Башкы прокуратуранын имараты. Архив

Аялына мыйзамсыз жер берген. Бишкекте мурдагы архитектор шектелүүдө

104
(жаңыланган 17:43 24.05.2021)
Аталган факты Кылыш жана жоруктардын бирдиктүү реестрине Жазык кодексинин 320-беренесине ылайык каттоого алынды.

БИШКЕК, 24-май — Sputnik. Бишкектеги райондордун биринин мурдагы башкы архитектору кызматынан кыянаттык менен пайдаланган деп шектелүүдө. Бул тууралуу Башкы прокуратурадан кабарлашты.

Бишкек шаарынын Ленин райондук прокуратурасы "Бишкек башкы архитектура" муниципалдык ишканасынын, Бишкек шаарынын мэриясынын Жер ресурстары башкармалыгынын, "Кадастр" мамлекеттик мекемесинин шаардык филиалынын жана Бишкек шаарындагы жер тилкелерин ыкчам (убактылуу) колдонууга берүү боюнча комиссиянын өкүлдөрү тарабынан мыйзамсыз жер берилгендиги боюнча фактыны аныктады.

Маалыматка караганда, прокурордук текшерүү учурунда Бишкектеги райондордун биринин мурдагы башкы архитектору Ж.М. жогорудагы мекеменин жооптуу кызматкерлери менен сүйлөшүп алып, А.М. аттуу жубайынын наамына мораторий жарыяланган жерге архитектуралык-техникалык бүтүм чыгартып алууга жардам берген деп шектелүүдө.

Аталган факты Кылмыш жана жоруктардын бирдиктүү реестрине Жазык кодексинин 320-беренеси ("Кызмат абалынан кыянаттык менен пайдалануу") менен каттоого алынды.

104
Белгилер:
кылмыш иши, архитектор, жер, Бишкек
Тема боюнча
УКМК 59,5 млрд. сомду Кытайга чыгарып кетти деген шек менен эки адамды кармады
Москвадагы эл аралык мамилелер институту. Архив

Москвадагы эл аралык мамилелер институтуна сунушталган КР жарандары. Тизме

52
(жаңыланган 00:10 25.06.2021)
Талапкерлерди министрликтин Сынактык тандап алуу боюнча комиссиясы аныктап, алардын ЖРТда алган упайы жана англис тили боюнча тестирлөөнүн жыйынтыгы эске алынган.

БИШКЕК, 24-июн. — Sputnik. КРдин Тышкы иштер министрлиги Эл аралык мамилелер боюнча Москва мамлекеттик институтуна кабыл алууга сунушталган кыргызстандыктардын тизмесин жарыялады.

Мекеменин маалымат кызматы абитуриенттерди тандоо иши Россия менен Кыргызстандын ТИМинин ортосундагы кызматташуу программасынын алкагында жүргүзүлгөндүгүн билдирди.

"Сынактык тандап алуу боюнча комиссия ЖРТнын жана англис тили боюнча тестирлөөнүн жыйынтыктарын алды. Ошондой эле тандалган багыттар боюнча эң жогорку баллга ээ болгон талапкерлердин тизмесин бекитти", — деп айтылат маалыматта.

Талапкерлердин тизмеси

Бакалавриат

  • Абдымаликова Айзада Абдымаликовна (багыты эл аралык мамилелер)
  • Чалбаев Ильдар Уланбекович (багыты эл аралык мамилелер)
  • Абылгазиева Айша Таалайбековна (багыты чет өлкөлүк аймак таануу)
  • Эрматова Саадат Сэйитбековна (багыты юриспруденция)
  • Мукаева Бермет Айдарбековна (багыты юриспруденция)
  • Маликова Дарин Маликовна (багыты экономика)

Магистратура

  • Бердиев Арген Равшанович (багыты эл аралык мамилелер)
  • Караева Айжана Мааданбековна (багыты юриспруденция).
52
Белгилер:
тизме, талапкер, Россия, Кыргызстан
Тема боюнча
МГИМО кыргызстандык абитуриенттерди кабыл алат. Шарт-талабы
Кыргызстандын 10 мыкты бүтүрүүчүсү тандап алган окуу жайлар
Россиялык университет кыргызстандык студенттерди кабыл алууда. Шарт-талабы
Вакцина алып жаткан кыз. Архив

Түркиянын вакцинасы Кыргызстанда сыналабы? Министрдин жообу

38
(жаңыланган 23:02 24.06.2021)
Түркиянын саламаттык сактоо министри Turcovac вакцинасынын үчүнчү фазадагы сыноосу Кыргызстанда өтө тургандыгын кабарлаган.

БИШКЕК, 24-июн. — Sputnik. Түркия коронавируска каршы вакцинасын үч өлкөдө сынайт, анын ичинде Кыргызстан да бар. Бул тууралуу саламаттык сактоо министри Фахреттин Кожага шилтеме кылып жергиликтүү ЖМКлар жазып чыкты. Буга чейин Түркиянын президенти Режеп Тайип Эрдоган ата мекендик вакцинанын үчүнчү фазадагы сыноосу башталгандыгын айткан.

"Үчүнчү фазадагы изилдөөгө 40 миң 800 ыктыярчы катышат. Сыноолор Венгрия, Азербайжан жана Кыргызстанда жүргүзүлөт. Биз тизмеге дагы башка мамлекеттерди кошууга аракет кылып жатабыз", — деген министр.

Бул маалымат боюнча Кыргызстандын саламаттык сактоо жана социалдык өнүктүрүү министри Алымкадыр Бейшеналиев төмөнкүлөрдү билдирди.

"Түрк тарап сунуштап жатат, бирок биз алардын шарттарын билгибиз келет. Азырынча кат алмашуу гана болууда", — деди министр.

Препарат кооптуу эмеспи деген суроого Бейшеналиев "кооптуулук болушу мүмкүн" деп жооп берди.

Ал ошондой эле ортодо эч кандай макулдашуу жок экендигин кошумчалады.

Эске сала кетсек, учурда кыргызстандыктар коронавируска каршы россиялык "Спутник V" жана кытайлык Sinopharm менен эмделип жатышат.

38
Белгилер:
сыноо, вакцина, Түркия, Кыргызстан
Тема:
Коронавируска каршы эмдөө
Тема боюнча
Акылбек Жапаров: өлкөдө элдин 0,7%ы гана вакцина алды, бул — биздин трагедия
Казак өкмөтү: Кыргызстанга вакцина берүү пландалган эмес