Баткен облусундагы талкаланган үйүнүн жанында турган аял. Архив

Төрт банк чек арада жабыркаган тургундардын насыясын кечип, акчалай жардам берди

113
(жаңыланган 17:04 21.05.2021)
Карызы жоюлгандардын арасында көз жумган аскер кызматкери бар. Айрым адамдардын насыясы жоюлса, кээ бирине жеңилдиктер берилген.

БИШКЕК, 21-май — Sputnik. Үч коммерциялык жана бир микрокредиттик банк Баткендеги чек ара чырында жабыркаган жарандардын насыясын кечти. Бул тууралуу өкмөттүн облустагы өкүлчүлүгүнүн маалымат кызматы кабарлады.

Билдирмеге ылайык, "Компаньон" банкы 2 миллион сомдук гуманитардык жардам көрсөттү. Ошону менен катар 17 жарандын насыясын кечип, үч кишинин насыясынын пайызын төмөндөттү. Андан тышкары, банк турак үйү күйгөн адамга 25 миң сом берген.

Бишкекте мындан 24 жыл мурун 18-майда Тажикстандын президенти Эмомали Рахмон жана Бириккен тажик оппозициянын лидери Саид Абдулло Нури меморандумга жана протоколго кол койгон. Анда кыргыз тарап коңшу мамлекеттеги жарандык согушту токтотууда ортомчулук милдетти аткарган.
© Видео / Центральный государственный архив кинофотофонодокументов КР, архивный фонд президента КР
"РСК банкы" Баткен облусуна 2 миллион 284 миң сом каражат которгон. Чек арада жабыркаган сегиз аскер ушул банктан насыя алган. Анын ичинен каза болгон жоокердин карызы жоюлду, жетөөнүн насыя пайызы алты айга токтотулган.

Ошондой эле аталган банк Көк-Таш, Максат, Ак-Сай айылдарынын эли үчүн 10 миллион сом каражат бөлүп, жеңилдетилген насыя берүү чечимин кабыл алды. Насыя 12 пайыз менен үч жылдык мөөнөткө, алты ай танаписи менен жеңидетилген тартипте комиссиясыз жана күрөөсүз берилет.

"Бай-Түшүм" банкы куралдуу жаңжалда жабыркаган тогуз кишинин насыясын жойду. Атап айтканда, көз жумган эки адамдын жана турак жайы өрттөлгөн жети жарандын карызын кечүү чечимин кабыл алды.

Аны менен катар аталган банктын жамааты чек ара аймактарында жабыркаган элге 100 миң сомдон ашуун материалдык жардам көрсөттү.

"Мөл-Булак" микрокредиттик компаниясы 130 жарандын насыясын кечкен. Мунун ичинен төрт адам көз жумган. Каза болгондордун жакындарына 25 миң сомдон, жараат алгандарга 10 миң сомдон акчалай жардам көрсөтүлгөн.

Буга чейин Баткендин башчысы Абдикарим Алимбаев облуста ишмердүүлүгүн жүргүзгөн банктардын өкүлдөрү менен жолугуп, жапа чеккендердин насыясын кечүү же жеңилдик берүү боюнча мүмкүнчүлүктөрдү кароону сунуштаганы белгиленди.

113
Белгилер:
насыя, өлүм, жабыркоочулар, чыр, чек ара, Баткен
Тема:
Баткендеги кыргыз-тажик жаңжалы (299)
Тема боюнча
Чек арачыларга көмөктөшкөн өкүлдөргө курал берүү мыйзам долбоору сунушталды
Депутаттын кыргыз-тажик чек арасында абал курч деген сөзүнө УКМК жооп берди
Москвадагы эл аралык мамилелер институту. Архив

Москвадагы эл аралык мамилелер институтуна сунушталган КР жарандары. Тизме

52
(жаңыланган 00:10 25.06.2021)
Талапкерлерди министрликтин Сынактык тандап алуу боюнча комиссиясы аныктап, алардын ЖРТда алган упайы жана англис тили боюнча тестирлөөнүн жыйынтыгы эске алынган.

БИШКЕК, 24-июн. — Sputnik. КРдин Тышкы иштер министрлиги Эл аралык мамилелер боюнча Москва мамлекеттик институтуна кабыл алууга сунушталган кыргызстандыктардын тизмесин жарыялады.

Мекеменин маалымат кызматы абитуриенттерди тандоо иши Россия менен Кыргызстандын ТИМинин ортосундагы кызматташуу программасынын алкагында жүргүзүлгөндүгүн билдирди.

"Сынактык тандап алуу боюнча комиссия ЖРТнын жана англис тили боюнча тестирлөөнүн жыйынтыктарын алды. Ошондой эле тандалган багыттар боюнча эң жогорку баллга ээ болгон талапкерлердин тизмесин бекитти", — деп айтылат маалыматта.

Талапкерлердин тизмеси

Бакалавриат

  • Абдымаликова Айзада Абдымаликовна (багыты эл аралык мамилелер)
  • Чалбаев Ильдар Уланбекович (багыты эл аралык мамилелер)
  • Абылгазиева Айша Таалайбековна (багыты чет өлкөлүк аймак таануу)
  • Эрматова Саадат Сэйитбековна (багыты юриспруденция)
  • Мукаева Бермет Айдарбековна (багыты юриспруденция)
  • Маликова Дарин Маликовна (багыты экономика)

Магистратура

  • Бердиев Арген Равшанович (багыты эл аралык мамилелер)
  • Караева Айжана Мааданбековна (багыты юриспруденция).
52
Белгилер:
тизме, талапкер, Россия, Кыргызстан
Тема боюнча
МГИМО кыргызстандык абитуриенттерди кабыл алат. Шарт-талабы
Кыргызстандын 10 мыкты бүтүрүүчүсү тандап алган окуу жайлар
Россиялык университет кыргызстандык студенттерди кабыл алууда. Шарт-талабы
Вакцина алып жаткан кыз. Архив

Түркиянын вакцинасы Кыргызстанда сыналабы? Министрдин жообу

38
(жаңыланган 23:02 24.06.2021)
Түркиянын саламаттык сактоо министри Turcovac вакцинасынын үчүнчү фазадагы сыноосу Кыргызстанда өтө тургандыгын кабарлаган.

БИШКЕК, 24-июн. — Sputnik. Түркия коронавируска каршы вакцинасын үч өлкөдө сынайт, анын ичинде Кыргызстан да бар. Бул тууралуу саламаттык сактоо министри Фахреттин Кожага шилтеме кылып жергиликтүү ЖМКлар жазып чыкты. Буга чейин Түркиянын президенти Режеп Тайип Эрдоган ата мекендик вакцинанын үчүнчү фазадагы сыноосу башталгандыгын айткан.

"Үчүнчү фазадагы изилдөөгө 40 миң 800 ыктыярчы катышат. Сыноолор Венгрия, Азербайжан жана Кыргызстанда жүргүзүлөт. Биз тизмеге дагы башка мамлекеттерди кошууга аракет кылып жатабыз", — деген министр.

Бул маалымат боюнча Кыргызстандын саламаттык сактоо жана социалдык өнүктүрүү министри Алымкадыр Бейшеналиев төмөнкүлөрдү билдирди.

"Түрк тарап сунуштап жатат, бирок биз алардын шарттарын билгибиз келет. Азырынча кат алмашуу гана болууда", — деди министр.

Препарат кооптуу эмеспи деген суроого Бейшеналиев "кооптуулук болушу мүмкүн" деп жооп берди.

Ал ошондой эле ортодо эч кандай макулдашуу жок экендигин кошумчалады.

Эске сала кетсек, учурда кыргызстандыктар коронавируска каршы россиялык "Спутник V" жана кытайлык Sinopharm менен эмделип жатышат.

38
Белгилер:
сыноо, вакцина, Түркия, Кыргызстан
Тема:
Коронавируска каршы эмдөө
Тема боюнча
Акылбек Жапаров: өлкөдө элдин 0,7%ы гана вакцина алды, бул — биздин трагедия
Казак өкмөтү: Кыргызстанга вакцина берүү пландалган эмес