Фонарь менен киши электр панелин текшерип жатат. Архив

Электр кубаты үчүн карызы бар бишкектиктердин жарыгы 31-майдан тарта өчүрүлөт

35
"Түндүк электр" ишканасы электр энергиясына болгон бересени убагында төлөөгө чакырат. Кечиккен кардарлардын жарыгы өчүрүлөт.

БИШКЕК, 28-май — Sputnik. 31-майда "Түндүк электр" ишканасы Бишкекте электр энергиясына карызы бар 6,1 миң абоненттин жарыгын өчүрүүнү баштайт. Бул тууралуу компаниянын маалымат кызматы билдирди.

Ишкана абоненттерди электр кубатынын акысын төлөөгө чакырууда. Азыркы тапта жалпы карыз 62 миллион сомду түзөт.

Өчүрүүлөр "акылдуу эсептегичтердин" жардамы менен аралыктан жүргүзүлөт.

Тейлөөнү ыңгайлаштыруу үчүн ишкананын расмий сайтында "Баланс абонента" деген бөлүмү ачылган. Ал жерде ар бир кардар өзүнүн эсеп-кысабын текшере алат. Ошондой эле балансты "Түндүк электрдин" түнү-күнү иштөөчү колл-борборунун 1209 түз байланыш телефонуна чалып тактаса да болот. Мындан сырткары, кардар (0551) 00-12-09 WhatsApp-номерине билдирүү жазып, жооп ала алат.

Карызды Quickpay, Pay24, UMAI, KICB, "БТА Банк" төлөм терминалдары аркылуу, ошондой эле UMAI, "Элсом" электрондук капчык жана "Айыл Банк", "ДосКредоБанк", "БТА Банк", "Кыргызстан" коммерциялык банкы жана "Кыргыз почтасы" мамлекеттик ишканасынын кассаларынан төлөөгө болот.

35
Белгилер:
эскертүү, "Түндүк Электр" ишканасы, төлөө, карыз, электр энергиясы, Бишкек
Тема боюнча
Үнөмдөгүлө! Бийлик кышында электр энергия тартыш болорун элге эскертти
Бишкек шаары. Архив

Шейшембиге карата аба ырайы

46
15-июнга караган түнү өлкөнүн тоолуу райондорунда күтүлүп жаткан нөшөрлүү жаан-чачынга байланыштуу сел жүрүшү ыктымал. Батыштан соккон шамалдын ылдамдыгы секундасына 4-9 метрге жетет.

БИШКЕК, 14-июн. — Sputnik. Шейшембиде күндүз кээ бир райондордо күн күркүрөп, жамгыр жаашы күтүлөт. Бул тууралуу Кыргызгидромет билдирди.

Абанын температурасы Чүй облусунда +26…+31, Талас өрөөнүндө +25…+30, Ош, Жалал-Абад, Баткен облустарында +29…+34, Ысык-Көл аймагында +21…+26, Нарында +18…+23 градуска жогорулайт.

Күндүн табы Бишкекте +29…+31, Ош шаарында +32…+34 градуска жетет.

46
Белгилер:
Кыргызстан, аба ырайы
Тема боюнча
Жамгыр жаайбы? Бир жумага карата аба ырайы

Тонналаган акыр-чикир. Түтүн каптаган Бишкектин таштанды таштоочу жайынан видео

84
(жаңыланган 20:48 14.06.2021)
Калаадан чыккан бардык акыр-чикирди алып барып төккөн Бишкектин негизги таштанды таштоочу жайынын азыркы абалы кандай? Бул туурасында Sputnik Кыргызстандын видеосунан көрүңүз.

Жакында эле мэрия таштанды полигонун рекультивациялоо жана жабуу иштери жанданганын билдирген. Көп өтпөй рекультивациялоо кайра токтоп калганы белгилүү болду. Себеби подрядчы эстониялык компания ишти аягына чыгаруу үчүн башында макулдашылган каражатка кошумча дагы 1,3 миллион евро сураган.

Аталган долбоордун жалпы наркы 22 миллион евро, келишимге 2013-жылы кол коюлуп, 2015-жылы Жогорку Кеңеш ратификациялаган. Анын алкагында жаңы полигон салынып, эски таштанды жайды жабуу жана рекультивация иштери жасалат. Азыркы таштанды талаасы түздөлүп, акырындык менен жашыл аймакка айландырылмакчы. Мындан сырткары, метанды жок кылуу жабдуусун коюу пландалган, анткени таштанды ташталган жерден метан көп чыккандыктан түтөп, өрт тутана берет.

Ал эми рекультивациялоо долбоорунун наркы 9 миллион евро. Ишти аткаруу келишимине 2017-жылы июлда кол коюлган. Буга каражатты Европа өнүктүрүү жана реконструкция банкы бөлгөн. Анын жарымы грант, калганы кредит катары берилет.

84
Белгилер:
полигон, долбоор, жабуу, таштандылар сакталган жай, таштанды, Бишкек
Тема боюнча
Бишкектин таштанды полигонун рекультивациялоо иши 14 айдан кийин жанданды
Өкмөт уулуу калдыкты казып, 106 тонна алтын алууга белсенди. Кумтөрдөн видео