Баатыр Эне ордени. Архив

Быйыл 1 335 эне президенттин колунан сыйлык алат

176
(жаңыланган 16:56 12.05.2021)
Кыргызстанда жыл сайын май айынын үчүнчү жекшембисинде Энелер күнү белгиленет. Быйыл майрамга карата 1335 аял "Баатыр эне" жана "Эне даңкы" медалдары менен сыйланмакчы.

БИШКЕК, 12-май — Sputnik. Президент Садыр Жапаров көп балалуу энелерди "Баатыр эне" ордени жана "Эне даңкы" медалы менен сыйлоо жөнүндө жарлыктарга кол койду. Бул тууралуу өлкө башчынын маалымат кызматы билдирди.

"Мамлекеттик сыйлыктар жана ардак наамдары жөнүндө" мыйзамдын 9 жана 12-беренелерине ылайык, жети жана андан көп баласы бар 819 эне "Баатыр эне" ордени, алты баласы бар жана аларды жакшы тарбиялап жаткан 516 эне "Эне даңкы" медалы менен сыйланышат.

Жарлыктар кол коюлган күндөн тартып күчүнө кирет.

Толук тизме менен КР президентинин расмий сайтынан таанышууга болот.

Энелер күнү мурдагы президент Алмазбек Атамбаевдин жарлыгы менен 2012-жылы негизделген. Бул майрам Кыргызстанда жыл сайын май айынын үчүнчү жекшембисинде белгиленет.

176
Белгилер:
'Баатыр эне', Садыр Жапаров, эне, майрам, сыйлык
Тема боюнча
Марипов 99 жаштагы ардагерге жолугуп, Жеңиш күнү менен куттуктады. Сүрөт
Такси. Архив

Бишкекке жакын жерде жүргүнчүлөр таксистке кол салып, ал бычак менен коргонгон

63
(жаңыланган 22:13 29.07.2021)
Милициянын маалыматы боюнча, эки жүргүнчү 58 жаштагы таксистке кол салган. Кийинчерээк шектүү катары 19 жана 29 жаштагы кишилер кармалган.

БИШКЕК, 29-июл. — Sputnik. Аламүдүн районунда белгисиз адамдар таксистке кол салды. Бул тууралуу Чүй ОИИБдин маалымат кызматы кабарлады.

Милицияга 58 жаштагы К.А. аттуу адам кайрылып, такси кызматында иштерин айткан.

"Алдын ала маалыматтар боюнча, 27-июлда ал "Ош" базарынан кардар салып, жүргүнчүлөр ГЭС-5 районуна жеткирүүнү суранышкан. Болжол менен саат 21:00дө такси көрсөтүлгөн жерге жеткенде автоунаанын артында отурган кардар таксистке кол салып, муунткан. Экинчиси автоунаанын ачкычы менен телефонун тартып алган. Бирок таксист автоунаасындагы бычакты алып, аны менен коргонуп, каракчылардын колунан бошонгон. Андан соң шектүүлөр качып кетишкен", — деп айтылат маалыматта.

Бул боюнча Жазык кодексинин 202-беренеси ("Каракчылык") боюнча сотко чейинки өндүрүш иштери башталып, экспертиза дайындалган.

Милиция кызматкерлери шектүүлөрдү издеп, эки адамды колго түшүргөнү маалым болду. Алар 19 жаштагы Ш.Ж. жана 29 жаштагы Б.Н. аттуу кишилер болуп чыккан.

Азыркы тапта милиция кызматкерлери кармалгандардын бул ишке тиешеси бар-жогун текшерип жатканы айтылды. Колго түшүрүлгөндөр убактылуу кармоочу жайга киргизилген. Сотко чейинки өндүрүш иши уланууда.

63
Белгилер:
милиция, бычак, кол салуу, таксист
Тема боюнча
Бишкектеги батирлердин биринен 84 жаштагы кемпирдин сөөгү табылды
Бишкекте жол кырсыгы болуп, бир киши көз жумду. Видео  
Депутаттар Бишкектеги ресторанда

Бүгүн төрага депутаттарга чай берип жатат. Ресторандан тартылган видео

1336
(жаңыланган 22:29 29.07.2021)
Быйылкы сессиянын жыйынтыкталганына байланыштуу Жогорку Кеңештин спикери сый тамак уюштурганы маалым болду.

БИШКЕК, 29-июл. — Sputnik. Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат.

ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду.

  • Один из бишкекских ресторанов, где проходит банкет депутатов после завершения внеочередной сессии. 29 июля 2021 года
    Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат
    © Sputnik / Эламан Карымшаков
  • Автомобили депутатов в одном из бишкекских ресторанов после завершения внеочередной сессии. 29 июля 2021 года
    ЖКнын VI чакырылышынын быйылкы сессиясынын жыйынтыкталганына байланыштуу спикердин сый тамак уюштурганы маалым болду
    © Sputnik / Эламан Карымшаков
1 / 2
© Sputnik / Эламан Карымшаков
Бишкек шаарындагы ресторандардын биринде Жогорку Кеңештин төрагасы Талант Мамытов депутаттарга чай берип жатат

Кабарчы жиберген кадрдан ресторандын алдына жолтандабастар толуп, депутаттар ичине кирип жатканын көрүүгө болот.

Белгилей кетсек, эл өкүлдөрү бүгүн кезексиз жыйындарын жыйынтыктап, каникулга тараган.

Мындан эки күн мурда депутаттарды президент Садыр Жапаров да сый тамакка чакырган эле.

1336
Белгилер:
сый тамак, спикер, депутат
Тема боюнча
Качып, жалтактап... Жапаровдун сый тамагына бараткан депутаттардын видеосу
ЖК депутаттары кезексиз жыйындарын аяктап, каникулга тарады