Уурдалган унаалар кайтарылуу учурунда

Лейлекте чек ара чырында уурдалган 16 унаанын үчөө Тажикстандан кайтарылды

163
Маалыматта ар кандай үлгүдөгү он даана жеңил унаа жана Howo үлгүсүндөгү алты оор жүк ташуучу унаа уурдалганы айтылды.

БАТКЕН, 10-май — Sputnik. Лейлек районунда 28-апрель күнү кыргыз-тажик чек арасында чыккан жаңжал учурунда жалпы он алты унаа уурдалган. Бул тууралуу бүгүн, 10-май күнү, Баткен облустук ички иштер башкармалыгынын башчысынын орун басары Марат Хажиматов Максат айылында өткөн жыйын учурунда билдирди.

  • Лейлек районунда 28-апрель күнү кыргыз-тажик чек арасында чыккан жаңжал учурунда жалпы он алты унаа уурдалган
    © Фото / Зульфия Тургунова
  • Бул тууралуу бүгүн, 10-май күнү, Баткен облустук ички иштер башкармалыгынын башчысынын орун басары Марат Хажиматов Максат айылында өткөн жыйын учурунда билдирди
    © Фото / Зульфия Тургунова
1 / 2
© Фото / Зульфия Тургунова
Лейлек районунда 28-апрель күнү кыргыз-тажик чек арасында чыккан жаңжал учурунда жалпы он алты унаа уурдалган

Анын айтымында, жаңжал учурунда беш унаа күйүп, төрт унаа талкаланып, жараксыз абалга келген.

Ал эми ар кандай үлгүдөгү он даана жеңил унаа жана Howo үлгүсүндөгү алты даана оор жүк ташуучу унаа уурдалган.

"Учурда Тажикстандын күч түзүмдөрү менен сүйлөшүүлөр жүрүп, уурдалган үч унаа кайтарылды. Мындан сырткары, он үч унааны издөө жана кайтаруу иштери жүргүзүлүп жатат. Жаңжалдан соң 13 кылмыш иши козголгон. Турак жайларды өрттөө боюнча бир кылмыш иши, адам өлтүрүү боюнча да бир кылмыш иши, дагы башка жагдайлар боюнча иштер козголду", — деди Хажиматов.

Ал кошумчалагандай, чыр-чатак учурунда райондун аймагынан отуздан ашуун ири мүйүздүү мал жана алтымыштан ашуун майда жандык уурдалган.

Кыргыз-тажик чек арасында чыккан жаңжалдан кийин Лейлек районунда он бир тергөө тобу түзүлүп, 35 тергөөчү Максат, Арка жана Борбордук айылдарында иштеп жатышат.

163
Белгилер:
Максат айылы, милиция, кылмыш, өрт, Жаңжал, кыргыз-тажик чек арасы
Тема:
Баткендеги кыргыз-тажик жаңжалы (297)
Тема боюнча
Кыргызстан Тажикстандын ИИМи менен кайгуул күзөттөрүн уюштурууну сүйлөштү
Чек арадагы жаңжалдын кесепети. Баткендин жүрөктү тилген сүрөттөрү
Девушка собирается принять лекарство. Архивное фото

Ичкенден кийин автоунаа айдоого болбой турган дарылардын тизмеси

0
Эксперт курамында фенобарбитал, кодеин жана алкоголу бар дарыларды рулда жүргөн киши абайлап ичиши керектигин айтты.

БИШКЕК, 15-июн. — Sputnik. Автоунаа айдаганда кайсы дарыларды ичпеш керектигин Россиядагы автоунаа ээлеринин укугун коргоо боюнча комитеттин жетекчилеринин бири Александр Холодов Sputnik радиосуна айтып берди.

Ал жолдо жүргөн айдоочулар дары ичерде ар бир нускаманы кылдаттык менен окуу зарылдыгын айтты. Кагазда автоунаа айдагандар туурасында жазылбаса да препараттын курамын дыкаттык менен карап чыгуу маанилүү.

"Көп дарылардын нускамасында эгерде адам автоунаа менен жүрсө ичкенге болбойт деп айтылат. Бул кишини "уктата" турган жөндөмгө ээ экендиги, тагыраагы, бир нерсеге көңүл коюуну начарлатары туурасындагы эскертүү. Курамына кодеин заты кошулган препараттарды ичип баңгизатына бар-жогун аныктаган тесттен өткөндө канда героин бар деп көрсөтүп коёт. Азыр формуласын өзгөртүп, көп дарылардан аны алып салып жатышат. Бирок мурдатан бери сактап келе жаткандар жакшылап карап туруп анан ичиш керектигин эскертээр элем", — деп түшүндүргөн Холодов.

Эксперт курамында алкоголь жана фенобарбитал бар дарыларды рулда жүргөн киши абайлап ичиши керектигин айтты. Маселен, фенобарбитал тест тапшырганда канда баңгизат бар деген жыйынтык берерин кошумчалады.

"Эң кооптуусу — корвалол. Көп учурда спирттин негизинде жасалат, эгерде жаңы эле аталган дарыны ичип алсаңыз, тест сизди мас жана баңгизат колдонгон деп чыгарып берет. Себеби курамындагы заттар анализден баңгизат сыяктуу жыйынтыкты көрсөтөт. Эгерде айдоочу корвалол ичсе, кайра рулга орто эсеп менен бир жумадан кийин отурушу керек. А негизи бул жүрөгү ооругандардын дарысы болгондуктан, автоунаа айдаш керекпи деген суроонун айланасында ойлонуш керек", — деди эксперт.

Ал кадимки квас менен кефир да ичпеген эле кишинин канынан мас деген жыйынтыкты чыгарып бериши мүмкүндүгүн, бирок бул айдоочулар үчүн тыюу салынган азыктардын деңгээлине жете электигин айтты.

0
Белгилер:
тизме, дары, анализ, мас, эксперт, айдоочу
Оңдоого жабылган жол. Архивдик сүрөт

Бишкектин 36 көчөсү оңдоо үчүн жабылды. Тизме

3
(жаңыланган 12:24 15.06.2021)
Жол тыгын пайда болгон жерлерде милиция кызматкерлери иш алып барууда. Айдоочуларга альтернативдүү жолдор менен жүрүү эскертилди.

БИШКЕК, 15-июн. — Sputnik. Азыркы тапта Бишкек шаарынын 36 көчөсүндө жолдор кеңейтилип, асфальт төшөлүп, оңдоп-түзөө иштери жүрүп жаткандыктан жабылды. Бул тууралуу милициянын Кайгуул кызматынан билдиришти.

Милиция айдоочуларга барчу жерге альтернативдүү жолдор менен жүрүүнү эскертти.

Учурда жабылып турган көчөлөрдүн тизмеси:

  • Кулатов көчөсүнүн Кара-Көлдөн Фатьяновго чейинки бөлүгү;
  • Айбийке көчөсүнүн Гагаринден Эркин-Тоого чейинки бөлүгү;
  • Огонбаев көчөсүнүн Осмонкулдан Ибраимовго чейинки бөлүгү;
  • Фере көчөсүнүн Тоголок Молдодон Элебесовго чейинки бөлүгү;
  • Стадионная көчөсүнүн Түштүк магистралдан Абдрахмановго чейинки бөлүгү;
  • Будденный көчөсүнүн Чүйдөн Жибек Жолуна чейинки бөлүгү;
  • Койбагаров көчөсүнүн Жукеев-Пудовкинден Каралаевге чейинки бөлүгү;
  • Жунусалиев көчөсүнүн Абдрахмановдон Масалиевге чейинки бөлүгү;
  • Жолон көчөсүнүн Ашардан Алыкуловго чейинки бөлүгү;
  • Ажыбек Баатыр көчөсүнүн Манас проспектисинен Жунусалиевге чейинки бөлүгү;
  • Ташкентский көчөсүнүн Турусбековдон Тоголок Молдого чейинки бөлүгү;
  • Сухе Батор көчөсүнүн Каралаевден 7-Апрелге чейинки бөлүгү;
  • Көкчө-Тоо көчөсүнүн Махатма Гандиден Орозбековго чейинки бөлүгү;
  • Каркыра көчөсүнүн Өмүракуновдон Өмүр көчөсүнө чейинки бөлүгү;
  • Навая көчөсүнүн Ленинден Жеңишке чейинки бөлүгү;
  • Түгөлбай ата көчөсүнүн Орозбековдон Ибраимовго чейинки бөлүгү;
  • Логвиненко көчөсүнүн Фрунзеден Жибек Жолуна чейинки бөлүгү;
  • Култегин көчөсүнүн Гидростроителден Энесай-20 көчөсүнө чейинки бөлугү;
  • Дордой-2 көчөсүнүн Объездной көчөсүнөн №4 көчөсүнө чейинки бөлүгү;
  • Ак-Тилек көчөсүнүн Элебесовдон Дзержинский көчөсүнө чейинки бөлүгү;
  • Карасаев көчөсүнүн Байтик Баатырдан Кара-Дарыяга чейинки бөлүгү;
  • Архитектор көчөсүнүн Набережнаядан Киргизия көчөсүнө чейинки бөлүгү;
  • Дзержинский көчөсүнүн Баялиновдон Жибек Жолуна чейинки бөлүгү;
  • Руставели көчөсүнүн Ажибек Баатырдан Гагаринге чейинки бөлүгү;
  • Матрасов көчөсүнүн Ахунбаевден Горькийге чейинки бөлүгү;
  • Шералиев көчөсүнүн Ахунбаевден Масалиевге чейинки бөлүгү;
  • Турусбеков көчөсүнүн БЧК көпүрөсүнөн өткөн жери;
  • Баба-Ата көчөсүнүн Бакаевден Садырбаевге чейинки бөлүгү;
  • Чортеков көчөсүнүн Жайыл Баатырдан Абрахмановго чейинки бөлүгү;
  • Гагарин көчөсүнүн Фрунзеден Ашар көчөсүнө чейинки бөлүгү;
  • Жукеев-Пудовкин көчөсүнүн Ахунбаевден Кулатовго чейинки бөлүгү;
  • Исакеев көчөсүнүн Ауэзовдон Валихановго чейинки бөлүгү;
  • Левоневский көчөсүнүн Лев Толстойдон Асаналиевге чейинки бөлүгү;
  • Гражданская көчөсүнүн Курманжан даткадан Төрөкул Айтматовго чейинки бөлүгү;
  • Пишпек көчөсүнүн Дэн Сяопинден Жамгырчинов көчөсүнө чейинки бөлүгү.
3
Белгилер:
жол оңдоо, милиция, Бишкек
Тема боюнча
Бийлик Бишкек—Кара-Балта жолу качан оңдолуп бүтөрүн айтты