Чек арачыларга көмөктөшкөн өкүлдөргө курал берүү мыйзам долбоору сунушталды

© Sputnik / Табылды КадырбековКуралчан аскер. Архив
Куралчан аскер. Архив - Sputnik Кыргызстан, 1920, 19.05.2021
Жазылуу
Буга чейин Чек ара кызматынын өкүлү катары жергиликтүү тургундар жумушка алынып, маалымат берүү жагынан гана көмөктөшүп келген.
БИШКЕК, 19-май — Sputnik. Чек ара боюнча ыйгарым укуктуу өкүлдөргө курал-жарак берип, ден соолугун камсыздандыруу боюнча мыйзам долбоору коомдук талкууга коюлду.
Чек арачы мигранттардын документтерин текшерүү учурунда. Архив - Sputnik Кыргызстан, 1920, 19.05.2021
Коңшу өлкөдөн келген мигранттар Кыргызстанда патентсиз иштесе айып төлөйт
Мыйзам долбоорунда чек ара ыйгарым укуктууларынын укуругун узартууну, анын ичинде жылына эки жолу окуудан жана аскердик даярдыктан өткөрүү, ок атуучу курал колдонуу укугун берүү сунушталууда. Ошондой эле алардын өмүрүн жана саламаттыгын аскер кызматчыларынын даражасында мамлекеттик камсыздандырууга кепилдик берүү милдеттери каралат.
"Жергиликтүү аймактарды жакшы билген тургундарды тартууга муктаждык чоң экендиги чек ара тилкелериндеги акыркы окуяларда билинди. Ушуга байланыштуу аймактык бүтүндүктү, жарандарыбыздын коопсуздугун коргоо, алардын мүлкүн жана башка жашоого керектүү социалдык объектилерин сактоо боюнча чек арачылардын милдеттерин так аткарууга чек ара боюнча ыйгарым укуктуу өкүлдөр жардамчы болот. Долбоордо каралган шарттар алардын өмүрүнө жана саламаттыгына кепилдик берет", — деп жазылат документте.
Аталган демилге мамлекеттик чек араны коргоого жана көзөмөл жүргүзүүгө көмөктөшүүгө, өлкөнүн эгемендигине жана аймактык бүтүндүгүнө кол салуулардын алдын алуу жана болтурбоо үчүн иштелип чыкканы айтылат. Ошондой эле чек ара ыйгарым укуктууларына кошумча укуктарды жана кепилдиктерди берүү максатын көздөйт.
"Чек ара боюнча ыйгарым укуктуулар жөнүндө мыйзам 2015-жылдын 3-мартында кабыл алынып, КРдин чек арасын коргоого, аймактык бүтүндүгүн камсыздоого чек ара аймактарында жашаган жарандарды тартуу каралган. Алар маалымат берүү жагынан Чек ара кызматына көмөктөшүп келет. Бүгүнкү күндө өлкө боюнча 140 чек ара ыйгарым укуктуулар кызмат кылып, беш жыл аралыгында жаракат алгандар же жабыркагандар болгон эмес", — деп жазылат баяндоочу бөлүгүндө.

Чек ара боюнча ыйгарым укуктуу өкүлдөр эмне иш кылат?

Чек арачылар. Архив - Sputnik Кыргызстан, 1920, 07.05.2021
Чек арачылардын айлыгы канчага көбөйөрү айтылды

Алар чек араны кайтаруу чөйрөсүндө мамлекеттик органдын ыйгарым укуктуу өкүлү болуп саналат. Бул кызматка чек арага чектеш райондордо туруктуу негизде жашаган жана чарба иштери менен алектенген адамдар эмгек келишимдин негизинде алынат.

Чек ара ыйгарым укуктуулар барууга кыйын, алыскы жана начар корголгон тилкелерде мамлекеттик чек араны ыкчам коргоо жана чек арачыларга кызматтык-күжүрмөн тапшырмаларды аткарууда көмөктөшүү үчүн тартылат.
Жаңылыктар түрмөгү
0