Батир. Архив

Башка районго которулган акимдерге үй берилеби? Расмий жооп

257
(жаңыланган 13:37 25.05.2021)
Аткаминер пандемиядан улам өлкөдө экономикалык абал жакшы эмес экенин айтып, акимдерди үй менен камсыздоо оңой эместигин белгиледи.

БИШКЕК, 25-май — Sputnik. Башка райондорго ротацияланган акимдерди үй жана башка шарт менен камсыздоо маселеси жекече чечилет. Бул тууралуу Мамлекеттик кадр кызматынын жетекчисинин орун басары Олег Тарбинский Sputnik Кыргызстан агенттигинин маалымат борборунда өткөн брифингде билдирди.

Эске салсак, Садыр Жапаровдун жарлыгы менен өлкөдөгү дээрлик бардык акимдер ротация болгон.

Тарбинскийдин айтымында, акимдер кызыкчылыктар кагылышын, коррупциялык тобокелчиликти болтурбоо максатында которулган.

"Коронавирус пандемиясынан улам өлкөдөгү экономикалык кырдаал анча жакшы эмес. Акимдерди турак жай менен камсыз кылуу да оңойго турбайт. Ошондуктан ар бири өз алдынча чечилет. Чет мамлекеттерде мындай учурда үй берилет, бизде бул маселе мүмкүнчүлүккө жараша чечилмекчи. Өлкөнү кыдырганда элдин акимдерге арзаныраак турак жай бергенин көргөм. Албетте, алардын жакшы иштөөсү үчүн үй маселеси чечилип берилет", — деди Тарбинский.

Ал райондорду өлкө келечегин ойлогон адамдар башкарышы керек экенин белгиледи.

257
Белгилер:
турак-жай, ротация, аким, Кыргызстан
Тема боюнча
Түндүктө иштегендер түштүккө, түштүктөгүлөр түндүккө кетти. Марипов ротация тууралуу
Оштон — Көлгө, Таластан — Жалал-Абадга. Жапаров ротациялаган акимдердин тизмеси
Балдардын укугу боюнча ыйгарым укуктуу өкүл Жыпариса Рысбекова Военно-Антоновка балдар үйүндө каза болгон өспүрүмдүн бир тууганы менен жолугушту

Балдар үйүндө көз жумган өспүрүм боюнча иш Садыр Жапаровдун көзөмөлүндө

17
(жаңыланган 22:20 21.06.2021)
Балдар укугу боюнча ыйгарым укуктуу өкүл Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

БИШКЕК, 21-июн. — Sputnik. Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди. Бул тууралуу мамлекет башчынын маалымат кызматынан кабарлашты.

Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан.

  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди
    © Пресс-служба правительства / Алишер Алиев
  • Уполномоченная по правам ребенка Жыпариса Рысбекова встретилась с Богданом Якуниным — братом погибшего воспитанника Военно-Антоновского детского дома Игоря Якунина. 21 июня 2021 года
    Рысбекова бүгүн, 21-июнда, Военно-Антоновкадагы балдар үйүндө каза болгон өспүрүм Игорь Якуниндин бир тууганы Богдан Якунин менен жолуккан
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Балдар үйүндө каза тапкан Игорь Якуниндин өлүмү боюнча тергөө иштери президент Садыр Жапаровдун жеке көзөмөлүндө экенин Балдар укугу боюнча ыйгарым укуктуу өкүл Жыпариса Рысбекова билдирди

Эске салсак, балдар үйүнүн 12 жаштагы тарбиялануучусунун өлүмү тууралуу маалымат мындан эки жума мурда тараган. Игорь Якуниндин өлүмү боюнча факт Сокулук райондук милициясы тарабынан 1-июнда катталган. 2-июнда Кылмыш жана жоруктардын бирдиктүү реестрине каттоого алынган.

Баланы багып алууга ниеттенип жүргөн АКШлык үй-бүлө жактоочу жалдаган. Анын маалыматы боюнча, тергөө амалдарын жүргүзүүдө бир катар мыйзам бузуулар болгон. Акыйкатчы институту ИИМге ишти министрликтин Башкы тергөө башкармалыгына өткөрүп берүү тууралуу, ошондой эле Билим берүү жана илим министрлигине балдар үйүнүн директорун тергөө учурунда кызматынан четтетүү тууралуу кат жолдогон.

Маркумдун агасы Богдан Якунин президентке кайрылуу жолдоп, бул иштин тергелишин өзүнүн көзөмөлүнө алууну суранган. Кайрылуусунда иниси токмок жеп каза болду деген ой болуп жаткандыгын айткан.

Жолугушууда Балдардын укугу боюнча ыйгарым укуктуу өкүл Богдан Якуниндин инисинин өлүмүнө байланыштуу бардык жүйөөлөрүн уккан.

Рысбекова Богдан Якунинди учурда окуянын бардык жагдайлары комиссиялык кароодон өтүп жатат деп ишендирген. Ал Игорь Якуниндин өлүмүнүн жагдайларына баа берүүнүн жыйынтыгы менен бул каргашалуу окуяга жол берген кызмат адамдарынын жоопкерчилиги каралат деген.

17
Белгилер:
Игорь Якунин, Жыпариса Рысбекова, кайрылуу, өлүм, балдар үйү, Кыргызстан
Тема боюнча
Буга чейин далай качкан. Чүйдө 15 жаштагы бала кайрадан изделүүдө. Сүрөт
Жалал-Абадда жоголгон 13 жаштагы бала табылды
Ош шаардык тез жардам кызматынын диспетчердик бөлүмүнүн кызматкери. Архив

Ошто эпидемиологиялык абал курчуй берсе шаарга чектөөлөр кирет

35
(жаңыланган 21:49 21.06.2021)
Кыргызстандын экинчи борборунда коронавирус боюнча абал оор боюнча калып жаткандыгын айткан вице-мэр элди санитардык эрежени бекем сактоого чакырды.

БИШКЕК, 21-июн. — Sputnik. Ош шаарында коронавирус боюнча кырдаал курчуса, чектөөлөр кириши мүмкүн. Бул тууралуу аталган калаанын вице-мэри Эмиль Шадыханов айткандыгын муниципалитеттин маалымат кызматынан кабарлашты.

Бүгүн, 21-июнда, Ош шаарынын мэриясында эпидемиологиялык кырдаалды жөнгө салуу боюнча штабдын кезектеги жыйыны болгон.

"Учурда Ош шаарындагы абал оор боюнча калууда. Шаардыктарды эл көп чогулган жайлардан алыс болуп турууга чакырабыз. Эгер кырдаал курчуй турган болсо чектөөлөр кириши мүмкүн. Муниципалдык ишканаларда 65 жаштан жогорку курактагы кызматкерлер аралыктан иштөөгө өтөт", — деген вице-мэр.

Ал элди санитардык эрежелерди бекем сактоого чакырды.

21-июлга карата Ош шаарында коронавируска чалдыккандардын саны 54 болгон. Маалыматта стационарларга кайрылган жарандардын саны суткасына 700гө жетип жатканы айтылды.

Кыргызстанда акыркы мезгилде коронавирус жуктургандар көбөйүп жатат. Алдыдагы эки жумада ооругандардын саны кескин көбөйө турганы божомолдонду.

35
Белгилер:
чектөө, коронавирус, Ош шаары, Кыргызстан
Тема:
Коронавируска байланыштуу Кыргызстандагы кырдаал
Тема боюнча
Бийлик кыргызстандыктарды эл көп топтолгон жерлерге барбоого чакырып жатат
Учпагандар кирбейт! Кыргызстандын аэропортторунда чектөөлөр күчөтүлдү