Президент Садыр Жапаров Баткен облусуна болгон иш сапарынын алкагында Лейлек районунун Борбордук айылында салынып жаткан мектептин курулушуна капсула салды

Жапаров Лейлекте мектептин курулушун баштап берип, жоокерлер менен жолукту

128
(жаңыланган 16:09 27.05.2021)
Өлкө башчы аталган окуу жайда кесипкөй адистердин тарбияланарына ишеним артып, алар өз кезегинде мамлекеттин өнүгүшүнө салым кошорун белгиледи.

БИШКЕК, 27-май — Sputnik. Президент Садыр Жапаров Баткен облусуна болгон иш сапарынын алкагында Лейлек районунун Борбордук айылында салынып жаткан мектептин курулушуна капсула салды. Бул тууралуу өлкө башчынын маалымат кызматы билдирди.

  • Строительство новой школы в селе Борбордук Лейлекского района
    Президент Садыр Жапаров Баткен облусуна болгон иш сапарынын алкагында Лейлек районунун Борбордук айылында салынып жаткан мектептин курулушуна капсула салды
    © Пресс-служба президента КР / Султан Досалиев
  • Президент КР Садыр Жапаров во время встречи с жителями села Борбордук Лейлекского района в рамках рабочей поездки в Баткенскую область
    Долбоорго ылайык, мектеп эки кабаттуу болуп, 225 окуучуга ыңгайлашкан
    © Пресс-служба президента КР / Султан Досалиев
  • Президент КР Садыр Жапаров во время посещения пограничной заставы Жаны-Жер в Лейлекском районе в рамках рабочей поездки в Баткенскую область
    Муну менен бирге Жапаров "Жаңы-Жер" чек ара заставасына да барганы айтылды.
    © Пресс-служба президента КР / Султан Досалиев
  • Президент КР Садыр Жапаров во время встречи с жителями села Борбордук Лейлекского района в рамках рабочей поездки в Баткенскую область
    Президент Достук айылынын тургундары менен да жолугуп, жакын арада Баткен облусуна өзгөчө макам берилерин эскертти.
    © Пресс-служба президента КР / Султан Досалиев
1 / 4
© Пресс-служба президента КР / Султан Досалиев
Президент Садыр Жапаров Баткен облусуна болгон иш сапарынын алкагында Лейлек районунун Борбордук айылында салынып жаткан мектептин курулушуна капсула салды

Долбоорго ылайык, мектеп эки кабаттуу болуп, 225 окуучуга ыңгайлашкан.

Муну менен бирге Жапаров "Жаңы-Жер" чек ара заставасына да барганы айтылды.

"Өлкө башчысы жоокерлердин даярдыгын, эрдигин белгилеп, дал ушул сапаттардан улам мамлекеттин бүтүндүгүн сактап калууга мүмкүн болгонун айтты. Мамлекеттик чек аранын коопсуздугун сактоонун маанилүүлүгүнө да токтолду", — деп айтылат маалыматта.

Президент Достук айылынын тургундары менен да жолугуп, жакын арада Баткен облусуна өзгөчө макам берилерин эскертти. Мунун алкагында бир катар жеңилдиктер каралып, салык жана инвестициялык өзгөчө тартип киргизилерин кошумчалады.

128
Белгилер:
коопсуздук, жоокер, мектеп, застава, чек ара, Баткен, Садыр Жапаров
Тема:
Баткендеги кыргыз-тажик жаңжалы (299)
Тема боюнча
Өрттөлгөн Максат айылына салына турган үйлөр менен бала бакчанын эскизи
Садыр Жапаров чек ара жаңжалында өрттөлгөн Максат айылынын эли менен жолукту
Мектеп бүтүрүүчүнүн аттестаты. Архив

Эртең мектептерде аттестат бериле баштайт. Бүтүрүү кечеси болобу?

35
(жаңыланган 22:50 23.06.2021)
Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлдөө зарыл.

БИШКЕК, 23-июн. — Sputnik. Эртеңден тарта мектептерде бүтүрүүчүлөргө орто билими боюнча аттестат бериле баштайт. Бул тууралуу Билим берүү жана илим министрлигинен билдиришти.

Райондук жана шаардык билим берүү башкармалыктары коштошуу аземи мектептин аймагында жана ата-энелердин биринин гана катышуусу менен өткөрүлүшүн көзөмөлгө алышы шарт.

Мектеп жетекчилиги аттестат тапшыруу учурунда бүтүрүүчүлөрдүн өмүрү жана ден соолугу үчүн жооптуу. Коштошуу кечесин ресторан жана кафелерде өткөрүү үчүн акча чогултууга жол берилбеши керек.

35
Белгилер:
аттестат, бүтүрүүчү, мектеп, Кыргызстан
Тема боюнча
Усеналиев: "Алтын тамга" 11 жылдан бери өтүп келет
ЖРТнын жыйынтыгы менен алтын сертификат алгандар. Тизме
Медициналык кызматкер ооруканада. Архив

COVID: Республикалык штаб министрликке жаңы тапшырмаларды берди

131
(жаңыланган 21:41 23.06.2021)
Жылдыз Бакашова Республикалык штабдын кезектеги жыйынында күчөп бара жаткан абалды эске алуу менен жаңы тапшырмаларды койду.

БИШКЕК, 23-июн. — Sputnik. Министрлер кабинетинин төрагасынын орун басары Жылдыз Бакашова Республикалык ыкчам штабдын кезектеги отурумун өткөрүп, эпидемиологиялык абалды турукташтыруу, коронавирус илдети менен ооруган бейтаптарды дарылоо үчүн медициналык мекемелердин айрым корпустарын бошотуу, 118 номерлүү кызматтын ишин өркүндөтүү, амбулатордук деңгээлде диагностикалык жана дарылоо иштерин күчөтүү маселелери каралды.

Өкмөттүн маалымат кызматынан билдиргендей, жыйында коронавирус инфекциясы менен ооруган бейтаптарды аныктоо жана кайра жиберүү үчүн бөлүштүрүү пунктуларын уюштуруу, ошондой эле медициналык мекемелердин жана жеке лабораториялардын биргелешкен иши жөнүндө маселелер талкууланды.

“Эч ким былтыркы жылдагыдай экономикалык ишмердүүлүктү чектөө же жарандардын өлүмгө учуроо деңгээли боюнча сценарийдин кайталанышын каалабайт. Бардык жооптуу мамлекеттик органдар жана жергиликтүү бийлик органдары күчөтүлгөн тартипте иштөөгө өтүүлөрү зарыл. Саламаттык сактоо системасы бейтаптардын саны дагы өсүшүнө даяр болушу керек”, – деди Бакашова.

Саламаттык сактоо жана социалдык өнүктүрүү министрлигине төмөнкүлөр тапшырылды:

  • Санариптик өнүктүрүү министрлиги менен биргеликте электрондук саламаттык сактоо системасын ишке киргизүүнү, дары-дармек каражаттар жана медициналык буюмдар боюнча улуттук маалыматтар базасын, ошондой эле коронавирус оорусунан айыккан бейтаптардын бирдиктүү реестрин түзүүнү тездетсин;
  • ооруканаларда кошумча керебеттерди жайгаштырууда реанимациялык бөлүмдүн милдеттүү болуусу менен өзүнчө корпусту же имаратты бөлүү мүмкүнчүлүгүн караштырсын;
  • облустарда, Бишкек жана Ош шаарларында коронавирус менен ооруган кош бойлуу аялдарды дарылоо үчүн өз алдынча саламаттык сактоо мекемелерин, ошондой эле коронавирусту жуктуруп алган өнөкөт бөйрөк жетишсиздиги бар бейтаптарды дарылоо үчүн гемодиализ борборлорун аныктасын;
  • министрлер кабинетинин облустардагы ыйгарым укуктуу өкүлдөрү Бишкек жана Ош шаарларынын мэриялары менен биргеликте 118 номерлүү кызматтын үзгүлтүксүз иштөөсүн камсыз кылсын (зарыл болгондо кызматкерлердин санын көбөйтүү менен);
  • шаар жана облустардын аймактарында күндүзгү же күнү-түнү иштөөчү стационарларды ачуу учурунда кире бериште медициналык персоналдын тийиштүү штатын камсыз кылуу менен бөлүштүрүү зоналарын милдеттүү түрдө уюштурсун;
  • 10 күндүк мөөнөттө медициналык мекемелер менен жеке лабораториялардын ортосунда келишимдик мамилелерди түзүү жөнүндө маселени иштеп чыксын;
    вакцинациялоо темпин күчөтсүн.
131
Белгилер:
тапшырма, коронавирус, Жылдыз Бакашова, өкмөт
Тема:
Коронавируска байланыштуу Кыргызстандагы кырдаал
Тема боюнча
"Манас" аэропортундагы ПЦР-лаборатория күнү-түнү иштей баштады
Вакцинадан баш тартуу COVID-19дун организмде мутацияланышын шарттайт

Россиянын аскер учагы Кара деңизде британиялык кемени кантип токтотту. Видео

0
(жаңыланган 23:54 23.06.2021)
Россиянын Коргоо министрлиги Кара деңизде Улуу Британиянын Degender эсминецинин үстүнөн аскер учагы кантип учуп өткөнүн көрсөттү.

Кеме бүгүн Кара деңизден чек араны мыйзамсыз кесип өткөн. Россиялык учкучтар эскертүү катары эсминецтин жолун аткылап, авиабомба таштаган.

Ошондой эле кеменин өзүнө карата курал колдонуларын эскерткен.

Британия эсминец тынчтык жүрүшү менен бара жатканын айткан. Ал эми Россия бул окуя учурунда БУУнун деңиздеги укуктар боюнча 1982-жылкы конвенция бузулду деп эсептейт.

0
Белгилер:
чек ара, учак, кеме, деңиз, Улуу Британия, Россия
Тема боюнча
Кара деңизге жеткирилген артиллериялык, десанттык кемелер. РФ флоту эмнени көздөөдө?