Кофе даярдоо. Архивдик сүрөт

Ачкарын эмнелерди ичпеш керек. Адистин кеңеши

307
Ашказан, ичеги оорулары менен жапа чекпегендер деле эртең менен ширеден, газдалган суудан, ичимдиктен алыс болушу шарт.

БИШКЕК, 11-май — Sputnik. Бардык адамдарга бир гана суюктукту ачкарын ичүүгө болот, ал эми калгандарына абайлап мамиле кылуу керек. Бул тууралуу медицина илимдеринин доктору, врач-диетолог Михаил Гинзбург Sputnik радиосуна айтып берген. 

Адис ири алдыда адамдын ашказанына көңүл буруу зарылдыгын айтты.

"Ачкарын сууну гана ичсе болот. Эгерде ашказан оорубаса, көк чайды сүт менен, ал тургай сүт кошулган кофени да ичсе зыяны жок. Кефир, айран ашыктык кылбайт", — деген Гинзбург.

Ал кычкыл азык ооруган ашказанга келип түшсө, ансыз да жабыркап турган былжыр челге барып тийип, оорута баштаарын айткан. Эгерде тамактан кийин болсо, кычкыл заттар зыянын ачкарын учурдагыдай тийгизе албастыгын кошумчалаган.

Ашказан, ичеги оорулары менен жапа чекпегендер деле ачкарын ширеден, газдалган суудан, компоттон, таттуу чай, ичимдиктен алыс болушу шарт. Анын айтымына караганда, адам ачка кезинде ичкен тамактар тез сиңет. Эгерде ал таттуу суусундук болсо кандын курамындагы кантты көтөрүп жиберет.

"Азыркы ширелер, ага кошумча өтө таттуулары ашказанды оорутат. Азыр жашылчадан жасалса да ага кант кошуп жүрүшөт. Андыктан шире эгерде ачкарын иче турган болсок биз ойлогондой өтө пайдалуу деле эмес. Эмнеге коңгуроо кагып жатабыз. Себеби ашказанда эч нерсе жок болгондуктан, ал ичегиге дароо эле "жетип барат" да, тез тарайт. Андыктан кант кошулган чай, компоттон эртең менен алыс болгон дурус. Ичимдиктен да күндүн бул маалында баш тарткан жакшы. Себеби мындай учурда тез сиңет да кандагы кант дароо көтөрүлүп, зат алмашуу бузулат", — деген доктор.

Адистер буга чейин эртең менен өтө кылдат болууну, тамак-аш эле эмес, башка нерселерде да абайлаш керектигин айтышкан. Адам ойгонору менен ыкчам дене тарбия көнүгүүлөрүн жасабашы керек. Мындайда дене кургап, ткандар жакшы чоюлбай калат. Адис спорт менен туура эмес машыкканда омуртканы кокустатып алуу толук ыктымал экенин эскерткен.

307
Белгилер:
диетолог, ашказан, тамак-аш, көнүгүү, ден соолук
Тема боюнча
Немец диетологдору ачкарын жегенге болбой турган азыктарды атады
Дары ичип жаткан кыз. Архив

Ичкенден кийин автоунаа айдоого болбой турган дарылардын тизмеси

22
(жаңыланган 12:26 15.06.2021)
Эксперт курамында фенобарбитал, кодеин жана алкоголу бар дарыларды рулда жүргөн киши абайлап ичиши керектигин айтты.

БИШКЕК, 15-июн. — Sputnik. Автоунаа айдаганда кайсы дарыларды ичпеш керектигин Россиядагы автоунаа ээлеринин укугун коргоо боюнча комитеттин жетекчилеринин бири Александр Холодов Sputnik радиосуна айтып берди.

Ал жолдо жүргөн айдоочулар дары ичерде ар бир нускаманы кылдаттык менен окуу зарылдыгын айтты. Кагазда автоунаа айдагандар туурасында жазылбаса да препараттын курамын дыкаттык менен карап чыгуу маанилүү.

"Көп дарылардын нускамасында эгерде адам автоунаа менен жүрсө ичкенге болбойт деп айтылат. Бул кишини "уктата" турган жөндөмгө ээ экендиги, тагыраагы, бир нерсеге көңүл коюуну начарлатары туурасындагы эскертүү. Курамына кодеин заты кошулган препараттарды ичип баңгизатына бар-жогун аныктаган тесттен өткөндө канда героин бар деп көрсөтүп коёт. Азыр формуласын өзгөртүп, көп дарылардан аны алып салып жатышат. Бирок мурдатан бери сактап келе жаткандар жакшылап карап туруп анан ичиш керектигин эскертээр элем", — деп түшүндүргөн Холодов.

Эксперт курамында алкоголь жана фенобарбитал бар дарыларды рулда жүргөн киши абайлап ичиши керектигин айтты. Маселен, фенобарбитал тест тапшырганда канда баңгизат бар деген жыйынтык берерин кошумчалады.

"Эң кооптуусу — корвалол. Көп учурда спирттин негизинде жасалат, эгерде жаңы эле аталган дарыны ичип алсаңыз, тест сизди мас жана баңгизат колдонгон деп чыгарып берет. Себеби курамындагы заттар анализден баңгизат сыяктуу жыйынтыкты көрсөтөт. Эгерде айдоочу корвалол ичсе, кайра рулга орто эсеп менен бир жумадан кийин отурушу керек. А негизи бул жүрөгү ооругандардын дарысы болгондуктан, автоунаа айдаш керекпи деген суроонун айланасында ойлонуш керек", — деди эксперт.

Ал кадимки квас менен кефир да ичпеген эле кишинин канынан мас деген жыйынтыкты чыгарып бериши мүмкүндүгүн, бирок бул айдоочулар үчүн тыюу салынган азыктардын деңгээлине жете электигин айтты.

22
Белгилер:
тизме, дары, анализ, мас, эксперт, айдоочу
Тема боюнча
Дарыгер диетасыз, залга барбай эле арыктоонун жолун айтты
Эрте келчү өлүмдөн кантип сактануу керек. Кардиологдун кеңеши
Оңдоого жабылган жол. Архивдик сүрөт

Бишкектин 36 көчөсү оңдоо үчүн жабылды. Тизме

14
(жаңыланган 12:24 15.06.2021)
Жол тыгын пайда болгон жерлерде милиция кызматкерлери иш алып барууда. Айдоочуларга альтернативдүү жолдор менен жүрүү эскертилди.

БИШКЕК, 15-июн. — Sputnik. Азыркы тапта Бишкек шаарынын 36 көчөсүндө жолдор кеңейтилип, асфальт төшөлүп, оңдоп-түзөө иштери жүрүп жаткандыктан жабылды. Бул тууралуу милициянын Кайгуул кызматынан билдиришти.

Милиция айдоочуларга барчу жерге альтернативдүү жолдор менен жүрүүнү эскертти.

Учурда жабылып турган көчөлөрдүн тизмеси:

  • Кулатов көчөсүнүн Кара-Көлдөн Фатьяновго чейинки бөлүгү;
  • Айбийке көчөсүнүн Гагаринден Эркин-Тоого чейинки бөлүгү;
  • Огонбаев көчөсүнүн Осмонкулдан Ибраимовго чейинки бөлүгү;
  • Фере көчөсүнүн Тоголок Молдодон Элебесовго чейинки бөлүгү;
  • Стадионная көчөсүнүн Түштүк магистралдан Абдрахмановго чейинки бөлүгү;
  • Будденный көчөсүнүн Чүйдөн Жибек Жолуна чейинки бөлүгү;
  • Койбагаров көчөсүнүн Жукеев-Пудовкинден Каралаевге чейинки бөлүгү;
  • Жунусалиев көчөсүнүн Абдрахмановдон Масалиевге чейинки бөлүгү;
  • Жолон көчөсүнүн Ашардан Алыкуловго чейинки бөлүгү;
  • Ажыбек Баатыр көчөсүнүн Манас проспектисинен Жунусалиевге чейинки бөлүгү;
  • Ташкентский көчөсүнүн Турусбековдон Тоголок Молдого чейинки бөлүгү;
  • Сухе Батор көчөсүнүн Каралаевден 7-Апрелге чейинки бөлүгү;
  • Көкчө-Тоо көчөсүнүн Махатма Гандиден Орозбековго чейинки бөлүгү;
  • Каркыра көчөсүнүн Өмүракуновдон Өмүр көчөсүнө чейинки бөлүгү;
  • Навая көчөсүнүн Ленинден Жеңишке чейинки бөлүгү;
  • Түгөлбай ата көчөсүнүн Орозбековдон Ибраимовго чейинки бөлүгү;
  • Логвиненко көчөсүнүн Фрунзеден Жибек Жолуна чейинки бөлүгү;
  • Култегин көчөсүнүн Гидростроителден Энесай-20 көчөсүнө чейинки бөлугү;
  • Дордой-2 көчөсүнүн Объездной көчөсүнөн №4 көчөсүнө чейинки бөлүгү;
  • Ак-Тилек көчөсүнүн Элебесовдон Дзержинский көчөсүнө чейинки бөлүгү;
  • Карасаев көчөсүнүн Байтик Баатырдан Кара-Дарыяга чейинки бөлүгү;
  • Архитектор көчөсүнүн Набережнаядан Киргизия көчөсүнө чейинки бөлүгү;
  • Дзержинский көчөсүнүн Баялиновдон Жибек Жолуна чейинки бөлүгү;
  • Руставели көчөсүнүн Ажибек Баатырдан Гагаринге чейинки бөлүгү;
  • Матрасов көчөсүнүн Ахунбаевден Горькийге чейинки бөлүгү;
  • Шералиев көчөсүнүн Ахунбаевден Масалиевге чейинки бөлүгү;
  • Турусбеков көчөсүнүн БЧК көпүрөсүнөн өткөн жери;
  • Баба-Ата көчөсүнүн Бакаевден Садырбаевге чейинки бөлүгү;
  • Чортеков көчөсүнүн Жайыл Баатырдан Абрахмановго чейинки бөлүгү;
  • Гагарин көчөсүнүн Фрунзеден Ашар көчөсүнө чейинки бөлүгү;
  • Жукеев-Пудовкин көчөсүнүн Ахунбаевден Кулатовго чейинки бөлүгү;
  • Исакеев көчөсүнүн Ауэзовдон Валихановго чейинки бөлүгү;
  • Левоневский көчөсүнүн Лев Толстойдон Асаналиевге чейинки бөлүгү;
  • Гражданская көчөсүнүн Курманжан даткадан Төрөкул Айтматовго чейинки бөлүгү;
  • Пишпек көчөсүнүн Дэн Сяопинден Жамгырчинов көчөсүнө чейинки бөлүгү.
14
Белгилер:
жол оңдоо, милиция, Бишкек
Тема боюнча
Бийлик Бишкек—Кара-Балта жолу качан оңдолуп бүтөрүн айтты
Кытай Эл Республикасынын төрагасы Си Цзиньпин. Архив

Садыр Жапаров Си Цзиньпинди туулган күнү менен куттуктады

8
(жаңыланган 12:28 15.06.2021)
Садыр Жапаров Кытай лидерин туулган күнү менен куттуктап, анын "кыраакы саясаты менен салмактуу чечимдери Кытайды эл аралык аренада алдыңкы орундарга кармап турганын" белгиледи.

БИШКЕК, 15-июн. — Sputnik. Президент Садыр Жапаров Кытай Эл Республикасынын төрагасы Си Цзиньпинди туулган күнү менен куттуктады. Бул тууралуу өлкө башчынын маалымат кызматынан билдиришти.

"Сиздин кыраакы саясатыңыздын, салмактуу чечимдериңиздин натыйжасында Кытай эл аралык аренада ишенимдүү алдыңкы орундарды ээлеп турат. Кытайдын "Бир алкак — бир жол" демилгеси дүйнө жүзүнө таанылып, ар кайсы континенттеги көптөгөн мамлекеттерди бириктирген демилгеге айланды", — деп айтылат куттуктоодо.

Мындан тышкары, Жапаров Кытай COVID-19 коронавирусуна каршы күрөшүүдө чоң ийгиликтерге жетишкенин баса белгилеп, бул жаатта Кыргызстанга көрсөткөн жардамы үчүн ыраазычылык билдирди.

Сауд Аравия падышасы Салман бин Абдель Азиз Аль Сауд. Архив
© Фото / пресс-служба правительства/ Алишер Алиев
"Кытай тарабынан Кыргызстанга көрсөтүлүп келе жаткан гуманитардык жардам үчүн чын дилимден ыраазычылык билдирем. Кыргызстан ар дайым Кытайдын достук мамилесин жана колдоосун сезип турат", — деди Жапаров.

Мамлекет башчысы кыргыз-кытай мамилелеринин бардык тармактарын өнүктүрүү боюнча конструктивдүү ишти мындан ары да улантууга даяр экенин ырастады.

Белгилей кетсек, Си Цзиньпин бүгүн, 15-июнда, 68 жашка чыкты.

8
Белгилер:
куттуктоо, Си Цзиньпинь, Кытай, Садыр Жапаров
Тема боюнча
Кытай Кыргызстанга аскердик унаа жана техника берди. Сүрөт
Кытай Кыргызстанга азык-түлүк жактан жардам кылып, грант бөлөт