WhatsApp тиркемесин колдонуп жаткан адам. Архив

Эки сөз жазып койчу, сүрөтүңө ыраазымын! WhatsApp тайпадагылар жанды кашайтканда

2942
Sputnik Кыргызстан агенттиги WhatsАpp тиркемесинде көпчүлүктүн жанын эмне жана кандай адамдар кашайтарын топтоду. Тамаша-чыны аралашкан материал айрымдарына сабак болот деп ишенели.

Сүрөт жиберүү жагынан камчы салдырбагандар. 8-Март, Нооруз, Жаңы жыл, Айт, айтор кандай майрам болбосун, бул күндөрү телефонуң куттуктоодон жарылып кете жаздайт. Жүрөктөн чыгып жазылган куттуктоо болсо жакшы да. Бирөө жасап даярдап койгон гүл же башка нерсенин сүрөтү. Андайдан майрам күндөрү "туугандар", "кошуналар", "достор", "классташтар" деген тайпалардан 99у келет. Чынын айталыбы? Мындай сүрөт-куттуктоолор телефонду толтурганы эле болбосо адамдын майрамдык маанайын деле көтөрбөйт. Тескерисинче, айрымдарынын кыжырын кайнатат. Ошону жиберип убакытты коротпой чын дилден эки ооз жакшы сөз жазып коюңузчу. "Переслать" кылганды элдин баары билет.

Сүрөттөн башкасын да жибергендер. WhatsApp бири-бири менен байланышып, баарлашып, керектүү маалыматтарды алуу, бөлүшүү максатында түзүлсө керек негизи. Бирок аны жакшы түшүнбөй, өтө эле гиперактивдүү болуп кеткендер бар. Кыргызстанда болбогон, элдин башын айланткан видеолордон тарта таптакыр ал тайпага тиешеси жок нерселерди жиберип тажатышат. Бир эле жолу жиберсе да мейли, WhatsApp компаниясынан айлык алып жаткандай "иштеп" кетишет. Анан да ал видео ошол тайпада калса жакшы да. Кээ бири аны көрүп, талдап, түшүнбөй эле башкаларга салып, таратып жиберет.

Сабатсыздар. "оа", "ова", "кк", "кандайс", "дс кандай"… Бул эмне деги? Карап отуруп жазышуунун өзүнчө ариби, тили пайда болдубу деп таң каласың. Сабаты жоюлган эмес окшойт деген аргасыз ойго жетеленесиң.

Үн жөнөткөндөр. Үн билдирүү жөнөткөндөр баарына эле жага бербейт, тескерисинче, айрымдарынын жинин келтирет. Анткени аны угуу дайыма эле ыңгайлуу эмес. Айрыкча жумушта отурганда жазгандан жалкоолонгондор керектүү суроого үн менен жооп берип айланы кетиришет. Чала тааныш адамдар ортосунда сый мамилени сактоо деген түшүнүк бар. Тагыраагы, жаңы эле таанышкан, иш боюнча кайрылып жаткан адамга үн-билдирүү жөнөтүү туура эмес.

Жираф болуп калгандар. Достор, туугандар же кесиптештер бир маселени талкуулап же урушуп-талашып, акыры ымга келип отуруп калат. Бир-эки сааттын ичинде 200дөй кат алмашуу болуп кетет. Баары бүттү го деп отурсаң булуттан чыккан Айга окшоп "эмне болуп кетти, түшүндүрүп койгулачы" деп сөзсүз бирөө чыгат. Анчалык кызык болсо башынан баштап окуп алсын да.

2942
Белгилер:
сүйлөшүүлөр, тайпа, WhatsApp
Тема:
Өзүн алып жүрүүнүн эрежеси (47)
Тема боюнча
Эшикти катуу жапканда ыргып кетейин дейм! Жүргүнчүлөр кыжырды кайнатканда
Мектеп бүтүрүүчүнүн аттестаты. Архив

Эртең мектептерде аттестат бериле баштайт. Бүтүрүү кечеси болобу?

53
(жаңыланган 22:50 23.06.2021)
Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлдөө зарыл.

БИШКЕК, 23-июн. — Sputnik. Эртеңден тарта мектептерде бүтүрүүчүлөргө орто билими боюнча аттестат бериле баштайт. Бул тууралуу Билим берүү жана илим министрлигинен билдиришти.

Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлгө алышы шарт.

Мектеп жетекчилиги аттестат тапшыруу учурунда бүтүрүүчүлөрдүн өмүрү жана ден соолугу үчүн жооптуу. Коштошуу кечесин ресторан жана кафелерде өткөрүү үчүн акча чогултууга жол берилбеши керек.

53
Белгилер:
аттестат, бүтүрүүчү, мектеп, Кыргызстан
Тема боюнча
Усеналиев: "Алтын тамга" 11 жылдан бери өтүп келет
ЖРТнын жыйынтыгы менен алтын сертификат алгандар. Тизме
Медициналык кызматкер ооруканада. Архив

COVID: Республикалык штаб министрликке жаңы тапшырмаларды берди

311
(жаңыланган 21:41 23.06.2021)
Жылдыз Бакашова Республикалык штабдын кезектеги жыйынында күчөп бара жаткан абалды эске алуу менен жаңы тапшырмаларды койду.

БИШКЕК, 23-июн. — Sputnik. Министрлер кабинетинин төрагасынын орун басары Жылдыз Бакашова Республикалык ыкчам штабдын кезектеги отурумун өткөрүп, эпидемиологиялык абалды турукташтыруу, коронавирус илдети менен ооруган бейтаптарды дарылоо үчүн медициналык мекемелердин айрым корпустарын бошотуу, 118 номерлүү кызматтын ишин өркүндөтүү, амбулатордук деңгээлде диагностикалык жана дарылоо иштерин күчөтүү маселелери каралды.

Өкмөттүн маалымат кызматынан билдиргендей, жыйында коронавирус инфекциясы менен ооруган бейтаптарды аныктоо жана кайра жиберүү үчүн бөлүштүрүү пунктуларын уюштуруу, ошондой эле медициналык мекемелердин жана жеке лабораториялардын биргелешкен иши жөнүндө маселелер талкууланды.

“Эч ким былтыркы жылдагыдай экономикалык ишмердүүлүктү чектөө же жарандардын өлүмгө учуроо деңгээли боюнча сценарийдин кайталанышын каалабайт. Бардык жооптуу мамлекеттик органдар жана жергиликтүү бийлик органдары күчөтүлгөн тартипте иштөөгө өтүүлөрү зарыл. Саламаттык сактоо системасы бейтаптардын саны дагы өсүшүнө даяр болушу керек”, – деди Бакашова.

Саламаттык сактоо жана социалдык өнүктүрүү министрлигине төмөнкүлөр тапшырылды:

  • Санариптик өнүктүрүү министрлиги менен биргеликте электрондук саламаттык сактоо системасын ишке киргизүүнү, дары-дармек каражаттар жана медициналык буюмдар боюнча улуттук маалыматтар базасын, ошондой эле коронавирус оорусунан айыккан бейтаптардын бирдиктүү реестрин түзүүнү тездетсин;
  • ооруканаларда кошумча керебеттерди жайгаштырууда реанимациялык бөлүмдүн милдеттүү болуусу менен өзүнчө корпусту же имаратты бөлүү мүмкүнчүлүгүн караштырсын;
  • облустарда, Бишкек жана Ош шаарларында коронавирус менен ооруган кош бойлуу аялдарды дарылоо үчүн өз алдынча саламаттык сактоо мекемелерин, ошондой эле коронавирусту жуктуруп алган өнөкөт бөйрөк жетишсиздиги бар бейтаптарды дарылоо үчүн гемодиализ борборлорун аныктасын;
  • министрлер кабинетинин облустардагы ыйгарым укуктуу өкүлдөрү Бишкек жана Ош шаарларынын мэриялары менен биргеликте 118 номерлүү кызматтын үзгүлтүксүз иштөөсүн камсыз кылсын (зарыл болгондо кызматкерлердин санын көбөйтүү менен);
  • шаар жана облустардын аймактарында күндүзгү же күнү-түнү иштөөчү стационарларды ачуу учурунда кире бериште медициналык персоналдын тийиштүү штатын камсыз кылуу менен бөлүштүрүү зоналарын милдеттүү түрдө уюштурсун;
  • 10 күндүк мөөнөттө медициналык мекемелер менен жеке лабораториялардын ортосунда келишимдик мамилелерди түзүү жөнүндө маселени иштеп чыксын;
    вакцинациялоо темпин күчөтсүн.
311
Белгилер:
тапшырма, коронавирус, Жылдыз Бакашова, өкмөт
Тема:
Коронавируска байланыштуу Кыргызстандагы кырдаал
Тема боюнча
"Манас" аэропортундагы ПЦР-лаборатория күнү-түнү иштей баштады
Вакцинадан баш тартуу COVID-19дун организмде мутацияланышын шарттайт

Россиянын аскер учагы Кара деңизде британиялык кемени кантип токтотту. Видео

0
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

0
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?