Куран китебин окуп жаткан молдо. Архив

Муфтийди тандоо сынагы 21-майда өтөт. Талапкерлер белгилүү болду

405
(жаңыланган 12:29 20.05.2021)
Муфтий апрелде эле шайланышы керек болчу, бирок ар кандай текшерүүлөр жана чагымчыл аракеттерден улам тандоо жылдырылган.

БИШКЕК, 20-май — Sputnik. Кыргызстан мусулмандар дин башкармалыгынын башчысын тандоо сынагы 21-май күнү саат 14:30да өтөт. Бул тууралуу муфтияттын маалымат кызматы кабарлады.

Ага ылайык, муфтийликке алты кишинин документи талапка жооп берди:

  • Нурбек Токтогулов;
  • Султанали Гапуров;
  • Шүкүр Исмаилов;
  • Нематилла Жээнбеков;
  • Ниязали Арипов;
  • Убайдулла Сарыбаев.

Ошондой эле муфтият 22-майда Борбордук текшерүү комиссиясынын төрагасынын кызмат ордуна, ал эми 24-25-май Аалымдар кеңешинин VII чакырылышынын мүчөлүгүнө сынактар боло турганын айтты.

Ал эми муфтий, Аалымдар кеңешинин мүчөлөрү жана Борбордук текшерүү комиссиясынын төрагасы 29-майда Курултайда аймактан келген делегаттар тарабынан бекитилет.

Россия-кыргыз өнүктүрүү фондунун (РКӨФ) башкаруучулугунун төрагасы болуп дайындалган Артем Новиков. Архив
© Sputnik / Табылды Кадырбеков
Эске сала кетсек, 5-апрелде Кыргызстан мусулмандарынын кезектеги VII курултайы өтүп, муфтий кызмат ордуна, Аалымдар кеңешине жана Борбордук текшерүү комитетине өкүлдөр шайланары айтылган. Бирок 30-мартта талапкерлерди тандоо жылдырылган. Бул кызмат орундарга аттангандардын тыюу салынган диний уюмдарга тиешеси бар-жогун тактоо, айрым талапкерлердин жогорку билими боюнча документтерин кылдат текшерүү көп убакытты талап кылып жатканы менен түшүндүрүлгөн. Мындан сырткары, чагымчылдар Курултайды үзгүлтүккө учуратууга жасаган аракеттери жыйынды жылдырууга негиз болгону айтылган. 

405
Белгилер:
талапкер, шайлоо, Муфтий, Кыргызстан
Тема:
Муфтийди шайлоо (8)
Тема боюнча
Коркутуп жатышат! Аалымдар кеңеши муфтийди шайлоону эки айга жылдырды
Бишкек шаары. Архив

Шейшембиге карата аба ырайы

41
15-июнга караган түнү өлкөнүн тоолуу райондорунда күтүлүп жаткан нөшөрлүү жаан-чачынга байланыштуу сел жүрүшү ыктымал. Батыштан соккон шамалдын ылдамдыгы секундасына 4-9 метрге жетет.

БИШКЕК, 14-июн. — Sputnik. Шейшембиде күндүз кээ бир райондордо күн күркүрөп, жамгыр жаашы күтүлөт. Бул тууралуу Кыргызгидромет билдирди.

Абанын температурасы Чүй облусунда +26…+31, Талас өрөөнүндө +25…+30, Ош, Жалал-Абад, Баткен облустарында +29…+34, Ысык-Көл аймагында +21…+26, Нарында +18…+23 градуска жогорулайт.

Күндүн табы Бишкекте +29…+31, Ош шаарында +32…+34 градуска жетет.

41
Белгилер:
Кыргызстан, аба ырайы
Тема боюнча
Жамгыр жаайбы? Бир жумага карата аба ырайы

Тонналаган акыр-чикир. Түтүн каптаган Бишкектин таштанды таштоочу жайынан видео

80
(жаңыланган 20:48 14.06.2021)
Калаадан чыккан бардык акыр-чикирди алып барып төккөн Бишкектин негизги таштанды таштоочу жайынын азыркы абалы кандай? Бул туурасында Sputnik Кыргызстандын видеосунан көрүңүз.

Жакында эле мэрия таштанды полигонун рекультивациялоо жана жабуу иштери жанданганын билдирген. Көп өтпөй рекультивациялоо кайра токтоп калганы белгилүү болду. Себеби подрядчы эстониялык компания ишти аягына чыгаруу үчүн башында макулдашылган каражатка кошумча дагы 1,3 миллион евро сураган.

Аталган долбоордун жалпы наркы 22 миллион евро, келишимге 2013-жылы кол коюлуп, 2015-жылы Жогорку Кеңеш ратификациялаган. Анын алкагында жаңы полигон салынып, эски таштанды жайды жабуу жана рекультивация иштери жасалат. Азыркы таштанды талаасы түздөлүп, акырындык менен жашыл аймакка айландырылмакчы. Мындан сырткары, метанды жок кылуу жабдуусун коюу пландалган, анткени таштанды ташталган жерден метан көп чыккандыктан түтөп, өрт тутана берет.

Ал эми рекультивациялоо долбоорунун наркы 9 миллион евро. Ишти аткаруу келишимине 2017-жылы июлда кол коюлган. Буга каражатты Европа өнүктүрүү жана реконструкция банкы бөлгөн. Анын жарымы грант, калганы кредит катары берилет.

80
Белгилер:
полигон, долбоор, жабуу, таштандылар сакталган жай, таштанды, Бишкек
Тема боюнча
Бишкектин таштанды полигонун рекультивациялоо иши 14 айдан кийин жанданды
Өкмөт уулуу калдыкты казып, 106 тонна алтын алууга белсенди. Кумтөрдөн видео