Абактагы адам. Архив

Активист Аспеков УКМКнын тергөө абагынан №1 тергөө абагына которулду

105
(жаңыланган 21:18 21.05.2021)
Буга чейин Facebook тармагында Аспековдун кайрылуусу жарыяланган. Анда ал азыркы өлкө башчысын экс-президенттен ири суммадагы акча алган деп айыптаган.

БИШКЕК, 21-май — Sputnik. Жарандык активист Мелис Аспеков УКМКнын тергөө абагынан Бишкектеги №1 убактылуу тергөө абагына которулду. Бул тууралуу Бишкектин Биринчи май райондук соту билдирди.

Сот бүгүн анын баш коргоо чарасын карап, 20-июлга чейин камакка алуу чечимин чыгарган.

"Кыргыз темир жолу" ишканасынын кызмат адамдарынын арызынын негизинде Мелис Аспеков менен блогер Улан Жураевди УКМК кармаган. Активисттер Финпол аркылуу текшертебиз, КТЖ жетекчилигине каршы митинг уюштурабыз деген коркутуулар менен 250 миң доллар пара талап кылганы айтылган. Жураев үй камагына чыгарылып, Аспеков камакка алынган болчу.

Аспековдун Facebook баракчасында кайрылуусу жарыяланып, анда ал азыркы мамлекет башчы Садыр Жапаров шайлоо алдындагы үгүт иштерине экс-президент Сооронбай Жээнбековдон 10 миллион доллар акча алган деп билдирген.

Президенттин администрациясы Аспековдун айткандарын  калп, курулай каралоо деп белгилеп, анын айыптоосун четке каккан.

Активисттин чуулгандуу билдирүүсү боюнча экс-президент Жээнбековдун жактоочусу да үн катып, аны сотко берерин билдирди.

Ал арада ИИМдин Тергөө кызматы Кылмыш кодексинин 192-беренеси ("Шайлоочуларды сатып алуу") боюнча  иш козгоп, сотко чейинки өндүрүштү баштаган.

105
Белгилер:
сот, тергөө абагы, Кыргызстан, Мелис Аспеков
Тема боюнча
Активист Улан Жураев прокурордун сунуштамасы менен үй камагына чыгарылды
Мелис Аспековдун чуулуу билдирүүсү. ИИМ факты боюнча иш козгоду
Бишкек шаары. Архив

Шейшембиге карата аба ырайы

51
15-июнга караган түнү өлкөнүн тоолуу райондорунда күтүлүп жаткан нөшөрлүү жаан-чачынга байланыштуу сел жүрүшү ыктымал. Батыштан соккон шамалдын ылдамдыгы секундасына 4-9 метрге жетет.

БИШКЕК, 14-июн. — Sputnik. Шейшембиде күндүз кээ бир райондордо күн күркүрөп, жамгыр жаашы күтүлөт. Бул тууралуу Кыргызгидромет билдирди.

Абанын температурасы Чүй облусунда +26…+31, Талас өрөөнүндө +25…+30, Ош, Жалал-Абад, Баткен облустарында +29…+34, Ысык-Көл аймагында +21…+26, Нарында +18…+23 градуска жогорулайт.

Күндүн табы Бишкекте +29…+31, Ош шаарында +32…+34 градуска жетет.

51
Белгилер:
Кыргызстан, аба ырайы
Тема боюнча
Жамгыр жаайбы? Бир жумага карата аба ырайы

Тонналаган акыр-чикир. Түтүн каптаган Бишкектин таштанды таштоочу жайынан видео

91
(жаңыланган 20:48 14.06.2021)
Калаадан чыккан бардык акыр-чикирди алып барып төккөн Бишкектин негизги таштанды таштоочу жайынын азыркы абалы кандай? Бул туурасында Sputnik Кыргызстандын видеосунан көрүңүз.

Жакында эле мэрия таштанды полигонун рекультивациялоо жана жабуу иштери жанданганын билдирген. Көп өтпөй рекультивациялоо кайра токтоп калганы белгилүү болду. Себеби подрядчы эстониялык компания ишти аягына чыгаруу үчүн башында макулдашылган каражатка кошумча дагы 1,3 миллион евро сураган.

Аталган долбоордун жалпы наркы 22 миллион евро, келишимге 2013-жылы кол коюлуп, 2015-жылы Жогорку Кеңеш ратификациялаган. Анын алкагында жаңы полигон салынып, эски таштанды жайды жабуу жана рекультивация иштери жасалат. Азыркы таштанды талаасы түздөлүп, акырындык менен жашыл аймакка айландырылмакчы. Мындан сырткары, метанды жок кылуу жабдуусун коюу пландалган, анткени таштанды ташталган жерден метан көп чыккандыктан түтөп, өрт тутана берет.

Ал эми рекультивациялоо долбоорунун наркы 9 миллион евро. Ишти аткаруу келишимине 2017-жылы июлда кол коюлган. Буга каражатты Европа өнүктүрүү жана реконструкция банкы бөлгөн. Анын жарымы грант, калганы кредит катары берилет.

91
Белгилер:
полигон, долбоор, жабуу, таштандылар сакталган жай, таштанды, Бишкек
Тема боюнча
Бишкектин таштанды полигонун рекультивациялоо иши 14 айдан кийин жанданды
Өкмөт уулуу калдыкты казып, 106 тонна алтын алууга белсенди. Кумтөрдөн видео