Депутат Иса Өмүркулов. Архив

Иса Өмүркуловдун уулунун велосипедчен кызды сүзүп кеткени боюнча иш жабылды

145
(жаңыланган 13:29 22.05.2021)
Жол кырсыктан жабыркаган кыз Азамат Өмүркуловго эч кандай доосу жок экенин кат түрүндө жазып берген.

БИШКЕК, 22-май — Sputnik. Жогорку Кеңештин депутаты Иса Өмүркуловдун уулу Азамат Өмүркуловго карата ачылган сотко чейинки өндүрүш иши токтотулду. Бул тууралуу Бишкек ШИИБдин маалымат кызматы кабарлады.

Эске салсак, 16-май күнү депутаттын уулу Азамат Өмүркуловдун Бишкектеги Токтоналиев менен Түштүк магистраль көчөлөрүнүн кесилишинен велосипедчен кызды сүзүп кеткени маалым болгон. Жабыркаган тараптын баш мээси чайкалып, Тез жардам кызматы менен ооруканага жеткирилген. Бирок ал ооруканага жатуудан баш тарткан.

Ал эми айдоочунун жол кырсык катталган учурда мас абалында болгону аныкталган.

"Соттук-медициналык экспертизанын жыйынтыгына ылайык, М.Ж. аттуу кыз жол кырсыктан жеңил жаракат алган. Ал кат түрүндө Азамат Өмүркуловго карата эч кандай доосу жок экенин билдирген", — деп айтылат маалыматта.

Буга байланыштуу сотко чейинки өндүрүш иши Жазык-процессуалдык кодексинин 26-беренесине ("Иш боюнча өндүрүштү жокко чыгаруучу жагдайлар") ылайык токтотулганы айтылды. Жол кыймылынын эрежелерин бузгандыгы үчүн Өмүркуловго Бузуулар кодексинин 122-123-беренелери боюнча 22 500 сом өлчөмүндө айып пул салынган.

Темир Жумакадыров каза болгон жол кырсык
© Фото / © фото очевидца, отправленное по Whats App-каналу
Белгилей кетсек, депутаттын уулу буга чейин да жол кырсыгына себепчи болгон. Анда 2011-жылдын август айында Бишкектин чыга беришиндеги айланма жолдо (Дунларов көпүрөсү) кырсык болуп, үч киши көз жумган. Трагедияга ошол учурда шаар мэри болуп турган Иса Өмүркуловдун баласы Азамат Өмүркулов күнөөлүү деп табылган. ЖМКлардын жазганы боюнча, ал катуу ылдамдык менен баратып каршы тилкеге чыгып кеткен. Ошол эле жылы ноябрь айында жабырлануучу тарап арызынан баш тартканы үчүн иш токтогон. Бирок Азамат Өмүркулов жазасын алышы керектигин айтып, өзү арыз жазган. Сот отуруму бир нече жолу жылдырылган болчу. Ошентип сот Азамат Өмүркуловду шарттуу түрдө жети жылга эркинен ажыраткан.

145
Белгилер:
Иса Өмүркулов, Азамат Өмүркулов, жол кырсык, өндүрүш, иш, милиция
Тема:
2021-жылдын башынан бери Кыргызстанда болгон жол кырсыктар (118)
Тема боюнча
Беловодское айылында кишини койдуруп, качып кеткен айдоочу кармалды
Ооруканадагы бейтап. Архив

Бир суткада коронавирус 10 адамдын өмүрүн алды

7
(жаңыланган 14:45 01.08.2021)
Азыркы тапта коронавирус аныкталган 3 759 киши ооруканаларда дарыланууда. Алардын ичинен 1 100 бейтаптын абалы оор болсо, 222синин абалы өтө оор деп бааланды.

БИШКЕК, 1-авг. — Sputnik. Өткөн суткада өлкө боюнча коронавирустан 10 бейтап көз жумду. Бул тууралуу Саламаттык сактоо жана социалдык өнүктүрүү министрлигинин маалымат кызматы кабарлады.

Каза болгондор:

  • Бишкек шаары — 5;
  • Ысык-Көл — 3;
  • Нарын — 1;
  • Жалал-Абад — 1.

Ушуну менен Кыргызстанда жалпысынан 2 335 адам дарттын курмандыгы болду.

Азыркы тапта коронавирус аныкталган 3 759 киши ооруканаларда дарыланууда. Алардын ичинен 1 100 кишинин абалы оор болсо, 222 бейтаптын абалы өтө оор деп бааланды. Бүгүнкү күндө 10 369 адам үй шартында дарыланып жатканы кошумчаланды.

7
Белгилер:
Кыргызстан, коронавирус, оору, дарт, өлүм, статистика
Тема:
Коронавируска байланыштуу Кыргызстандагы кырдаал
Тема боюнча
COVID жуктургандарга Бишкек жана Чүйдүн ооруканаларындагы бош орундар
Кыргызстанда бир суткада 17 миңден ашык адам вакцина алды
Стаканга суу алып жаткан адам. Архив

Диетолог суу тууралуу мифтерди жокко чыгарды

46
Дарыгер суу тууралуу азыр айтылып жүргөн айрым нерселерди жокко чыгарып, анын себептерин түшүндүрдү.

БИШКЕК, 1-авг. — Sputnik. Учурда суу жана анын адамдын организмине тийгизген таасири тууралуу айтылып жаткан нерселердин көпчүлүгү жөн гана миф. Бул тууралуу "Прайм" агенттигиндеги маегинде эндокринолог, диетолог Ульяна Румянцева айткан.

"Мисалы, бир күндө 2 литр суунун өзүн ичиш керек деп айтылып жүрөт. Бул туура эмес, ар кайсы организм уникалдуу, баарына 2 литр суу керек деген түшүнүк жок. Экинчиден, сөз болуп жаткан көлөм бир гана суудан турушу керектигин дагы эч ким далилдеген эмес. Ага чай, кофе, шире, шорпо кошула берет. Болгону алкоголь ичимдиги менен газдалган суусундуктарды эсептебеш керек", — деди дарыгер.

Адис логикалык жактан ойлонуп көргөндө деле элдин баарына 2 литрден суу ичүү системасы туура келбесин белгилейт. Таргыраак айтканда, эркектин организми аялдыкына караганда сууну көбүрөөк  талап кылат.

Ал эми толук адамдар учурдагы салмагына эмес, жашына жана боюна жараша идеалдуу деп эсептелген салмакка ченеп ичиши керек.

"Адам ооруп турган учурда, инфекция жуктуруп, дене табы көтөрүлгөндө болушунча көбүрөөк суу ичкени жакшы. Башка ооруларга чалдыккан учурларда ашыкча суу терс таасирин тийгизип коюшу мүмкүн", — деди диетолог.

Сөзүнүн аягында адис бардыгы индивидуалдуу экенин кошумчалады.

46
Белгилер:
суу, дарыгер, миф, ден соолук, адам, норма
Тема боюнча
Канадада жасалма уруктандыруу үчүн өз уругун пайдаланып жүргөн дарыгер кармалды