Машыгып аткан кыз. Архивдик сүрөт

Арыктоого 20 мүнөт кетет. Кышында топтолгон салмактан арылуунун жолу айтылды

347
Арыктоо үчүн машыгууну шаардын ичинде эмес, ачык жерде, колдон келсе таза абага чыгып жасаган алда канча пайдалуу.

БИШКЕК, 10-май — Sputnik. Кышында топтогон ашыкча салмакты өтө кыйналбай жеңил көнүгүүлөр менен кетирсе болот. Бул туурасында Sputnik радиосуна диетолог-нутрициолог Арина Скоромная айтып берди.

Күндүн жылышы менен абага көп чыгып, басып, кышында аз кыймылдаганда топтолгон майларды акырындап кетирүүгө болот.

Диетолог-нутрициолог негизи адам күнүнө 20 мүнөт тез-тез басып турганы жакшы экендигин айтты.

"Өр тарапка 20 мүнөттөн бир саатка чейин чыгып келгенде өз натыйжасын берет. Себеби мындай жерге чыгып баратканда булчуңдар чыңалып, күч келет", – деп түшүндүргөн ал.

Скоромнаянын айтымында, мындай машыгууларды көчөдө эмес, ээн, ачык жерде жасаган пайдалуураак.

Шаардын ичинде баскан пайдалуу деле эмес, ал тургай зыян. Автоунаалардан чыккан таза эмес газдар көп, андыктан аба да кир. Машыгуунун таза абада болгону алда канча натыйжалуу болот. Шаарда андай көнүгүүлөрдү жасоо кан тамырдын, өпкөнүн көйгөйлөрүн көбөйтөт", – деген Скоромная.

Ал байкалбаганы менен ыш каптаган көчөгө караганда, жок дегенде фитнес-залга барууну сунуштаган.

Диетолог адам басканда буту чарчап кетпеши үчүн ыңгайлуу бут кийимге көңүл бурууну эскерткен.

347
Белгилер:
адис, кеңеш, салмак, ден соолук
Тема боюнча
Түндө жемиш жебегиле! Арыктоого жолтоо болгон терс адаттар
Төшөк кумары машыгуудай эле арыктатабы? Адистердин пикири
Көчөдө бараткан маскачан адамдар. Архив

Министрлик: Кыргызстанда коронавирустун үчүнчү толкуну байкала баштады

23
(жаңыланган 12:49 15.06.2021)
Саламаттык сактоо министрлиги жарандарды жөнөкөй санитардык нормалар менен эрежелерди сактоого чакырды.

БИШКЕК, 15-июн. — Sputnik. Кыргызстанда коронавирустун үчүнчү толкуну башталганы байкалып жатат. Бул тууралуу саламаттык сактоо министринин орун басары Жалалидин Рахматуллаев брифинг учурунда билдирди.

Анын айтымында, биринчи толкун 2020-жылдын июнь-июль айына туш келип, бир суткада 1600 адам илдет жуктурган учур болгон. Экинчи толкун октябрь-ноябрда болуп, бир сутка ичинде жуктургандардын саны 600гө жеткен.

"Учурда үчүнчү толкун байкалып жатат. Жети күндүн ичинде коронавирус жуктургандардын саны миңден ашты (1,3). Өткөн жылы Кыргызстанда "британиялык" штамм жок болчу. Үстүбүздөгү жылдын март айында Новосибирскидеги лабораторияга үлгүлөрдү жибергенбиз. Натыйжада анын 44 пайызынан "британиялык", 39 пайызынан "россиялык" жана "түштүк африкалык" (бир), "индиялык" (бир) штаммдар табылган", — деди Рахматуллаев.

Анын айтымына караганда, Бишкекте коронавирустун жайылышы республикалык көрсөткүчтөн 3,6 эсеге, Ошто 2,6 эсеге көп болуп жатат. Министрдин орун басары санитардык нормалар жакшы сакталбаса, статистика өсө турганын кошумчалады.

Рахматуллаев жарандарды эл көп топтолгон жерлерге көп барбоого чакыра кетти.

23
Белгилер:
коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Министр Бейшеналиев түнкү клубдар менен соода борборлорду жабууну сунуштады
Жалал-Абаддагы COVID: облустук оорукана толуп, күндүзгү стационарлар ачылмай болду
514 кишиден вирус табылып, алты бейтап каза болду. COVID статистикасы
Дары ичип жаткан кыз. Архив

Ичкенден кийин автоунаа айдоого болбой турган дарылардын тизмеси

35
(жаңыланган 12:26 15.06.2021)
Эксперт курамында фенобарбитал, кодеин жана алкоголу бар дарыларды рулда жүргөн киши абайлап ичиши керектигин айтты.

БИШКЕК, 15-июн. — Sputnik. Автоунаа айдаганда кайсы дарыларды ичпеш керектигин Россиядагы автоунаа ээлеринин укугун коргоо боюнча комитеттин жетекчилеринин бири Александр Холодов Sputnik радиосуна айтып берди.

Ал жолдо жүргөн айдоочулар дары ичерде ар бир нускаманы кылдаттык менен окуу зарылдыгын айтты. Кагазда автоунаа айдагандар туурасында жазылбаса да препараттын курамын дыкаттык менен карап чыгуу маанилүү.

"Көп дарылардын нускамасында эгерде адам автоунаа менен жүрсө ичкенге болбойт деп айтылат. Бул кишини "уктата" турган жөндөмгө ээ экендиги, тагыраагы, бир нерсеге көңүл коюуну начарлатары туурасындагы эскертүү. Курамына кодеин заты кошулган препараттарды ичип баңгизатына бар-жогун аныктаган тесттен өткөндө канда героин бар деп көрсөтүп коёт. Азыр формуласын өзгөртүп, көп дарылардан аны алып салып жатышат. Бирок мурдатан бери сактап келе жаткандар жакшылап карап туруп анан ичиш керектигин эскертээр элем", — деп түшүндүргөн Холодов.

Эксперт курамында алкоголь жана фенобарбитал бар дарыларды рулда жүргөн киши абайлап ичиши керектигин айтты. Маселен, фенобарбитал тест тапшырганда канда баңгизат бар деген жыйынтык берерин кошумчалады.

"Эң кооптуусу — корвалол. Көп учурда спирттин негизинде жасалат, эгерде жаңы эле аталган дарыны ичип алсаңыз, тест сизди мас жана баңгизат колдонгон деп чыгарып берет. Себеби курамындагы заттар анализден баңгизат сыяктуу жыйынтыкты көрсөтөт. Эгерде айдоочу корвалол ичсе, кайра рулга орто эсеп менен бир жумадан кийин отурушу керек. А негизи бул жүрөгү ооругандардын дарысы болгондуктан, автоунаа айдаш керекпи деген суроонун айланасында ойлонуш керек", — деди эксперт.

Ал кадимки квас менен кефир да ичпеген эле кишинин канынан мас деген жыйынтыкты чыгарып бериши мүмкүндүгүн, бирок бул айдоочулар үчүн тыюу салынган азыктардын деңгээлине жете электигин айтты.

35
Белгилер:
тизме, дары, анализ, мас, эксперт, айдоочу
Тема боюнча
Дарыгер диетасыз, залга барбай эле арыктоонун жолун айтты
Эрте келчү өлүмдөн кантип сактануу керек. Кардиологдун кеңеши
Пикир регионалдык эксперттер клубунун тең төрагасы, саясат таануучу Шерадил Бактыгулов. Архив

Бактыгулов: Россия Борбор Азияда тынчтык болушуна кызыкдар

0
"Пикир" регионалдык эксперттер клубунун тең төрагасы, саясат таануучу Шерадил Бактыгулов Россия Кыргызстанга алты ай сайын финансылык көмөк көрсөтүп турарын белгиледи.

Борбор Азияда террордук коркунуч жаралса Россия жардамдашат. Себеби алар деле аталган аймакта тынчтык болушуна кызыкдар. Мындай пикирин Шерадил Бактыгулов Sputnik Кыргызстан радиосунда маек куруп жатып билдирди.

Бактыгулов: Россия Борбор Азияда тынчтык болушуна кызыкдар

Анын айтымында, коомчулуктун айрым бөлүгү "эки өлкөнүн мамилеси сууп кетти" деген божомолу таарынычтан улам айтылууда.

"Кыргыз-тажик кандуу жаңжалынан улам коомдун айрым бөлүгүндө Россия менен Кыргызстандын мамилеси муздап калды деген божомолдор айтылууда. Чынында буга негиз жок. Себеби кыргыз-тажик жетекчилери Россиядан жаңжалды токтотууга көмөк сураса, бермек. Бирок кыргыз-тажик президенттери кандуу кагылышты эки тараптуу сүйлөшүүлөрдүн негизинде чече турганын билдирди. Мындан улам Россия өзүн нейтралдуу кармады. Чынында коомчулук Россия болушат, көмөктөшөт деп күтүп жаткан. Ошондуктан кандайдыр бир деңгээлде таарынычтан улам жогорудагыдай сөздөр айтылып жатышы ыктымал. Чынында Россия жардам берип эле келе жатат. Алсак, гуманитардык, аскердик көмөк көрсөтүп, вакцинадан каралашууда. Мындан тышкары, Россия тарабынан кыргыз бюджетине алты ай сайын каражат бөлүнөт. Анын ичинен социалдык төлөмдөр төлөнүүдө. Ошондуктан кандай жардам берилиши керектиги аныкталышы зарыл. Маселен, кыргыз мигранттары Россияда ээн-эркин иштеп жатат. Мындай жеңилдиктер башка өлкөлөргө берилген жок. Эки өлкө өнөктөштүк, шериктештик негизде кызматташууда. Алар Борбордук Азияда тынчтык болушуна кызыкдар. Учурда Афганистандын аймагында террордук топтор бар экени айтылууда. Алар коркунуч жаратып, күчүбүз жетпей калса Россияга кайрылабыз. Себеби эки өлкө кызматташат", — деди Бактыгулов.

Ошондой эле ал муктаждык жаралып кыргыз жетекчилиги Россияга кайрылса, алар өз көмөгүн бере турганын кошумчалады.

0
Белгилер:
Тажикстан, Кыргызстан, Россия, кызматташтык, Шерадил Бактыгулов
Тема боюнча
Россияда Айтматов атындагы эл аралык көк бөрү мелдеши башталды