Дорпер породасындагы койлор. Архив

Кыргызстанга Австралиядан 2500 долларлык 102 баш кой алып келинди. Сүрөт

285
(жаңыланган 17:51 20.05.2021)
Дорпер породасы Африка менен Англиянын койлорун аргындаштыруудан келип чыккан. Бул койдун этин май баспайт, семирбейт. Жем-чөп тандабай жей турганы айтылды.

БИШКЕК, 20-май — Sputnik. Чүй облусунун Кемин районуна Австралиядан ар бири 2500 доллар турган 102 баш кой алып келинди. Бул тууралуу Айыл, токой жана суу чарба министрлигинин маалымат кызматы кабарлады.

  • Фермеры Кеминского района Чуйской области привезли из Австралии 102 овцы породы дорпер
    Чүй облусунун Кемин районуна Австралиядан ар бири 2500 доллар турган 102 баш кой алып келинди
    © Фото / пресс-служба Министерства сельского, лесного и водного хозяйства КР
  • Фермеры Кеминского района Чуйской области привезли из Австралии 102 овцы породы дорпер
    Малды Орловка айылында жайгашкан кой өстүрүү чарбасына жеке фермерлер алып келген
    © Фото / пресс-служба Министерства сельского, лесного и водного хозяйства КР
  • Фермеры Кеминского района Чуйской области привезли из Австралии 102 овцы породы дорпер
    Дорпер породасынын териси дүйнөдөгү эң көп керектелүүчү булгаары экени жана Cape Glovers деген аталыш менен сатыла турганы кошумчаланды.
    © Фото / пресс-служба Министерства сельского, лесного и водного хозяйства КР
1 / 3
© Фото / пресс-служба Министерства сельского, лесного и водного хозяйства КР
Чүй облусунун Кемин районуна Австралиядан ар бири 2500 доллар турган 102 баш кой алып келинди

Билдирмеге ылайык, малды Орловка айылында жайгашкан кой өстүрүү чарбасына жеке фермерлер алып келген.

"Дорпер породасындагы койлор сырттан келгендиктен 30 күнгө карантинге киргизилди. Бул аралыкта алар мал доктурлардын көзөмөлүндө болот. Келечекте дагы 1000 баш кой алып келүү планда бар", — деп айтылат маалыматта.

Айыл чарба министри аталган кой өстүрүү чарбасына барып, фермерлердин жумушу менен таанышкан.

"Бул чарба бодо малды асылдандыруу жана бордоп семиртүү менен алектенсе, эми койдун Дорпер породасын көбөйтмөкчү. Аталган порода Африка менен Англия койлорунун аргындашуусунан келип чыккан. Койду май баспайт, семирбейт. Эти Абердин-ангусс породасындагы букалардын этине окшош. Атайын жем-чөп тандабайт. Бир жылда эки жолу, анан дагы көбү эгиздеп төлдөйт. Тирүү салмагы 140 килограммга чейин барат", — деп жазылат маалыматта.

Дорпер породасынын териси дүйнөдөгү эң көп керектелүүчү булгаары экени жана Cape Glovers деген аталыш менен сатыла турганы кошумчаланды.

285
Белгилер:
мал, айыл чарба, Австралия, кой
Тема боюнча
Кыргыздар качан мал багып баштаганы аныкталды! Археологдун кызыктуу маеги
Кулуну эле 100 миң сом турат! Чүйдө багылган зоот жылкылардын видеосу
Айыл, суу чарба жана аймактарды өнүктүрүү министри Аскарбек Жаныбеков. Архив

Министр: Орто-Токой суу сактагычындагы суу бир айга гана жетет

42
(жаңыланган 00:11 18.06.2021)
Министр Орто-Токой суу сактагычында 224 миң куб суу калганын айтып, сууну эл өзү билемдикке салып колдонбошу керектигин эскертти.

БИШКЕК, 17-июн. — Sputnik. Эгер суунун чыгымы азыркыдай көп болсо, анда 15-20-июлда Орто-Токой суу сактагычында суу калбай калат. Бул тууралуу айыл, суу чарба жана аймактарды өнүктүрүү министри Аскарбек Жаныбеков Жогорку Кеңештин жыйынында билдирди.  

"Орто-Токой суу сактагычында 224 миң куб суу калганын айтып коюшум керек. Эгер биз аны азыркыдай иштетсек, 15-20-июлда ал жакта суу жок калат. Суу сактагыч беш дарыядан барган суу менен толот. Быйыл нормадан 50 пайызы гана келип жатат. Кырдаалдан чыгуунун бир эле жолу бар. Ал график боюнча кезектешип сугаруу жана скважинаны иштетүү", — деди министр.  

Аткаминер эл сууну өзү билемдикке салып бөлүштүрбөшү керектигин эскертип, суу  чарбасы бөлүштүргөн графиктин негизинде гана иш алып барууну  белгиледи.  

Чүй облусундагы суу тартыштыгы дыйкандарды убайымга салды. Алардын эгин талаалары куурап, бир жылдык түшүмдөн кол жууп калуу кооптуулугу бар. Бийлик өкүлдөрү тоолордо күн жылыбай, мөңгүлөрдүн эрибей жатканы көйгөйдүн бирден-бир себеби экенин айтууда.
© Sputnik / Акылбек Батырбеков , Эмиль Садыров
"Эгер суу бөлүштүрүү боюнча график сакталса, суу баарына жетет. Суу ресурстары боюнча агенттикте 4 600 адам иштейт. Көбүнүн айлыгы 4600-4800 сом. Ага карабай бул адамдар каналда күнү-түнү иштеп, аракет кылып жатышат", — деди Жаныбеков.  

Буга чейин Суу ресурстары боюнча мамлекеттик агенттиктин жетекчисинин орун басары Абдыбай Жайлообаев июлда сугат суусу азыркыдан да тартыш болушу мүмкүн экенин божомолдогон.

42
Белгилер:
министр, бөлүштүрүү, айыл чарба, суу, Орто-Токой суу сактагычы
Тема боюнча
Сабиз менен картошканы сыртка сатууга тыюу салынат
Бийлик өкүлдөрү суу эмнеге кескин азайып кеткенин түшүндүрдү
Түнкүсүн Бишкектин борборунун көрүнүшү. Архив

Бишкектин жарымы жарыксыз калды. Энергетика министринин түшүндүрмөсү 

50
(жаңыланган 22:56 17.06.2021)
Жарык Москва, Сокулук, Панфилов, Жайыл райондорунда жана Бишкек шаары менен Токмоктун айрым бөлүктөрүндө өчкөн.

БИШКЕК, 17-июн. — Sputnik. Кыргызстанда жарык Казакстандын энергосистемасында авариялык кырдаал жаралгандыктан өчтү. Бул тууралуу "Улуттук электр түйүнү" ишканасынын маалымат кызматынын жетекчиси Элзада Саргашкаева билдирди.  

Буга чейин ордо калаанын тургундары соцтармакка жарык өчкөнүн жазышкан. Ал тургай электр жарыгы Жогорку Кеңештин имаратында да жок болгон. Анын себебин энергетика жана өнөр жай министри Доскул Баймурзаев өлкө боюнча жыштыкты жөнгө салуу жабдуусу иштеп кеткени менен түшүндүргөн.  

"Коңшу мамлекетте авария болуп, Токтогул ГЭСи былтыркыдай кырдаалды  жөнгө салды", — деди ал.  

Ишкананын маалымат кызматы саат 19:28те "Л-514 Фрунзенская-Шу" линиясында авария болгонун билдирди.  

"Борбор Азиянын бириктирилген энергосистемасы Казакстандын түндүгүндөгү бирдиктүү энергосистемадан өзүнчө бөлүнүп чыккан. Өлкө боюнча автоматтык түрдө жыштыкты жөнгө салуу жабдуусу иштеп кеткен. Саат 20:26лар чамасында "Фрунзенская-Шу" линиясы транзитке кошулуп, саат 20:55те жарык берилди", — деди Саргашкаева. 

Электр кубаты Чүйдүн Москва, Сокулук, Панфилов, Жайыл райондорунда жана Бишкек шаары менен Токмоктун айрым бөлүктөрүндө өчкөн.

50
Белгилер:
себеп, жарык өчүрүү, Казакстан, Кыргызстан
Тема боюнча
Эч кандай энергетикалык кризис жок, өчүрүү да болбойт. Министрлик үн катты
Өчүрүп чык! Электр кубаты үчүн аз акча төлөөнүн 10 жолу