Офисте иштеген кыз. Архивдик сүрөт

Депутаттар иш учурунда кыз-келинге асылгандарга чара көрчү мыйзам сунуштады

601
(жаңыланган 12:01 24.05.2021)
Бул документ кызматкердин жеке кол тийбестик укугун, ошондой эле сексуалдык асылуудан коргоо максатында иштелип чыкканы белгиленет.

БИШКЕК, 24-май — Sputnik. Жумуш учурунда сексуалдык асылууга тыюу салуу жана ага жоопкерчилик киргизүү боюнча мыйзам долбоору коомдук талкууга коюлду.

Демилгечилер Жогорку Кеңештин депутаттары: Айнуру Алтыбаева, Гүлшат Асылбаева, Айнура Осмонова, Евгения Строкова, Наталия Никитенко, Бурун Аманова жана Махабат Мавлянова.

Бул мыйзам долбоору кызматкердин жеке кол тийбестик укугун, ошондой эле сексуалдык асылуудан коргоо максатында иштелип чыкканы белгиленет.

  • Айнуру Алтыбаева на заседании Жогорку Кенеша 20 мая 2020 года
    Жогорку Кеңештин депутаты Айнуру Алтыбаева
    © Фото / Пресс-служба ЖК
  • Депутат от фракции Онугуу — Прогресс  Гульшат Асылбаева на заседании Жогорку Кенеша. 12 июня 2020 года
    Депутат Гүлшат Асылбаева
    © Фото / пресс-служба Жогорку Кенеша
  • Депутат ЖК от фракции СДПК Айнура Осмонова
    Депутат Айнура Осмонова
    © Фото / пресс-служба ЖК
  • Депутат ЖК 6 созыва Евгения Строкова от партии СДПК. Архивное фото
    Депутат Евгения Строкова
    © Sputnik / Табылды Кадырбеков
  • Депутат Жогорку Кенеша от фракции Ата Мекен Наталья Никитенко. Архивное фото
    Депутат Наталья Никитенко
    © Sputnik / Табылды Кадырбеков
  • Кандидат в депутаты ЖК от партии Биримдик Бурун Аманова
    Депутат Бурун Аманова
    © Фото / пресс-служба партии "Биримдик"
  • Депутат Махабат Мавлянова
    Депутат Махабат Мавлянова
1 / 7
© Фото / Пресс-служба ЖК
Жогорку Кеңештин депутаты Айнуру Алтыбаева

Маалыматтык негиздемеде "Кыргыз сот аялдары" ассоциациясы Бишкек, Кара-Балта, Ош жана Токмокто ар түрдүү кызматтагы жана ЖОЖдордогу 877 кыз-келин арасында жашыруун сурамжылоо жүргүзгөнү жазылган.

Көпчүлүгү көйгөй бар экендигин моюнга алып иштеген аялдардын 23 пайызы, студенттердин 21,9 пайызы сексуалдык асылууга дуушар болгонун айтышкан. Аны менен бирге асылуулардын 80 пайызы мамлекеттик мекемелерде болорун көрсөткөн. Буга 20 жаштан 38 жашка чейинки күйөөсү жок, катардагы кызматты ээлеген аялдар кабылган.

"Изилдөөнүн авторлору кызматтык даражасы төмөн аялдар сексуалдык асылууга көбүрөөк кабылышканын айтат. Аларга орто жана жогорку звенодогу эркек жетекчилер ыдык көрсөтөт. Натыйжада мындай көйгөйдү жоюп, күнөөлүүнү жоопко тартуу үчүн мыйзамга өзгөртүү киргизүү, ошондой эле жумуш ордунда көрүлө турган түрдүү превентивдүү чараларды колдонуу сунушталды", — деп айтылат маалыматта.

Мыйзам долбоору төмөнкү милдеттерди чечүүгө багытталган:

  • эмгек укуктук мамилелер чөйрөсүндө кысымга жана асылууга тыюу салуу;
  • кызматкерге асылууда келтирилген материалдык жана моралдык зыяндын ордун толтуруу укугун камсыз кылуу;
  • иш берүүчүнүн милдеттерине этикалык эрежелерди жана уюштуруу маданиятынын ченемдерин бекемдөөгө багытталаган актыларды кабыл алуу боюнча милдеттерди киргизүү;
  • иш берүүчүнүн милдеттерине кызматкерлерге асылууну жокко чыгаруучу шарттарды түзүү боюнча талап коюу;
  • кызматкерлерге асылуудан коргоо укуктарын берүү;
  • кызматкердин жеке кол тийбестик укугун жана асылуудан коргоо боюнча мамлекеттик ченемдик талаптарды иштеп чыгуу;
  • кызматкерге асылуу учурларын териштирүү жана эсепке алуу;
  • асылуудан улам кызматкерге келтирилген зыян үчүн жоопкерчиликти иш берүүчүгө жүктөө;
  • мамлекеттик ыйгарым укуктуу органдар жана сот тарабынан кызматкерди сексуалдык ыдык көрсөткөндөрдөн коргоо боюнча укуктук ыкмаларды киргизүү.

Азыркы мыйзамдарда асылуу болгон учурда кызматкердин укуктарын жана мыйзамдуу кызыкчылыктарын коргоого мүмкүндүк берүүчү нормалар жок экени белгиленди.

601
Белгилер:
жетекчи, укук, коргоо, аял, жумуш, сунуш, долбоор, мыйзам
Тема боюнча
Депутат Сурабалдиева ага Жогорку Кеңештен эркек киши асылганын айтты
Кыргыз таануучу: адамды билим, тарбияга сугармайын ала качуу токтобойт. Видео
Депутат Алтыбаева: ала качуу мыйзамын катаалдаштыруу каралууда
Жалал-Абадда жол кырсыктарын алдын алууга багытталган баннерлер илинди

Жалал-Абад: жол кырсыктарын алдын алуу үчүн баннерлер илинип, кеңештер айтылды

23
(жаңыланган 15:08 24.06.2021)
Облустук жол кыймылынын коопсуздугун камсыздоо бөлүмү акыркы мезгилде адам өлүмүнө алып келген жол кырсыктары көбөйгөнүн кабарлады.

БИШКЕК, 24-июн. — Sputnik. Жалал-Абадда жол кырсыктарын алдын алууга багытталган баннерлер илинди. Бул тууралуу Sputnik агенттигине облустук жол кыймылынын коопсуздугун камсыздоо бөлүмүнүн өкүлү Айбек Сатыбалдиев билдирди.

  • Установка баннеров Установка баннеров призывающих водителей к осторожной езде в Джалал-Абадской области призывающих водителей к осторожной езде
    Жалал-Абадда жол кырсыктарын алдын алууга багытталган баннерлер илинди
    © Фото / Зульфия Тургунова
  • Установка баннеров Установка баннеров призывающих водителей к осторожной езде в Джалал-Абадской области призывающих водителей к осторожной езде
    Акыркы мезгилде адам өлүмүнө алып келген жол кырсыктары көп катталып жатканы белгиленди
    © Фото / Зульфия Тургунова
  • Установка баннеров Установка баннеров призывающих водителей к осторожной езде в Джалал-Абадской области призывающих водителей к осторожной езде
    Баннерлер демөөрчүлөр менен биргеликте илинди
    © Фото / Зульфия Тургунова
  • Установка баннеров Установка баннеров призывающих водителей к осторожной езде в Джалал-Абадской области призывающих водителей к осторожной езде
    Ошондой эле Жалал-Абаддын ЖКККБсы айдоочуларды жол кыймылынын эрежелерин так сактап жүрүүгө чакыруу менен бир катар кеңештерди берди: рулга отургандан кийин коопсуздук курун тагыныңыз жана жүргүнчүлөр да байлаганын текшериңиз.
    © Фото / Зульфия Тургунова
1 / 4
© Фото / Зульфия Тургунова
Жалал-Абадда жол кырсыктарын алдын алууга багытталган баннерлер илинди

Акыркы мезгилде адам өлүмүнө алып келген жол кырсыктары көп катталып жатканы белгиленди. Баннерлер демөөрчүлөр менен биргеликте илинди. Ошондой эле Жалал-Абаддын ЖКККБсы айдоочуларды жол кыймылынын эрежелерин так сактап жүрүүгө чакыруу менен бир катар кеңештерди берди: рулга отургандан кийин коопсуздук курун тагыныңыз жана жүргүнчүлөр да байлаганын текшериңиз.

  • Кичинекей балдарды бою, салмагына жараша атайын ылайыкташтырылган олтургучка отургузуңуз;
  • ылдамдыктын чегин билип, аралыкты сактаңыз. Бул эрежелерди унутуу далай каргашага алып келерин статистика да көрсөтүүдө;
  • чарчап же өзүңүздү жаман сезип жатсаңыз рулга отурбаңыз. Ошондой эле ичимдик ичип алып автоунаа айдайм деп такыр ойлобоңуз, кесепети чоң;
  • унааны абайлап, эч нерсеге алаксыбай кылдаттык менен айдаңыз. Уюлдук телефон менен рулда баратып сүйлөшпөңүз;
  • жолду карап тыюу салынган аймактарга, жерлерге көңүл буруңуз;
  • унааңыздын техникалык абалына көз салыңыз, мүчүлүштүктөр болсо рулду башкарбаңыз;
  • автоунааңыздын ичинде биринчи жардам кутучасы (аптечка), караңгыда чагылышып турган жилет жана өрт өчүргүч болгону жакшы;
  • жөө жүрүүчүлөр өтүүчү жол кооптуу жер экендигин унутпаңыз. Мындай жакка жакындаганда айдоочу ылдамдыгын алдын ала азайтып, өзүн колго алышы зарыл.
23
Белгилер:
автоунаа, айдоочу, кеңеш, баннер, жол кырсык, Жалал-Абад облусу
Тема боюнча
Ысык-Көл милициясы эс алууга келген чет элдиктерге 7 кеңеш берди
Жамгыр учурунда көчөдө бараткан коммуналдык кызматкер. Архив

Шашылыш билдирүү! Эртең-бүрсүгүнү айрым аймактарда сел жүрөт

31
(жаңыланган 14:44 24.06.2021)
ӨКМ 25-26-июнда республиканын тоолуу жана тоо этектериндеги райондорунда аба ырайы өзгөрүп, нөшөрлөп жаан жаай турганын айтты.

БИШКЕК, 24-июн. — Sputnik. Өзгөчө кырдаалдар министрлиги өлкөнүн айрым аймактарында сел жүрүшү мүмкүн экенин эскертти.

Ага ылайык, 25-26-июнда республиканын тоолуу жана тоо этектериндеги аймактарында аба ырайы өзгөрүп, нөшөрлөп жаан жаайт. Буга байланыштуу сел жүрүшү мүмкүн.

Ушул жума ичиндеги аба ырайы тууралуу синоптиктер кенен маалымат берген.

31
Белгилер:
сел, жаан-чачын, аба ырайы, ӨКМ
Тема боюнча
Маал-маалы менен өткүн өтүп турат. Бир жумага карата аба ырайы