Тажикстандын аймагында барымтага алынып, кийин кое берилген кыргызстандык жарандын денесиндеги көк ала

Барымтага алынган кыргызстандыктар боюнча Стамбул протоколу түзүлүүдө. Сүрөт

340
(жаңыланган 14:48 10.05.2021)
Кыйноолорду алдын алуу боюнча улуттук борбордун директору Бакыт Рысбековдун айтымында, айылдыктардын абалы жакшы эмес, алар ачылып сүйлөшө албай жатышат.

БИШКЕК, 10-май — Sputnik. Тажикстандын аймагында барымтага алынып, кийин кое берилген кыргызстандыктар боюнча Стамбул протоколу түзүлүп жатат. Бул тууралуу Кыргызстандагы Кыйноого каршы коалициядан билдиришти.

  • Синяки и ушиби на теле кыргызстанца побывавшего в заложниках на территории Таджикистана
    Тажикстандын аймагында барымтага алынып, кийин кое берилген кыргызстандыктар боюнча Стамбул протоколу түзүлүп жатат
    © Фото / Коалиция против пыток в Кыргызстане
  • Собрание руководства коалиции против пыток в Кыргызстане по делу пыток кыргызстанцев побывавших в заложниках на территории Таджикистана
    Маалыматка караганда, учурда эксперттер жарандардын денесиндеги тактарды карап, документке киргизип жатышат
    © Фото / Коалиция против пыток в Кыргызстане
  • Синяки и ушиби на теле кыргызстанца побывавшего в заложниках на территории Таджикистана
    Медициналык кароо жана документтештирүү Стамбул протоколунун принциптери (кыйноо жана башка адамгерчиликсиз аракеттерди документтештирүү) менен жүргүзүлүүдө.
    © Фото / Коалиция против пыток в Кыргызстане
1 / 3
© Фото / Коалиция против пыток в Кыргызстане
Тажикстандын аймагында барымтага алынып, кийин кое берилген кыргызстандыктар боюнча Стамбул протоколу түзүлүп жатат

Маалыматка караганда, учурда эксперттер жарандардын денесиндеги тактарды карап, документке киргизип жатышат. Медициналык кароо жана документтештирүү Стамбул протоколунун принциптери (кыйноо жана башка адамгерчиликсиз аракеттерди документтештирүү) менен жүргүзүлүүдө.

"Айылдыктардын абалы жакшы эмес. Ачылып сүйлөшө албай жатышат. Кризис кете элек экени сезилип турат. Биз түшүндүрүү иштерин жүргүзүп жатабыз. Себеби алардын жеке каалоосу болмоюнча биз Стамбул протоколун толтурууга адистерди чакырта албайбыз", — деди Кыйноолорду алдын алуу боюнча улуттук борбордун директору Бакыт Рысбеков.

Жалал-Абаддагы "Акыйкаттык" укук коргоочу уюмунун адвокаты Равшан Абдуллаеванын айтымында, кыргыз жарандарын Тажикстандын аскерлери уурдап кетип, аларды сабап кыйнаган. Барымтадагыларды Тажикстандын Гафуров районундагы милиция бөлүмүндөгүлөр ур-токмокко алышкан.

"Айылдыктарды уруп-тепкилеп, автомат менен башка-көзгө чапкылашкан. Мындай аракет эки сутка бою уланган. Кийин тажик тилиндеги документке кол койдуруп алышыптыр. Барымтадагылардын бири алардын тилин түшүнөт экен. Кагазда алар чек ара эрежесин бузгандыгы жөнүндө жазылганын айтты. Бирок чындыгында жарандарды Тажикстандын аймагына өздөрү күч менен алып кетишкен", — деди Абдуллаев.

Барымтадагы 10 адамдын бешөө кыргыз, бешөө өзбек этносундагы адамдар болгон.

"Стамбул протоколу толтурулгандан кийин документтерди БУУнун кыйноолорду алдын алуу боюнча комитетине өткөрүп беребиз жана бул жарандардын коопсуздугу менен ден соолугуна кам көрүүнү суранабыз", — деди Рысбеков.

Улуттук борбордун жетекчиси Стамбул протоколун толтуруу үчүн эл аралык деңгээлдеги эксперт Бермет Барыктабасова тартылганын кошумчалады.

340
Белгилер:
барымта, Тажикстан, Баткен, Кыргызстан
Тема:
Баткендеги кыргыз-тажик жаңжалы (297)
Тема боюнча
Кыргызстан Тажикстандын ИИМи менен кайгуул күзөттөрүн уюштурууну сүйлөштү
Чек ара чырынан каза болгондордун үй-бүлөсүнө 36 турак жай салына баштады
ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции

11 батир, 7 жер тилке... Бишкектин экс-вице-мэри мыйзамсыз байыган деп шектелүүдө

6
(жаңыланган 13:22 15.06.2021)
Мурдагы вице-мэр кызматта турган учурда жеке курулуш компанияларга көп кабаттуу турак жай куруу үчүн муниципалдык жер тилкелерин мыйзамсыз бергендиги айтылууда.

БИШКЕК, 15-июн. — Sputnik. Бишкек шаарынын мурдагы вице-мэри мыйзамсыз байыган деп шектелип жатат. Бул тууралуу УКМКдан билдиришти.

  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Бишкек шаарынын мурдагы вице-мэри мыйзамсыз байыган деп шектелип жатат
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Бул тууралуу УКМКдан билдиришти
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Маалыматка караганда, шаар жетекчисинин А.У.Ш. аттуу мурдагы орун басары жеке курулуш компанияларга элиталык көп кабаттуу турак жайларды куруу үчүн муниципалдык жер тилкелерин мыйзамсыз бергендиги аныкталган
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Натыйжада экс-вице-мэрдин жакын туугандарынын кирешеси кескин көбөйүп, 100 миллион сомдон ашык суммага бааланган
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    Учурда мыйзамсыз алынган мүлктүн баарын аныктоо үчүн ыкчам-тергөө иш-чаралары жүрүп жатканы айтылды
    © Фото / пресс-служба ГКНБ
  • ГКНБ опубликовал перечень предполагаемого имущества бывшего вице-мэра Бишкека А. У. Ш., который подозревается в коррупции
    А.У.Ш. деп берилген инициалдар Шаар куруу жана архитектура департаментинин суроолору боюнча вице-мэр болуп 2019-2020-жылдары иштеген Азыгалиев Уланбек Шайлообековичтин аты-жөнүнө туура келүүдө
    © Фото / пресс-служба ГКНБ
1 / 6
© Фото / пресс-служба ГКНБ
Бишкек шаарынын мурдагы вице-мэри мыйзамсыз байыган деп шектелип жатат

Маалыматка караганда, шаар жетекчисинин А.У.Ш. аттуу мурдагы орун басары жеке курулуш компанияларга элиталык көп кабаттуу турак жайларды куруу үчүн муниципалдык жер тилкелерин мыйзамсыз бергендиги аныкталган.

"Мыйзамсыз аракеттердин натыйжасында А.У.Ш. жакын туугандарына Бишкек шаарында жана Ысык-Көл облусунда 7 жер тилке, 11 кызматтык жай, 4 турак жай, 11 батир жана 10 унаа токтотуучу жай, Ысык-Көл облусунда 2 коттедж жана 5 кымбат баалуу унааны өзүнө тиешелүү адамдарга каттаткан", — деп айтылат маалыматта.

Натыйжада экс-вице-мэрдин жакын туугандарынын кирешеси кескин көбөйүп, 100 миллион сомдон ашык суммага бааланган.

Учурда мыйзамсыз алынган мүлктүн баарын аныктоо үчүн ыкчам-тергөө иш-чаралары жүрүп жатканы айтылды.

А.У.Ш. деп берилген инициалдар Шаар куруу жана архитектура департаментинин суроолору боюнча вице-мэр болуп 2019-2020-жылдары иштеген Азыгалиев Уланбек Шайлообековичтин аты-жөнүнө туура келүүдө.

6
Белгилер:
УКМК, Бишкек, мыйзамсыз, вице-мэр
Көчөдө бараткан маскачан адамдар. Архив

Министрлик: Кыргызстанда коронавирустун үчүнчү толкуну байкала баштады

47
(жаңыланган 12:49 15.06.2021)
Саламаттык сактоо министрлиги жарандарды жөнөкөй санитардык нормалар менен эрежелерди сактоого чакырды.

БИШКЕК, 15-июн. — Sputnik. Кыргызстанда коронавирустун үчүнчү толкуну башталганы байкалып жатат. Бул тууралуу саламаттык сактоо министринин орун басары Жалалидин Рахматуллаев брифинг учурунда билдирди.

Анын айтымында, биринчи толкун 2020-жылдын июнь-июль айына туш келип, бир суткада 1600 адам илдет жуктурган учур болгон. Экинчи толкун октябрь-ноябрда болуп, бир сутка ичинде жуктургандардын саны 600гө жеткен.

"Учурда үчүнчү толкун байкалып жатат. Жети күндүн ичинде коронавирус жуктургандардын саны миңден ашты (1,3). Өткөн жылы Кыргызстанда "британиялык" штамм жок болчу. Үстүбүздөгү жылдын март айында Новосибирскидеги лабораторияга үлгүлөрдү жибергенбиз. Натыйжада анын 44 пайызынан "британиялык", 39 пайызынан "россиялык" жана "түштүк африкалык" (бир), "индиялык" (бир) штаммдар табылган", — деди Рахматуллаев.

Анын айтымына караганда, Бишкекте коронавирустун жайылышы республикалык көрсөткүчтөн 3,6 эсеге, Ошто 2,6 эсеге көп болуп жатат. Министрдин орун басары санитардык нормалар жакшы сакталбаса, статистика өсө турганын кошумчалады.

Рахматуллаев жарандарды эл көп топтолгон жерлерге көп барбоого чакыра кетти.

47
Белгилер:
коронавирус, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Министр Бейшеналиев түнкү клубдар менен соода борборлорду жабууну сунуштады
Жалал-Абаддагы COVID: облустук оорукана толуп, күндүзгү стационарлар ачылмай болду
514 кишиден вирус табылып, алты бейтап каза болду. COVID статистикасы