Адам суу ичип жатат. Архив

Ысыкта канча суу ичүү керек жана кайсы суусундук зыян. Кеп-кеңеш

845
Дарыгер стресс, улам ысып жана салкындап кетүү, өтө муздак суу организмди коронавирустун алдында алсыз кылып коерун айткан.

БИШКЕК, 19-май — Sputnik. Адам ысыкта иче турган суунун көлөмү норма менен ченелген эмес. Киши кыймылына жана көлөмүнө жараша караштырып, болжол менен бир килограммга 40 миллилитр суу ичсе болот. Бул туурасында Москванын Саламаттык сактоо департаментинин адиси Андрей Тяжельников РИА Новости агенттигине айтып берген.

Ал жайдын ысыгында кандай суусундуктарды ичиш керектигин, алардын кайсы түрү ден соолукка терс таасирин тийгизерин да эскерткен.

"Газдалган таттуу суусундуктар, ширелер суусунду кандырбайт, болгону организмге жүк болот. Андан сырткары, ичимдикти жайдын ысыгында оозго албаш керек. Себеби ал жүрөк-кан тамыр системасына оордук келтирип, денеден суюктуктун чыгып кетишин шарттайт. Арак-шарапты ысыкта ичүү саламаттыкка зыянын тийгизет", — деген адис.

Ал ысыкта ичкен суусундуктар өтө муздак болбош керектигин эскертти. Ысып турганда ичкен төмөнкү температурадагы суусундук организмди шок кылып, иммунитетти төмөндөтүп, адамдын ооруп калышына алып келерин айткан.

"Стресс, аптапта улам ысып жана салкындап кетүү, өтө муздак суу менен балмуздак организмди коронавирустун алдында алсыз кылып коет. Андыктан адам өзүн вакцина менен коргошу керек. Бул өзгөчө улгайгандарга тиешелүү", — деген Тяжельников.

Буга чейин гастроэнтеролог, диетолог жайдын ысыгында тердеп келип дароо муздак суу ичкенде организм кандай ооруларга чалдыгарын айтып берген.

845
Белгилер:
аптап, адис, кеңеш, ичимдик, балмуздак, стресс
Тема боюнча
Кайсы азыктарды муздаткычка салбаш керек? Адистин кеңеши
Дарыгер шишкебекти даярдоодо кайсы кошулмаларды пайдалануу кооптуу экенин айтты
Ички иштер министрлигинин тергөө кызматынын улук тергөөчүсү Азамат Дүйшөналиев

Дүйшөналиев: өспүрүмдөр арасында кылмыштуулук өсүүдө

4
Ички иштер министрлигинин тергөө кызматынын улук тергөөчүсү Азамат Дүйшөналиев өспүрүмдөр арасында кылмыштуулукка өп-чап турмуш себеп экенин айтты.

Социалдык жактан жакыр үй-бүлөдө жашаган балдар арасында кылмыштуулук көп катталууда. Мындай маалыматты Азамат Дүйшөналиев Sputnik Кыргызстан радиосунун эфиринде маек куруп жатып билдирди.

Дүйшөналиев: өспүрүмдөр арасында кылмыштуулук өсүүдө

Анын айтымында, социалдык көйгөйлөргө байланыштуу окуусун таштап, үй-бүлөсүнө акча табуу максатында түрдүү кылмышка баргандар арбып барат.

"Буга социалдык көйгөйлөр себеп болууда. Үй-бүлөдөгү акыбал, акчанын жетишпестиги негиз болуп, окуусун таштап, башка жумуштарда иштеп, түрдүү кылмыштарга барып жатышат. Үйүнөн качып кеткен учурлар да катталууда. Калктуу аймак болгон Бишкек жана Чүй облусунда кылмыш фактылары көп. Алардын көбү майда кылмыштар", — деди Дүйшөналиев.

Ошондой эле адис кылмыштуулукту алдын алуу үчүн мектептерде жаш өспүрүмдөр менен иштөө инспекторлору байма-бай каттап, окууларды өткөрүп жаткандыгын кошумчалады.

4
Белгилер:
Азамат Дүйшөналиев, мыйзам, тергөө, ИИМ
Тема боюнча
ИИМ экономикалык кылмыштар боюнча башкармалык түзүү зарылчылыгын айтты
Капельницалар улануу учурунда. Архив

Бишкекте тамакка ууланган адамдардын саны 300гө жетти

49
(жаңыланган 11:13 28.10.2021)
Уулануу өткөн ишембиде катталып, жабыркагандардын саны улам өсүүдө. Учурда ооруканада 31 киши дарыланып жатат, анын бешөө балдар.

БИШКЕК, 28-окт. — Sputnik. Бишкекте тамактан ууланып ооруканага кайрылгандардын саны 300гө жетти. Бул тууралуу Sputnik агенттигине Бишкек шаардык санитардык-эпидемиологиялык көзөмөл борборунун бөлүм башчысы Махамат Мурзашев билдирди.

Буга чейин кайрылгандар 253 болчу. Мурзашевдин айтымында, кечээ кечинде алардын саны 290го жетип, эртең менен 300 болду.

Учурда ооруканада 31 киши дарыланууда, анын бешөө балдар. Абалы туруктуу деп бааланууда. Бейтаптар акырындан үйүнө чыгарылып жатат. Кечээ стационарда 60 киши бар болчу.

Эске салсак, тамакка уулангандар 23-24-октябрь күндөрү ооруканага түшө баштаган. Санэпидкөзөмөл уулангандар Бишкектеги "Империя пиццы" кафесинин төрт филиалынан суши-ролл жегенин кабарлаган. 25-октябрь күнү уулангандардын саны 85ке, 26-октябрда 179га жеткен.

Белгилей кетсек, Саламаттык сактоо министрлиги 25-октябрдан тарта ууланып ооруканага кайрылган адамдардын саны боюнча маалыматтарды берип жатат. Бирок пресс-релизде жабыркагандар кайсы жерден жана кандайча ууланганы так көрсөтүлгөн эмес. Болгону "Бишкектеги массалык уулануу" деп жазылган.

Ал арада Кыргызстанда тамак-аш саткан объектилерди текшерүүгө киргизилген мораторий жокко чыгарылды.

Кафенин филиалдарынын администрациясына жалпы суммасы 30,5 миң сомдук беш протокол түзүлгөн.

49
Белгилер:
Бишкек, тамак, уулануу, бейтап
Тема:
Бишкектин кафесиндеги массалык уулануу
Тема боюнча
Кыргызстанда кайсы объектилер капилет текшерилиши мүмкүн. Тизме

"Ливерпулдун" футболчусу "чаян сокку" менен өзгөчө гол киргизди. Видео

0
(жаңыланган 12:17 28.10.2021)
Англиянын "Ливерпуль" футболдук клубунун чабуулчусу Дивок Ориги "чаян сокку" ыкмасы менен тээп, мыкты гол киргизди.

Кечээ Англия лигасынын кубогу мелдешинде "Ливерпуль" менен "Престон" клубдары беттешкен. Юрген Клопптун мерсисайддык шакирттери атаандашын 2:0 эсебинде утуп, 1/8 финалга өтүштү.

Ливерпулдуктардан голдорду япониялык Такуми Минамино жана бельгиялык Ориги киргизди.

Ориги мерсисайддык клубда негизги курамдын оюнчусу эмес. Башкы насаатчы Клопп Англиядагы эң мыкты командалардын бири болгон "Ливерпулда" футболчулар үчүн атаандаштык күч экенин айтат.

0
Белгилер:
футбол, Ливерпуль ФК, гол