Акнет интернет-провайдери. Архивдик сүрөт

"Акнет" абоненттерине интернеттин үзгүлтүккө учураган себебин түшүндүрдү

97
(жаңыланган 16:13 29.05.2021)
Компания интернеттин ылдамдыгы төмөндөшү же жеткиликтүү болбой калышы мүмкүн экенин эскертет. Буга техникалык мүчүлүштүктөр себеп.

БИШКЕК, 29-май — Sputnik. "Акнет" интернет-провайдеринин кардарларында интернет үзгүлтүккө учурап, жеткиликтүү болбой жатат. Буга техникалык мүчүлүштүктөр себеп болуп жатканын компания өзүнүн Facebook баракчасы аркылуу билдирди.

Колдонуучулар бир нече саат интернет үзгүлтүккө учурап, же такыр өчүп калып жатканына нааразычылык билдиришүүдө.

"Азыркы тапта мүчүлүштүктөрдү жөнгө салуу үчүн бардык зарыл болгон аракеттер көрүлүп жатат", — деп айтылат маалыматта.

"Акнет" тышкы ресурстардын ылдамдыгынын кескин төмөндөөсү же интернет жана ТВ кызмат көрсөтүүлөрдө жеткиликтүү болбой калары мүмкүн экенин эскертүүдө.

97
Белгилер:
Кыргызстан, Акнет, интернет
Тема боюнча
29-майда Бишкектин бир катар райондорунда жарык өчөт. Тизме
Медициналык кызматкерлер жансыз денени Делидеги ооруканага жеткиришет. Архив

Индиялык адис: COVID-19дун "дельта-плюс" штаммы өтө тез жугат

7
(жаңыланган 11:06 24.06.2021)
Адистин айтымында, "дельта-плюс" штаммын жуктуруп алуу үчүн байтаптын жанынан бет капсыз өтүп кетүү эле жетиштүү.

БИШКЕК, 24-июн. — Sputnik. Индияда табылган коронавирустун "дельта-плюс" (B.1.617.2.1) деп аталган түрү өтө бат жугары аныкталды. Бул тууралуу Бүткүл индиялык медициналык илимдер институтунун директору Рандип Гулерияга шилтеме берип India Today басылмасы жазды.

Анын айтымында, ооруну жуктуруп алуу үчүн байтаптын жанынан бет капсыз өтүп кетүү эле жетиштүү.

"Жаңы штамм мурдагыларга салыштырмалуу өтө бат жугуп жатат. Ага кабылган адамдын жанынан бет капсыз өтүп кетүү эле вирустун жайылышына алып келет. Бул штаммдын антитело менен иммунитетти тоготпогону адистердин тынчсыздандырууда", — деди адис.

Учурда "дельта-плюс" штаммын индиялык окумуштуулар изилдеп, учудагы вакциналар ага канчалык туруштук бере аларын аныктоого аракет кылууда.

"Дельта" штаммы мутациясын улантууда. Өткөн аптада бул штамм Махараштра штатында табылган. Башкалардан ооруп айыккандардын антителосун жана эмделгендердин иммунитетин төмөндөтүп кое алгандыгы менен айырмаланат. Индияда бул штаммга кабылган 22 учур катталды.

7
Белгилер:
коркунучтар, штамм, коронавирус, Индия
Тема:
Дүйнөгө жайылган коронавирус
Тема боюнча
COVID: Республикалык штаб министрликке жаңы тапшырмаларды берди
Индияда коронавирустун жаңы мутациясы пайда болгону айтылды
Казакстан коронавируска каршы QazVac вакцинасы. Архив

Казак өкмөтү: Кыргызстанга вакцина берүү пландалган эмес

47
(жаңыланган 10:15 24.06.2021)
Казакстан учурда айына QazVac вакцинасын 100 миң дозадан гана даярдап жатат. Бул көлөмдү август айынын соңунда гана көбөйтүү каралган.

БИШКЕК, 24-июн. — Sputnik. Казакстан жакынкы айларда эч бир өлкөгө коронавируска каршы QazVac вакцинасын бербейт. Бул тууралуу өлкө вице-премьери Ералы Тугжанов билдиргенин Sputnik Казакстан агенттиги жазды.

Эске салсак, Кыргызстандын саламаттык сактоо министри Алымкадыр Бейшеналиев ушул жуманын ичинде өлкөгө казакстандык QazVac вакцинасы алып келинерин айткан. Болгондо дагы жума же ишемби күнү вакцинанын 50 миң дозасы гумжардам катары келерин баса белгилеген.

"Биринчи кезекте Казакстан вакцина менен өз жарандарын камсыздоосу керек. Андыктан август айынын аягына чейин кайсы бир өлкөгө QazVac вакцинасын жөнөтүү боюнча сөз дагы болбойт. Сентябрь айында гана вакцинанын 1 миллионго жакын дозасын даярдап бүтөбүз. Ошондо башка өлкөлөргө берүү маселесин карашыбыз мүмкүн", — деди Тугжанов.

Ал эми коңшу өлкөнүн саламаттык сактоо министри Алексей Цой балким мындай өтүнүч менен Кыргызстан Казакстанга кайрылса керек деп божомолдоду.

"Албетте, кызыкдар өлкөлөр бар. Биз өтүнүч, сунуштардын бардыгын карап чыгабыз. Бирок жакынкы айларда эч кимисине вакцина бере албайбыз", — деди Цой.

QazVac (QazCovid-in) — Казакстанда чыгарылган коронавируска каршы препарат. Алгач 75 миң доза өндүрүлүп, апрель айынан баштап жергиликтүү эл эмделе баштаган. Клиникалык сыноонун акыркы, үчүнчү фазасы 2020-жылдын декабрь айында өткөрүлгөн.

47
Белгилер:
төгүндөө, Алымкадыр Бейшеналиев, Кыргызстан, коронавирус, QazVac вакцинасы, Казакстан
Тема:
Коронавируска каршы эмдөө
Тема боюнча
Аптап коронавирустун жаңы штаммына кандай таасир этери айтылды
ДССУ балдарды эмдөө боюнча көз карашын өзгөрттү