Кызматкер газга туташтыруу учурунда. Архив

5 миң сомго чейин үнөмдөө. "Газпром" газга туташуу боюнча акция жарыялады

147
(жаңыланган 18:38 19.05.2021)
Чүй, Жалал-Абад, Ош жана Баткен облустарынын тургундарына көгүлтүр отко туташуу боюнча акция башталды.

БИШКЕК, 19-май — Sputnik. "Газпром Кыргызстан" ишканасы ушул жылдын 31-августуна чейин өлкөнүн бир катар аймактарында жаратылыш газына туташуу боюнча акция жарыялады. Бул тууралуу мекеменин расмий сайтында айтылат.

Аталган акция республиканын Чүй, Жалал-Абад, Ош жана Баткен облустарынын тургундарына гана тиешелүү болуп саналат.

"2021-жылдын май айынан 31-августуна чейин аталган аймактардын жашоочуларына көгүлтүр отко арзан наркта туташуу мүмкүнчүлүгү берилет. Бул үчүн "Газпром Кыргызстандын" жакын жердеги калкты тейлөө борборуна же GAZPROM KG мобилдик тиркемесине газ киргизүү боюнча арыз берүү зарыл", — деп айтылат билдирүүдө.

Жай мезгилинин аягына чейин газдаштыруу боюнча талап кылынган айрым жумуштарды компания акысыз жасап берери белгиленет. Төмөндө тизме келтирилди:

  • жеке сектордун турак үйлөрүнө техникалык шарттарды берүү (2 962 сом. Бул жерде жана мындан ары кашаанын ичинде акцияга тиешеси жок кызматтын акысы);
  • жеке сектордогу турак үйлөр үчүн тышкы газ түтүгүнүн чиймесинин эскизин бекитүү (704,48 сом);
  • жеке сектордогу турак үйлөр үчүн ички газ түтүгүнүн чиймесинин эскизин бекитүү (141,12 сом);
  • техникалык документтерди кабыл алуу, газ шаймандарынын долбоордогу жана иш жүзүндө орнотулгандыгын текшерүү;
  • жеке сектордогу турак үйдө биринчи газ шайманын пайдаланууга берүү иши (басымды текшерүү) (208,32 сом);
  • жеке сектордогу турак үйдө кийинки бардык газ шайманын пайдаланууга берүү иши (82,88 сом);
  • жеке сектордогу турак үйдүн керектөөчүлөрүн газ менен жабдуу (1247,68 сом);
  • жаңы газдаштырууда жеке сектордогу турак жайдагы баштапкы ишке киргизүүнүн наркы (389,76 сом).

"Газпром Кыргызстан" кошумчалагандай, жыйынтыгында кардар орточо үч миң сомдон беш миң сомго чейин үнөмдөйт.

147
Белгилер:
'Газпром Кыргызстан' ЖЧКсы, газ, акция, шарт
Тема боюнча
"Газпром Кыргызстан" карызын төкпөгөндөргө туум чегерет
ӨКМ кызматкери өрт өчүрүү учурунда. Архив

Кеминде май куюучу жай өрттөнүп жатабы? Видео

50
(жаңыланган 00:46 03.08.2021)
Өрт боюнча азырынча ӨКМдин маалымат кызматынан комментарий алууга мүмкүн болбой жатат. Видео социалдык тармакка жүктөлдү.

БИШКЕК, 3-авг. — Sputnik. Чүй облусунун Кемин районунда ири өрт чыкты.

Видео "Короче" Telegram каналына жарыяланды.

Күбөлөрдүн айтымында, күйүүчү май куюучу жай өрттөнүп жатат.

ӨКМдин маалымат кызматынан комментарий алууга мүмкүн болгон жок. Бирок Чүй облусунун башкармалыгынын нөөмөт бөлүмү тастыктап, эки өрт өчүрүүчү бригада чыгып кеткенин билдирди.

Алдын ала маалымат боюнча, май куйган бекеттин жанында кичи автобус күйүп жатканы тууралуу чакыруу түшкөн.

Кененирээк маалымат кийинчерээк берилерин айтышты.

50
Белгилер:
Кемин, өрт, Күйүүчү май, май куюучу бекет, ӨКМ
Тема боюнча
Беловодское айылында кичи базардан өрт чыкты. Элди чуу түшүргөн видео

Аябай бактылуу болуп турам! Акаевдин сурактан чыккандан кийинки маеги видеодо

83
Кыргызстандын тунгуч президенти Аскар Акаев Бишкекке 16 жылдан кийин кайтып келип, УКМКга сурак берди. Ал Кумтөр кенине байланышкан кылмыш иши боюнча тергөөнүн алкагында чакырылган.

Мурдагы мамлекет башчы УКМК имаратынын ичинде суракта бир нече саат отуруп чыкты. Ал чыгып бара жатып журналисттердин суроолоруна да жооп берди.

Акаев билген маалыматтарын бөлүшүүгө жана мекенине келүүгө уруксат бергени үчүн Кыргызстандын жетекчилигине ыраазычылыгын билдирди.

Ошондой эле тергөө иштери менен өлкөдө бир жума жүрүп кайра Москвага кетерин айтты. Ал эртең дагы сурак берүү үчүн УКМКга келет.

Акаев бүгүн мамлекеттик резиденцияда президент Садыр Жапаров менен жолукканын белгилеп, ага ыраазычылык айтты.

"Мен бүгүн өзүмдү абдан бактылуу сезип турам. Себеби 16 жылдан бери биринчи ирет Ата журтка, элибизге келип отурам. Кумтөр боюнча билгенимдин баарын айтып берип, өлкөгө жардам берем. УКМК төрагасына ыраазычылык билдирем, мени жакшы тосуп алып, көңүл буруу менен мамиле кылышты. Болгон чындыкты чын жүрөктөн айтуу үчүн келдим ", — деди мурдагы президент.

Буга чейин УКМКнын жетекчиси Камчыбек Ташиев "Кумтөр" долбоорун ишке киргизүүдөгү коррупция фактысы боюнча ачылган кылмыш ишинин алкагында Аскар Акаевге издөө жарыяланганын билдирген.

Ушул эле иш боюнча бир катар аткаминер, депутаттар кармалды. Анын арасында экс-президент Сооронбай Жээнбековдун иниси Асылбек Жээнбеков, мурдагы премьер-министр Өмүрбек Бабанов (кийин дарылануу үчүн чет өлкөгө чыгууга уруксат берилди) да бар.

83
Белгилер:
Аскар Акаев, кылмыш, Кумтөр, сурак, келүү
Тема боюнча
Аскар Акаев Кыргызстанга канча убакытка келгенин айтты
Аскар Акаев: Садыр Жапаров менен жолуктум, ага ыраазымын!