Кол кармашып турган түгөй. Архив

Сүйгөн адамыңды жек көрө баштаганда эмне кылуу керек. Адистин пикири

256
Психологдун айтымында, түгөйлөр өмүр бою сүйүүгө балкып, жомоктогудай бактылуу жашай албайт. Качандыр бир кезде кризис башталат.

БИШКЕК, 16-май — Sputnik. Аял менен эркектин ортосунда мамиле канчалык ысык болсо да бир канча убакыттан кийин ал сууп, алгачкы жек көрүү, кемчиликтерди байкоо башталат. Бул мыйзам ченемдүү көрүнүш экенин психология илимдеринин кандидаты, Москва мамлекеттик университетинин окутуучусу Лариса Овчаренко РИА Новости агенттигине берген маеги учурунда айтты.

“Эки адам бири-бирин жакшы көрүп, сүйүүгө балкый баштаганда сүйүктүүңдүн жакшы гана жактары көрүнөт. Бара-бара кемчиликтери да байкалып, кыжырлануу башталат. Психология илиминде бул процессти сепарация же бөлүнүп чыгуу деп коёт. Бул мыйзам ченемдүү көрүнүш. Мында түгөй катары калыптанып жатканда бири-биринен башка нерсенин баарына көз жумуп койгон эки киши эйфория абалынан чыгып, кайрадан өз алдынча калыптана баштайт”, — деди адис.

Бирок бул нерсе, психологдун айтымында, ажырашып кетүүгө себеп болбошу керек.

“Бул ар бир түгөйдүн башына келе турган нерсе. Мисалы, футбол дегенде ичкен ашын жерге койгон эркектин аялы театрды жакшы көрөт дейли. Анткен менен экөө бири-бирине жаккан нерселерге убактылуу болсо дагы кызыгып, кубанычын тең бөлүшүп койсо ашыкча болбойт. Адатта сепарация процесси анча көпкө созулбайт. Түгөйлөр кайра эле бири-бирине жакындап, мамилелердин жаңы, баш айланткан сүйүү менен коштолбосо дагы кызыктуу доору башталат”, — деди Овчаренко.

Мындан тышкары, адис дал ушул учурда билинип калып, ого бетер кырдаалды курчутпашы үчүн түгөйлөр мурда башынан өткөргөн негативдүү нерселерди бири-бирине ачык айтып койгону туура экенин эскертет.

256
Белгилер:
кризис, психолог, мамиле, сүйүү, эркек, аял
Тема боюнча
Төшөк кумары машыгуудай эле арыктатабы? Адистердин пикири
Кайсы тамак-аш адамды өлүмгө эрте кептеши ыктымал? Окумуштуулардын ою
Ош шаардык тез жардам кызматынын диспетчердик бөлүмүнүн кызматкери. Архив

Ошто эпидемиологиялык абал курчуй берсе шаарга чектөөлөр кирет

12
(жаңыланган 21:49 21.06.2021)
Кыргызстандын экинчи борборунда коронавирус боюнча абал оор боюнча калып жаткандыгын айткан вице-мэр элди санитардык эрежени бекем сактоого чакырды.

БИШКЕК, 21-июн. — Sputnik. Ош шаарында коронавирус боюнча кырдаал курчуса, чектөөлөр кириши мүмкүн. Бул тууралуу аталган калаанын вице-мэри Эмиль Шадыханов айткандыгын муниципалитеттин маалымат кызматынан кабарлашты.

Бүгүн, 21-июнда, Ош шаарынын мэриясында эпидемиологиялык кырдаалды жөнгө салуу боюнча штабдын кезектеги жыйыны болгон.

"Учурда Ош шаарындагы абал оор боюнча калууда. Шаардыктарды эл көп чогулган жайлардан алыс болуп турууга чакырабыз. Эгер кырдаал курчуй турган болсо чектөөлөр кириши мүмкүн. Муниципалдык ишканаларда 65 жаштан жогорку курактагы кызматкерлер аралыктан иштөөгө өтөт", — деген вице-мэр.

Ал элди санитардык эрежелерди бекем сактоого чакырды.

21-июлга карата Ош шаарында коронавируска чалдыккандардын саны 54 болгон. Маалыматта стационарларга кайрылган жарандардын саны суткасына 700гө жетип жатканы айтылды.

Кыргызстанда акыркы мезгилде коронавирус жуктургандар көбөйүп жатат. Алдыдагы эки жумада ооругандардын саны кескин көбөйө турганы божомолдонду.

12
Белгилер:
чектөө, коронавирус, Ош шаары, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бийлик кыргызстандыктарды эл көп топтолгон жерлерге барбоого чакырып жатат
Учпагандар кирбейт! Кыргызстандын аэропортторунда чектөөлөр күчөтүлдү
Автоунаалар Бишкек - ​​Ош трассасында бара жатат

Шейшембиге карата аба ырайы

10
22-июнга караган түнү өлкөнүн кээ бир райондорунда өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрге жетет.

БИШКЕК, 21-июн. — Sputnik. Шейшембиде күндүз дыйканчылык аймактарда жаан-чачын болбойт. Бул тууралуу Кыргызгидромет билдирди.

Абанын температурасы Чүйдө +24…+29, Талас облусунда +22…+27, Ош, Жалал-Абад, Баткен аймактарында +31…+36, Ысык-Көлдө +19…+24, Нарын чөлкөмүндө +18…+23 градуска жогорулайт.

Күндүн табы Бишкекте +26…+28, Ош шаарында +34…+36, Чолпон-Атада +18…+20 градус ысыйт.

10
Белгилер:
Кыргызстан, июнь, аба ырайы
Тема боюнча
Маал-маалы менен өткүн өтүп турат. Бир жумага карата аба ырайы