Жоогазындардын жанындагы кыз. Архив

Аптаптуу ысык башталбайбы? Бир жумага карата аба ырайы

479
Жума ичинде шаарда, дыйканчылык аймактарда күн ачык болот, ал эми тоолуу райондордо жамгыр мезгил-мезгили менен жаап турат.

БИШКЕК, 23-май — Sputnik. Кыргызгидромет агенттиги келе жаткан аптага карата аба ырайына божомол берди.

Ага ылайык, борбор калаада шаршембиге чейин күн чайыттай ачык болуп турат. Түштүк-чыгыштан соккон шамалдын ылдамдыгы секундасына 5-10 метрге жетиши күтүлөт. Бейшембиде күндүз жамгыр жаап, күн күркүрөшү мүмкүн.

Чүй облусу

26-майга чейин тоо этектеринде жана тоолуу райондордо жамгыр жаап, тоолорго кар түшөт. Ал эми өрөөндөрдө, дыйканчылык аймактарда жаан-чачын болбойт.

27-майда күндүз кээ бир райондордо жаан жаап, күн күркүрөшү, бийик тоолуу аймактарда кар жаашы күтүлөт.

Талас облусу

24-25-майда күндүз кээ бир райондордо жаан жаап, күн күркүрөшү, тоолорго кар түшүшү ыктымал. Ал эми 26-майда күн ачылат. 27-майда күндүн көзү кайрадан бузулуп, айрым аймактарда жамгыр жаайт.

Ош жана Жалал-Абад облустары

26-майга чейин тоо этектеринде жаан-чачын болот, деген менен өрөөндөрдө күн ачык турат. Ал эми 27-майда тоолуу райондордо жамгыр жаайт, дыйканчылык аймактарда жаан-чачын күтүлбөйт.

Баткен облусу

24-майда кээ бир райондордо жаан жаап, күн күркүрөшү, бийик тоолуу райондордо кар түшүшү күтүлөт. 25-майда дагы тоолордо жамгыр жаап, бирок дыйканчылык аймактарда күндүн көзү бузулбайт.

26-майда айрым аймактарда жамгыр жаап, тоолорго кар түшөт. 27-майда түнкүсүн жаан-чачын болбойт.

Ысык-Көл облусу

24-25-майда тоолуу райондордо жаан жаап, ошол эле учурда дыйканчылык аймактарда күн ачык болот.

26-27-майда күндүз кээ бир райондордо жамгыр, тоолорго кар жаайт. Бийик тоолуу райондордо жолдор тайгак болот.

Нарын облусу

24-майда күн ачык болот. Бирок эртеси, 25-майда, күндүн көзү бузулуп, кээ бир райондордо жамгыр жаашы күтүлөт.

26-27-майда күндүз кээ бир райондордо жамгыр жаап, тоолорго кар түшөт.

479
Белгилер:
аймак, күн, кар, жамгыр, тоо, аба ырайы, Кыргызстан
Тема боюнча
Күн 37 градуска чейин ысыйт. Июнга карата аба ырайы
COVID 19 үлгүлөрү менен иштеген лаборант. Архив

Өткөн суткада 822 кишиден коронавирус аныкталып, беш адам көз жумду

23
(жаңыланган 11:41 24.06.2021)
Азыркы тапта ооруканада дарыланып жаткандардын ичинен 100 бейтаптын абалы өтө оор экени айтылды. Бир суткада эле 21 медиктин коронавирус жуктуруп алганы аныкталган.

БИШКЕК, 24-июн. — Sputnik. Кечээтен бери Кыргызстанда 822 кишиден коронавирус аныкталып, 475 бейтап айыкты. Бул тууралуу Республикалык штаб кабарлады.

Жуктургандар:

  • Бишкек – 300;
  • Ош – 70;
  • Чүй облусу – 207;
  • Ош облусу – 93;
  • Талас облусу – 9;
  • Нарын облусу – 1;
  • Ысык-Көл облусу – 20;
  • Жалал-Абад облусу – 80;
  • Баткен облусу – 42.

Ушуну менен өлкөдө илдет илештиргендердин жалпы саны 118 106га жетти. Анын ичинен 106 858 киши дартты жеңген.

Айыккандар:

  • Бишкек – 183;
  • Ош шаары – 118;
  • Чүй облусу – 54;
  • Ош облусу – 70;
  • Талас облусу – 2;
  • Нарын облусу – 4;
  • Ысык-Көл облусу – 6;
  • Жалал-Абад облусу – 22;
  • Баткен облусу – 16.

Тилекке каршы, өткөн суткада дарт беш адамдын өмүрүн алды:

  • Бишкек – 3;
  • Чүй облусу – 1;
  • Ош шаары – 1.

Жалпысынан оорудан 1 958 адам каза тапты.

Азыркы тапта стационарда 2 604 бейтап дарыланууда. Анын ичинен 801 бейтап оор абалда болсо, 100 адамдын абалы өтө оор деп бааланды. Бир сутка ичинде 21 медиктен коронавирус табылганы кошумчаланды.

23
Белгилер:
стационар, бейтап, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар
Тема боюнча
Казак өкмөтү: Кыргызстанга вакцина берүү пландалган эмес
Индиялык адис: COVID-19дун "дельта-плюс" штаммы өтө тез жугат
Медициналык кызматкер иш учурунда. Архив

Военно-Антоновкадагы балдар үйүндө көз жумган өспүрүм. Эки экспертиза дайындалды

14
(жаңыланган 11:31 24.06.2021)
Чүй милициясы жакынкы күндөрү экспертизанын жыйынтыгы чыгып, натыйжада окуяга юридикалык баа берилерин айтты.

БИШКЕК, 24-июн. — Sputnik. Военно-Антоновкадагы балдар үйүндө 13 жашар Игорь Якуниндин каза болушу боюнча соттук-медициналык жана соттук-химиялык экспертиза дайындалды. Бул тууралуу Чүй ОИИББдин маалымат кызматы кабарлады.

Ага ылайык, сотко чейинки өндүрүштүн алкагында бардык тергөө иштери жүрүп жатат. Жакынкы күндөрү экспертизанын жыйынтыгы чыгып, натыйжада окуяга юридикалык баа берилмекчи.

Ишти ИИМ жетекчилиги көзөмөлгө алганы белгиленди. Бул факт боюнча материалдар Чүй милициясынын тергөө кызматында, сотко чейинки процесстер уланууда.

Эске салсак, балдар үйүнүн 13 жаштагы тарбиялануучусунун каза тапканы тууралуу маалымат мындан эки жума мурда тараган. Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынан четтетүү тууралуу кат жолдогон.

Маркумдун агасы Богдан Якунин президентке кайрылуу жолдоп, бул иштин тергелишин өзүнүн көзөмөлүнө алууну суранган. Кайрылуусунда иниси токмок жеп каза болду деген ой болуп жаткандыгын айткан.

Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди.

14
Белгилер:
Военно-Антоновка, Чүй облусу, экспертиза, милиция, өспүрүм, балдар үйү
Тема боюнча
15 жаштагы бала айдап... Ноокаттагы 6 киши көз жумган кырсыктын чоо-жайы