Тойдогу официант. Архив

ЖК депутаты: ар бир айылга той-ашты көзөмөлдөгөн комиссия түзүүнү сунуштадык

153
(жаңыланган 12:53 27.05.2021)
Кыргызстанда той, маараке, куран окутуу сыяктуу иш-чараларды тартипке келтирип, айрым чектөөлөрдү киргизүү пландалып жатат.

БИШКЕК, 27-май — Sputnik. Той-ашты өткөрүүдөгү чектөөлөр менен салынган тыюулардын аткарылышын көзөмөлдөө үчүн ар бир айыл, районго атайын комиссия түзүүнү сунуштап жатабыз. Бул тууралуу Жогорку Кеңештин депутаты Улукбек Ормонов билдирди.

Учурда Sputnik Кыргызстан агенттигинин маалымат борборунда "ЖК той менен тажиянын шартын катаалдатууну көздөөдө. Коом даярбы?" аттуу тегерек стол өтүп жатат.

Депутат Жогорку Кенеша Улукбек Ормонов на брифинге в пресс-центре Sputnik Кыргызстан
© Sputnik / Максат Элебесов
Жогорку Кеңештин депутаты Улукбек Ормонов

Белгилей кетсек, Кыргызстанда той, маараке, куран окутуу сыяктуу иш-чараларды тартипке келтирип, айрым чектөөлөрдү киргизүү пландалып жатат. Жогорку Кеңештин сайтына "Үлпөт той, маараке салтанаттарын, сөөк көмүү ырым-жырымдарын жана маркумдун элесине арналган иш-чараларды өткөрүүнү тартипке келтирүү жөнүндө" мыйзам долбоору коомдук талкууга коюлган.

"Өзгөн, Кара-Кулжа райондорунда атайын элдик кошуундар иштеп жатканын билебиз. Алар маркумду акыркы сапарга узатууда чоң мал союлуп, себет алып келген-келбегенин көзөмөлдөп, айтып турушат. Мындай элдик кошуунду алар өздөрү эле уюштуруп алган. Той-ашка чектөө киргизүү боюнча азыр сунушталып жаткан мыйзамдын аткарылышын көзөмөлдөө үчүн биз да ушул сыяктуу атайын комиссия түзүүнү сунуштап жатабыз. Мындай комиссия ар бир айылда болот. Анын курамына негизинен айыл өкмөт башчысы, ошол аймактагы сыйлуу, кадырлуу кишилер кирет. Мыйзамдын аткарылышын талап кылуу үчүн кызмат адамдарына сөзсүз милдет жүктөлөт. Антпесе бул мыйзам аткарылбай калат", — деди эл өкүлү.

Ормонов мыйзам долбоору боюнча коомдук талкуу 10-июнда бүтөрүн кошумчалады.

153
Белгилер:
комиссия, чектөө, мыйзам, той, Улукбек Ормонов
Тема боюнча
Өлгөнгө чоң мал союп, тойго 200 киши чакырууга тыюу салынабы? Мыйзам долбоору
Бишкек шаары. Архив

Шейшембиге карата аба ырайы

46
15-июнга караган түнү өлкөнүн тоолуу райондорунда күтүлүп жаткан нөшөрлүү жаан-чачынга байланыштуу сел жүрүшү ыктымал. Батыштан соккон шамалдын ылдамдыгы секундасына 4-9 метрге жетет.

БИШКЕК, 14-июн. — Sputnik. Шейшембиде күндүз кээ бир райондордо күн күркүрөп, жамгыр жаашы күтүлөт. Бул тууралуу Кыргызгидромет билдирди.

Абанын температурасы Чүй облусунда +26…+31, Талас өрөөнүндө +25…+30, Ош, Жалал-Абад, Баткен облустарында +29…+34, Ысык-Көл аймагында +21…+26, Нарында +18…+23 градуска жогорулайт.

Күндүн табы Бишкекте +29…+31, Ош шаарында +32…+34 градуска жетет.

46
Белгилер:
Кыргызстан, аба ырайы
Тема боюнча
Жамгыр жаайбы? Бир жумага карата аба ырайы

Тонналаган акыр-чикир. Түтүн каптаган Бишкектин таштанды таштоочу жайынан видео

88
(жаңыланган 20:48 14.06.2021)
Калаадан чыккан бардык акыр-чикирди алып барып төккөн Бишкектин негизги таштанды таштоочу жайынын азыркы абалы кандай? Бул туурасында Sputnik Кыргызстандын видеосунан көрүңүз.

Жакында эле мэрия таштанды полигонун рекультивациялоо жана жабуу иштери жанданганын билдирген. Көп өтпөй рекультивациялоо кайра токтоп калганы белгилүү болду. Себеби подрядчы эстониялык компания ишти аягына чыгаруу үчүн башында макулдашылган каражатка кошумча дагы 1,3 миллион евро сураган.

Аталган долбоордун жалпы наркы 22 миллион евро, келишимге 2013-жылы кол коюлуп, 2015-жылы Жогорку Кеңеш ратификациялаган. Анын алкагында жаңы полигон салынып, эски таштанды жайды жабуу жана рекультивация иштери жасалат. Азыркы таштанды талаасы түздөлүп, акырындык менен жашыл аймакка айландырылмакчы. Мындан сырткары, метанды жок кылуу жабдуусун коюу пландалган, анткени таштанды ташталган жерден метан көп чыккандыктан түтөп, өрт тутана берет.

Ал эми рекультивациялоо долбоорунун наркы 9 миллион евро. Ишти аткаруу келишимине 2017-жылы июлда кол коюлган. Буга каражатты Европа өнүктүрүү жана реконструкция банкы бөлгөн. Анын жарымы грант, калганы кредит катары берилет.

88
Белгилер:
полигон, долбоор, жабуу, таштандылар сакталган жай, таштанды, Бишкек
Тема боюнча
Бишкектин таштанды полигонун рекультивациялоо иши 14 айдан кийин жанданды
Өкмөт уулуу калдыкты казып, 106 тонна алтын алууга белсенди. Кумтөрдөн видео