Ош шаары менен Ош облусунда вакцина сайган жайлар. Тизме

© Sputnik / Владимир Песня / Медиабанкка өтүү"Спутник V" вакцинасы. Архив
Спутник V вакцинасы. Архив - Sputnik Кыргызстан, 1920, 20.05.2021
Жазылуу
Облус менен шаардагы айрым медициналык жайларда "Спутник V" вакцинасы жок экени эскертилди. Бул препарат өлкөгө саналуу өлчөмдө келген.
БИШКЕК, 20-май — Sputnik. Ош шаары менен Ош облусунун тургундары кайсы жерден коронавируска каршы препарат сайдыра алары тууралуу Саламаттык сактоо жана социалдык өнүктүрүү министрлиги маалымат берди.
Ош шаарында 12 жай даярдалган:
  • Үй-бүлөлүк медицина борборунун №1-2-3-4-5-6-7-8-9-10-11 филиалдары;
  • Ош мамлекеттик университетинин алдындагы медициналык пункт;
  • Маалыматка караганда, Спутник V вакцинасы №1 жана №10 үй-бүлөлүк медицина борборлорунда гана бар.
  • Ош облусундагылар 11 жерден вакцина ала алат:
  • Кара-Суу районундагы жалпы дарыгерлик практикалык борбору жана үй-бүлөлүк дарыгерлер борбору;
  • Араван районундагы жалпы дарыгерлик практикалык борбору жана №1 үй-бүлөлүк дарыгерлер борбору;
  • Кара-Кулжа районундагы жалпы дарыгерлик практикалык борбору;
  • Өзгөн жалпы дарыгерлик практикалык борбордо жана аймактык ооруканада;
  • Ноокат районундагы "Медигос" жана "Барын" үй-бүлөлүк медицина борборлорунда;
  • Алай районундагы жалпы дарыгерлик практикалык борбору;
  • Чоң-Алай районундагы жалпы дарыгерлик практикалык борбору;
  • Россиянын "Спутник V" вакцинасын Кара-Суу районунан, Өзгөндөгү аймактык ооруканадан жана Ноокат районундагы "Медигос" үй-бүлөлүк медицина борборлорунан сайдыруу мүмкүн.
Марттын этегинде Кыргызстанда COVID-19га каршы Кытайдын Sinopharm вакцинасы менен эмдөө башталган. Апрелдин ортосунан тарта Россиянын "Спутник V" вакцинасы келди.
Бишкекте аялга COVID-19 каршы эмдөө жүргүзүлүүдө. Архив - Sputnik Кыргызстан, 1920, 20.05.2021
Бишкекте вакцина ала турчу жайлардын жаңы тизмеси
Учурда Кыргызстан боюнча 57 миңден ашуун киши коронавирустан коргогон дары алган. Белгилей кетсек, препарат эки доза менен (аралыгы бир нече жума) сайылышы керек.
Россиялык препарат чектелүү көлөмдө келип жаткандыктан жашы 65тен өткөндөргө гана колдонулууда. Кытайдын вакцинасын каалоочулардын бардыгы алса болот. Негизинен жашы 18ге толгондорго эмдөөдөн өтүү уруксат. Ал эми кош бойлуулар жана бала эмизгендер вакцина ала албайт.
Кыргызстан боюнча вакцина сайдырууга 100дөн ашуун пункт даярдалган.
 
Жаңылыктар түрмөгү
0