Президенттин маалымат кызматы Тажикстандын куралдуу кол салуусунан Баткен облусундагы кыргыз-тажик чек арасындагы өрттөлгөн Максат айылында кайрадан салына турган үйлөр менен бала бакчанын эскизин жарыялады

Өрттөлгөн Максат айылына салына турган үйлөр менен бала бакчанын эскизи

186
(жаңыланган 14:43 27.05.2021)
Бүгүн Садыр Жапаров Баткендеги кыргыз-тажик чек арасында жайгашкан Максат айылындагы талкаланган үйлөрдү көрүп жана учурда жүрүп жаткан курулуш иштери менен таанышты.

БИШКЕК, 27-май — Sputnik. Президенттин маалымат кызматы Тажикстандын куралдуу кол салуусунан Баткен облусундагы кыргыз-тажик чек арасындагы өрттөлгөн Максат айылында кайрадан салына турган үйлөр менен бала бакчанын эскизин жарыялады.

  • Эскизы детского сада, который построят в селе Максат Баткенской области
    Президенттин маалымат кызматы Тажикстандын куралдуу кол салуусунан Баткен облусундагы кыргыз-тажик чек арасындагы өрттөлгөн Максат айылында кайрадан салына турган үйлөр менен бала бакчанын эскизин жарыялады
    © Пресс-служба президента КР / Султан Досалиев
  • Эскизы домов, которые построят в селе Максат Баткенской области
    Жапаров бүгүн, 27-майда, Баткен облусуна жасаган иш сапардын алкагында кыргыз-тажик чек арасында жайгашкан Максат айылына барды.
    © Пресс-служба президента КР / Султан Досалиев
1 / 2
© Пресс-служба президента КР / Султан Досалиев
Президенттин маалымат кызматы Тажикстандын куралдуу кол салуусунан Баткен облусундагы кыргыз-тажик чек арасындагы өрттөлгөн Максат айылында кайрадан салына турган үйлөр менен бала бакчанын эскизин жарыялады

Жапаров бүгүн, 27-майда, Баткен облусуна жасаган иш сапардын алкагында кыргыз-тажик чек арасында жайгашкан Максат айылына барды.

"Мамлекет башчы талкаланган объектилерди, өрттөлгөн мектепти карап чыгып, аны менен катар эле бузулгандарынын ордуна салынып жаткан билим берүү объектилери менен тамдардын курулушун көрдү. Тагыраагы, ал жерге түшө турган 100 орундуу эки кабат бала бакчанын долбоору менен таанышты", — деп айтылган маалыматта.

Жапаров жергиликтүү элге жолугуп, алар көтөргөн маселелерди чечүүнү аткаминерлерге тапшырган. Маалыматта объектилерди салуу жана кайра калыбына келтирүү иштерин өз убагынан кечиктирбей бүтүрүүгө тапшырма бергендиги айтылат. 

186
Белгилер:
курулуш, турак-жай, кыргыз-тажик чек арасы, Баткен облусу, Кыргызстан
Тема:
Баткендеги кыргыз-тажик жаңжалы (299)
Тема боюнча
Садыр Жапаров чек ара жаңжалында өрттөлгөн Максат айылынын эли менен жолукту
Баткендин чек арадагы айылдарынан 140 бала Ысык-Көлгө эс алууга кетти. Сүрөт
Бишкекте оңдоп-түзөөдөн кийин төрт көчөнүн ачылышы

Бишкектин төрт көчөсү 1-июлда автоунаалар үчүн ачылат. Тизме

17
(жаңыланган 12:10 24.06.2021)
Сухэ-Батор көчөсүнүн Каралаевден Шабдан баатырга чейинки бөлүгүнүн оңдолушу жана Аламүдүн дарыясы аркылуу курулуп жаткан көпүрө калаанын түштүк бөлүгүндөгү кичи райондордун жол тыгынын азайтат.

БИШКЕК, 24-июн. – Sputnik. Бишкектин төрт көчөсү оңдолуп бүтүп, 1-июлда тарнспорт үчүн ачылат. Бул тууралуу мэриядан билдиришти.

  • Четыре улицы после ремонта, планируемые открыть для проезда автомашин в Бишкеке. 24 июня 2021 года
    Бишкектин төрт көчөсү оңдолуп бүтүп, 1-июлда тарнспорт үчүн ачылат
    © пресс-служба мэрии города Бишкек
  • Четыре улицы после ремонта, планируемые открыть для проезда автомашин в Бишкеке. 24 июня 2021 года
    Мэриядан билдиришкендей, шаардын 35 көчөсүндө реконструкция иштери уланып жатат
    © пресс-служба мэрии города Бишкек
  • Четыре улицы после ремонта, планируемые открыть для проезда автомашин в Бишкеке. 24 июня 2021 года
    Маалыматта Жукеев-Пудовкин көчөсү Советтер Союзунан бери оңдолбогону белгиленди
    © пресс-служба мэрии города Бишкек
1 / 3
© пресс-служба мэрии города Бишкек
Бишкектин төрт көчөсү оңдолуп бүтүп, 1-июлда тарнспорт үчүн ачылат

Автоунаа үчүн ачыла турган көчөлөрдүн тизмеси:

  • Огонбаев көчөсүнүн Ибраимовдон Осмонкулга чейинки бөлүгү;
  • Жунусалиев көчөсүнүн Абдрахмановдон Арча-Бешик конушундагы Масалиевге чейинки бөлүгү;
  • Айбийкеден Ак-Ордодогу темир жолго чейин;
  • Ак-Тилек көчөсүнөн Ак-Тилек конушундагы Дзержинскийге чейин.

Мэриядан билдиришкендей, шаардын 35 көчөсүндө реконструкция иштери уланып жатат. Анын ичинен төмөнкү көчөлөрдүн жолу 70 пайызга оңдолуп бүттү:

  • Сухэ-Батор;
  • Койбагаров;
  • Карасаев;
  • Көкчө-Тоо;
  • Ташкент;
  • Логвиненко;
  • Стадионная;
  • Фере;
  • Буденный.
"Арча-Бешиктеги Жайыл баатыр көчөсүнүн Чортековдон Алыкуловго чейинки бөлүгү (2,8 чакырым) борбор калаанын түштүк-батыш тарабындагы жолдун "жүгүн" жеңилдетет. Ошондой эле Сухэ-Батор көчөсүнүн Каралаевден Шабдан баатырга чейинки бөлүгүнүн оңдолушу жана Аламүдүн дарыясы аркылуу курулуп жаткан көпүрө калаанын түштүк бөлүгүндөгү кичи райондордун жол тыгынын азайтат. Курулуш иштеринин арты менен унаа көп жүргөн Ахунбаев менен 7-Апрель көчөлөрү бошой түшөт", — дешти мэриядан.

Маалыматта Жукеев-Пудовкин көчөсү Советтер Союзунан бери оңдолбогону белгиленди.

17
Белгилер:
курулуш, тыгын, жол, Бишкек мэриясы
Тема боюнча
Бишкекке жаңы алып келинген автобустар кайсы жактарга каттайт? Маршрут
Нью-Йорктун борборундагы бош көчөсү. Архив

COVID-19ду бир маалда көп адамга жуктурган кубулуш аныкталды

21
(жаңыланган 11:58 24.06.2021)
Окумуштуулар өсүмдүктөрдүн чаңчалары абадагы COVID-19ду кантип башка жактарга таратарын изилдеп чыккан.

БИШКЕК, 24-июн. — Sputnik. Дарактардагы чаңчалар коронавирусту таратуучуларга кирерин Никосия университетинин окумуштуулары далилдеп чыкты. Бул туурасында Daily Mail басылмасы жазды.

Адистер ар кыл бөлүкчөлөр COVID-19дун таратуучусу болорун аныктоого аракет кылып, бир нече изилдөөдөн кийин оорунун кескин жугушу менен абадагы чаңчалардын топтолушунун ортосундагы байланышты тапкан.

АКШдагы жаз күндөрү жел болгон учурда чаңчалардын бир минутанын ичинде 20 метрдей аралыктагы топтошкон адамдарды каптай алары белгиленген.

"Эксперименттин маанилүү милдеттеринин бири — турмуштагыдай, кадимки эл аралашып жүргөн шарттарда изилдөө жүргүзүү эле. Миңдеген адамдар жана чаңча дандардын бөлүкчөлөрү, жүздөгөн сабактар, мажүрүм талдан 65 кадам арыраактагы бир топ адамдардын тобу керек болду", — деп айтып берген окумуштуулардын бири.

Компьютердик модель чаңчалар коронавирусту өзү тараган аймактан да алыс алып кете турганын көрсөтүп берген.

Окумуштуулар аллергендердин картасын терең изилдеп, COVID-19 чындыгында эле чаңчалар арбын чыгып, көп учуп жүргөн аймактарда тез таралгандыгын аныктап чыгышкан.

Адистер мындай шартта стандарт катары талап кылынып жаткан эки метрлик аралыкты сактоо мааниге ээ болбой кала тургандыгын белгилешкен.

21
Белгилер:
окумуштуулар, эксперимент, коронавирус
Тема:
Дүйнөгө жайылган коронавирус
Тема боюнча
Индиялык адис: COVID-19дун "дельта-плюс" штаммы өтө тез жугат
COVID: Республикалык штаб министрликке жаңы тапшырмаларды берди
Кыргыз Республикасынын эмгек сиңирген артисти, Композиторлор союзунун төрагасы Турдубек Чокиев

Чокиев: убакыттын өтүшү менен залкарлардын заманы кайтып келет

0
(жаңыланган 12:17 24.06.2021)
Кыргыз Республикасынын эмгек сиңирген артисти, Композиторлор союзунун төрагасы Турдубек Чокиев классикалык музыкага болгон муктаждык убактылуу эместигин белгиледи.

Шоу-бизнес күнүмдүк, негизги максаты — элдин көңүлүн тартып каражат чогултуу. Ал эми классикалык музыкалар түбөлүктүү. Мындай пикирин Турдубек Чокиев Sputnik Кыргызстан радиосунда маек куруп жатып билдирди.

Чокиев: убакыттын өтүшү менен залкарлардын заманы кайтып келет

Анын айтымында, убакыт өткөн сайын классикалык музыканы угууга зарылчылык жаралышы ыктымал.

"Классика деген сөздүн өзү түбөлүктүү деген маанини берет. Жөнөкөй эле мисал келтирейин. Классикалык костюм-шым, галстук эбактан бери актуалдуулугун жоготпой келе жатат. Музыка дагы ошондой эле. Мода кубалагандар бүгүн жылтырак, эртең ич кийимчен чыгып калышы мүмкүн. Бирок ал утурумдук, жаңы мода менен кайра өзгөрүүлөр болот. Шоу-бизнес деле ошол сыяктуу, түбөлүктүү эмес. Ошондон улам анын негизги максаты — элдин көңүлүн буруп каражат табуу. Ал эми классикалык музыка түбөлүктүү. Белгилей кетчү жагдай, заман ушундай болот экен, залкарлар топ-тобу менен келип, кетишет. Мисалы, Калый Молдобасанов, Чыңгыз Айтматов сыяктуу залкарлар замандаш болушкан. Андан кийин ортодо кандайдыр бир боштук пайда болуп, классикалык чыгармалар экинчи планга түшүп калды. Кийин убакыттын өтүшү менен карлыгачтай болуп залкарлардын заманы кайтып келет. Ошол учурда классикалык чыгармаларды угууга зарылчылык жаралып, ошол нерсе модага айланып калышы ыктымал", — деди Чокиев.

Композитор учурда маалыматтын көптүгүнөн кыска, кичирээк чыгармаларга муктаждык күч болуп калганын белгилеп, ошого ыңгайлашуу зарылдыгын кошумчалады.

0
Белгилер:
мода, шоу-бизнес, музыка, Турдубек Чокиев
Тема боюнча
Интернет жылдызы Атамбаев: мурда ырдап көргөн эмесмин, үнүм кийин ачылды