмдөө, коронавирус, иммунитет
Тема:
Коронавируска каршы эмдөө
Тема боюнча
Үймө-үй кыдырып эмдөөдө вакцина бузулбайбы? Адистин жообу
Мэрия: 10 киши чогулса мобилдик топ барып вакцина сайып берет
Көчөдө бараткан адам. Архив

Эксперт: COVID бир нече жылдан кийин кадимки сасык тумоодой болуп калышы мүмкүн

25
(жаңыланган 13:31 01.08.2021)
Адистин айтымында, дүйнөдө беш же 10 жылдан кийин калктын 100 пайызы, балким 99 пайызында COVID-19га антителасы пайда болот. Ошентсе да алар коронавирустун жеңил түрү менен ооруй бериши мүмкүн.

БИШКЕК, 1-авг. — Sputnik. Коронавирус бир нече жылдан кийин кадимки сасык тумоо сыяктуу болуп калышы ыктымал. Ал тургай ага антителасы барлар да ооруп, эл дартты жеңил формада көтөрүшү мүмкүн. Бул тууралуу антисептиктин формуласын ойлоп тапкан швейцариялык адис Дидье Питте РИА Новости агенттигиндеги маегинде айткан.

Ал дүйнөдө пандемияга алып келген коронавирустун бир нече түрү бар экенин айтып, бирок адамдар жуктуруп жаткан түрүнө иммунитет бала кезден эле иштелип чыгарын белгилеген.

"Биз бул вирустарды билип, иммунитет иштелип чыккан күндө деле убакыт өткөн сайын ал жеңил сасык тумоо сыяктуу болуп калат. Беш же 10 жылдан кийин калктын 100 пайызы, балким 99 пайызында COVID-19га антителасы пайда болот. Бирок анын жеңил түрү менен ооруй берет. Ал сасык тумоодой эле болуп калат", — деди ал.

Питте дүйнөдө коронавируска каршы вакцина иштелип чыкпаганда жамааттык иммунитеттин пайда болуусу үчүн 6дан 10го чейин коронавирус толкуну болушу керек эле деген ойду кошумчалаган. Ал калк канчалык көп эмделсе, дүйнө ошончо эрте кадимки жашоого кайтарын эскертип, балдарды да эмдөө керектигине токтолгон.

25
Белгилер:
коронавирус, сасык тумоо, мутация, эмдөө
Тема:
Дүйнөгө жайылган коронавирус
Тема боюнча
Дарыгер коронавирустан кийин кимдерде тромбоз пайда болорун айтты