Нарын облусунун Кочкор районуна коюлган 14 фотокапкан бир нече жаныбарды сүрөткө тартып алды

Кочкордогу фотокапканга түшкөн жаныбарлардын жаңы сүрөттөрү

408
(жаңыланган 17:48 26.05.2021)
Уюмдун мониторинг тобунун адистери Кочкордон 3000ден ашуун кадрларды чогулткан. Эми жапайы жаныбарларга байкоо жүргүзүү үчүн өлкөнүн түштүгүндөгү коруктарга фотокапкан коюлмакчы.

БИШКЕК, 26-май — Sputnik. Нарын облусунун Кочкор районуна коюлган 14 фотокапкан бир нече жаныбарды сүрөткө тартып алды. Бул тууралуу Германиянын Кыргызстандагы жаратылышты коргоо союзунун (NABU) маалымат катчысы Зарина Эсенбаева билдирди.

  • Горностай, сфотографированный на фотоловушку на территории Кочкорского района Нарынской области
    Нарын облусунун Кочкор районуна коюлган 14 фотокапкан бир нече жаныбарды сүрөткө тартып алды
    © Фото / Союз охраны природы в Кыргызстане (NABU)
  • Клушица, сфотографированная на фотоловушку на территории Кочкорского района Нарынской области
    Буга чейин аба ырайы катаал болуп жатканына байланыштуу алты гана фотокапкандан маалыматтар алынганы айтылган
    © Фото / Союз охраны природы в Кыргызстане (NABU)
  • Улар, сфотографированный на фотоловушку на территории Кочкорского района Нарынской области
    Кара-Мойнок кырка тоолорундагы Сөөк суусу агып өткөн өрөөнгө жалпысынан 20 фотокапкан коюлган
    © Фото / Союз охраны природы в Кыргызстане (NABU)
  • Барсук, сфотографированный на фотоловушку на территории Кочкорского района Нарынской области
    Бардык сүрөттөр NABU уюмунун мониторинг тобунун адистери тарабынан изилденет
    © Фото / Союз охраны природы в Кыргызстане (NABU)
  • Козерог, сфотографированный на фотоловушку на территории Кочкорского района Нарынской области
    Камерага ак илбирс, тоо эчки, карышкыр, түлкү, улар, кекилик, кашкулак, таан түшүп калга
    © Фото / Союз охраны природы в Кыргызстане (NABU)
  • Улары, сфотографированные на фотоловушку на территории Кочкорского района Нарынской области
    Бардык сүрөттөр 2020-жылдын ноябрь айынан 2021-жылдын апрелине чейин тартылган
    © Фото / Союз охраны природы в Кыргызстане (NABU)
  • Лиса, сфотографированная на фотоловушку на территории Кочкорского района Нарынской области
    NABU уюмунун өкүлү эми ак илбирстерге жана алардын тоют базасына мониторинг жүргүзүү үчүн өлкөнүн түштүгүндөгү коруктарга жана жаратылыш парктарына фотокапкан орнотуларын кошумчалады.
    © Фото / Союз охраны природы в Кыргызстане (NABU)
1 / 7
© Фото / Союз охраны природы в Кыргызстане (NABU)
Нарын облусунун Кочкор районуна коюлган 14 фотокапкан бир нече жаныбарды сүрөткө тартып алды

Буга чейин аба ырайы катаал болуп жатканына байланыштуу алты гана фотокапкандан маалыматтар алынганы айтылган.

Эсенбаеванын билдиргенине караганда, Кара-Мойнок кырка тоолорундагы Сөөк суусу агып өткөн өрөөнгө жалпысынан 20 фотокапкан коюлган.

"Фотокапкандар чогулткан маалыматтарды иштеп чыккандан кийин биз 3000ден ашуун кадр алдык. Бардык сүрөттөр NABU уюмунун мониторинг тобунун адистери тарабынан изилденет. Камерага ак илбирс, тоо эчки, карышкыр, түлкү, улар, кекилик, кашкулак, таан түшүп калган. Бардык сүрөттөр 2020-жылдын ноябрь айынан 2021-жылдын апрелине чейин тартылган", — деди Эсенбаева.

NABU уюмунун өкүлү эми ак илбирстерге жана алардын тоют базасына мониторинг жүргүзүү үчүн өлкөнүн түштүгүндөгү коруктарга жана жаратылыш парктарына фотокапкан орнотуларын кошумчалады.

408
Белгилер:
сүрөт, жаныбарлар, фотокапкан, кочкор, Нарын облусу
Тема боюнча
Эч ким көрө элек кадрлар. Кыргызстандын жапайы жаратылышы видеодо
Владелец лиги EAGLE FC, бывший чемпион UFC в лёгком весе Хабиб Нурмагомедов на 36-м турнире EFC в Казани.

Хабибге даярдалган банкетте Ташиев менен Жапаровдун уулдары жүрөт. Видео

0
(жаңыланган 14:31 03.08.2021)
Нурмагомедов Ысык-Көлдө өтө турган Eagle Fighting Championship (EFC) лигасынын мелдешине кадырлуу конок катары катышат. Ал Бишкекке бүгүн таңда келген.

БИШКЕК, 3-авг. — Sputnik. UFC уюмунун экс-чемпиону Хабиб Нурмагомедов аны Бишкекте кантип тосуп алганын көрсөттү.

Спортчу Бишкекке бүгүн таңда келип, андан кийин Чолпон-Атага кеткен. Ал Көлдө өтө турган Eagle Fighting Championship (EFC) лигасынын мелдешине кадырлуу конок катары катышат.

Мушкердин Instagram баракчасынын Stories бөлүгүнө жарыяланган видеодон спортчу үчүн атайын банкет уюштурулганын көрүүгө болот. Ал банкетте мамлекет башчы Садыр Жапаровдун Рустам аттуу уулу жана УКМК төрагасы Камчыбек Ташиевдин Тай-Мурас аттуу уулу жүрөт.

Нурмагомедов "таңкы саат 04:00дө ушундай тамактар менен сыйлап жатса, кайдагы диета" деп жазган.

Промоушендин турнири Кыргызстанда алгачкы ирет өтөт. EFC кезектеги беттешти Кыргызстанда өткөрүүнү пландаганын промоушендин президенти Шамил Завуров март айында Россияда өткөн мелдеште айткан болчу. Буга кыргыз мушкери Бусурманкул Абдибаит уулунун татыктуу кармаш көрсөткөнү себеп болгон.

Бул уюмдун 38-мелдеши болуп саналат. Турнирде Данияр Бабакулов, Алексей Федосеев сыяктуу кыргызстандык атактуу мушкерлер да октагонго чыгышат.

Нурмагомедов Кыргызстанга биринчи ирет 2018-жылы келген. Анда спортчу Бишкектен күйөрмандары менен жолугуп, алардын суроолоруна жооп берген.

0
Белгилер:
Хабиб Нурмагомедов, Ысык-Көл, Садыр Жапаров, Камчыбек Ташиев
Тема боюнча
Бүгүн Ысык-Көлдө Хабибдин Eagle Fighting Championship уюмунун мелдеши өтөт
UFC экс-чемпиону Хабиб Нурмагомедов Кыргызстанга келди. Сүрөт
Акжол Махмудовдун жеке машыктыруучусу Мейрамбек Ахметов. Архив

Акжолдун Токиодо калыстык кылып жаткан машыктыруучусу балбанды сүрөй албайт. Себеби

300
(жаңыланган 14:21 03.08.2021)
Кечээ, 2-августта, кыргызстандык адис Ахметов Токиодо грек-рим күрөшү боюнча 60 килограмм салмактагы балбандардын финалдык беттешине башкы калыстык кылды.

БИШКЕК, 3-авг. — Sputnik. Акжол Махмудовдун жеке машыктыруучусу Мейрамбек Ахметов Токиодогу Олимпиада-2020да эл аралык деңгээлдеги калыстык милдетти аткарып жүрөт. Анын иш учурундагы сүрөтүн Кыргызстандын спорттук күрөш федерациясы социалдык тармактагы баракчасына чыгарды.

Кечээ, 2-августта, кыргызстандык адис грек-рим күрөшү боюнча 60 килограмм салмакта беттешкендердин финалын башкы калыс катары тейледи. Анда кубалык Луис Альберто Орта Санчес менен япониялык Кинечиро Фумита беттешкен. Кубалык балбан упай айырмасында утуп, олимпиада чемпиону болду. Мындан сырткары, 77 килограмм салмакта өзүнүн шакиртинин (Акжол Махмудов - ред.) атаандаштары болгон ирандык Мухаммедали Гераи менен кубалык Йосванис Пена Флорестин кармашына калыстык кылды.

Жогоруда белгилегендей, Ахметов Олимпиада оюндарында грек-рим күрөшү боюнча 77 килограмм салмакта финалга чыккан кыргызстандык балбан Акжол Махмудовдун жеке машыктыруучусу. Бирок спорттогу эрежелерге ылайык, арбитр болуп жүрсө, өзүнүн тарбиялануучусу беттешке чыкканда жанына барууга, кеп-кеңешин айтып багыт берип турууга тыюу салынган. Андан улам, устаты алтын медаль үчүн күчүн үрөп жаткан шакиртине барып, багыт бере албайт. 

300
Белгилер:
Мейрамбек Ахметов, Акжол Махмудов, грек-рим күрөшү, калыс
Тема:
2021-жылы Токиодо өтө турган Олимпиада оюндары
Тема боюнча
Айсулуу менен Акжолдун күрөшү "Ала-Тоо" аянтында чоң экрандан көрсөтүлөт
Мейрамбек Ахметов: Пекинде Канат Бегалиевди уурданып жүрүп колдоп келгем